ကွတ်ခိုင်မှာ TNLA နဲ့ စစ်ကောင်စီတပ်တို့ကြား တိုက်ပွဲဖြစ်ပွား
ဖက်ဒရယ်ဂျာနယ် မြန်မာ
ဇူလိုင် ၁၇ ရက်၊ ၂၀၂၃။
ရှမ်းပြည်နယ် မြောက်ပိုင်း၊ ကွတ်ခိုင်မြို့နယ်ထဲက မန်ပြိန်းနှင့်ကောင်းခမ်းကျေးရွာအနီး တအာင်း တပ်မတော် (TNLA) နှင့် စစ်ကောင်စီတပ်တို့ကြား တိုက်ပွဲဖြစ်ပွားခဲ့တယ်လို့ TNLA ပြန်ကြားရေးဆီက သိရပါတယ်။
မန်ပြိန်းနှင့်ကောင်းခမ်းကျေးရွာအနီး စစ်ကောင်စီ တပ် စကခ-၁၆/ခလရ-၆၉ နဲ့ TNLA တပ်တို့ နှစ်ဖက် တိုက်ပွဲဟာ ဒီကနေ့ မနက်ပိုင်းအစောပိုင်း ၈ နာရီကျော်ခန့်မှာ ဖြစ်ပွားခဲ့တာဖြစ်ပြီး မိနစ် ၃၀ ခန့် ကြာမြင့်ခဲ့တာပါ။
ဒါ့အပြင် ဒီကနေ့ ညနေပိုင်း(၃း၂၅)နာရီအချိန်ခန့်ကလည်း ကွတ်ခိုင်ဘက်ကနေ သိန္နီမြို့ဘက်သို့ ဆင်းလာတဲ့ စစ်ကောင်စီတပ် ယဉ်တန်း ကား(၇)စီးကိုလည်း TNLA က ကြားဖြတ် တိုက်ခိုက်ခဲ့လို့ နှစ်ဖက် အပြန်အလှန် ပစ်ခတ်မှု ရှိခဲ့တယ်လို့ သိရပါတယ်။
အခုလ ဇူလိုင်လအတွင်း တအာင်း တပ်မတော်(TNLA) နှင့် စစ်ကောင်စီတပ်တို့ကြား မိုင်းငေါ့မြို့နယ်နဲ့ မူဆယ် မြို့နယ် တို့မှာ (၁)ကြိမ်စီ ဖြစ်ပွားခဲ့ပြီး ကွတ်ခိုင်မြို့နယ်မှာတော့(၃)ကြိမ် ဖြစ်ပွားခဲ့တယ်လို့ သိရပါတယ်။
ဓါတ်ပုံ – Getty Images
