Federal Journal Myanmar

43 minutes ago

9

စစ်ကောင်စီကျင်းပမည့် ရွေးကောက်ပွဲအပေါ်  အင်အားစုအသီးသီးတို့၏ ရှုမြင်မှုများကို လေ့လာခြင်း

စစ်ကောင်စီကျင်းပမည့် ရွေးကောက်ပွဲအပေါ်  အင်အားစုအသီးသီးတို့၏ ရှုမြင်မှုများကို လေ့လာခြင်း နောက်ခံအခြေအနေ ၂၀၂၀ခုနှစ် အထွေထွေရွေးကောက်ပွဲရလဒ်ကို မဲမသမာမှုဟူသည့် စွက်စွဲချက်ဖြင့် မြန်မာ့စစ်တပ်မှ ၂၀၂၁ ခုနှစ်၊ ဖေဖော်ဝါရီလ (၁) ရက်နေ့တွင် နိုင်ငံတော်အာဏာကို သိမ်းယူခဲ့ပါသည်။ မြန်မာ့စစ်တပ်သည် အာဏာသိမ်း အပြီးတွင် မဲစာရင်းများပြန်လည်စီစစ်ခြင်း၊ လွတ်လပ်၍ တရားမျှတသည့်ရွေးကောက်ပွဲ ပြန်လည်ကျင်းပ၍ အနိုင်ရပါတီကို အာဏာပြန်လည်လွှဲပြောင်းပေးမည်ဟု ဆိုခဲ့သည်။ သို့သော် အာဏာ သိမ်းကာလ (၄)နှစ်ကျော် လာသည်အထိ ရွေးကောက်ပွဲပြန်လည်ကျင်းပနိုင်သည့် အခြေနေမရှိဘဲ  အာဏာသိမ်းစစ်ကောင်စီ တပ်ဖွဲ့များသည် ထိန်းချုပ်နယ်မြေများစွာဆုံးရှုံးခြင်း၊ စစ်ကောင်စီ၏ ဗဟိုအချက်အချာ နေရာဖြစ်သည့် နေပြည်တော် ကဲ့သို့သော မြို့ကြီးများအထိ တော်လှန်ရေးအင်အားစုများ ထိုးဖောက်ဝင် ရောက်လာနိုင်သည့် အခြေအနေများ တွေ့လာရပြီး နိုင်ငံအဝန်းတွင် စစ်ရေးအရှိန်ပိုမိုကျယ်ပြန့်လာနေ ခြင်း၊ စစ်ကောင်စီ၏ အပြစ်မဲ့ပြည်သူလူထုများ အပေါ်နေ့စဥ် အကြမ်းဖက်မှု၊ လေကြောင်းတိုက်ခိုက်မှု များစွာတွေ့နေရခြင်း၊ ကျူးလွန်နေခြင်းများကို နေ့စဥ်တွေ့ရှိနေရဆဲ ဖြစ်သည်။ ထိုအခြေအနေများကြားမှ စစ်ကောင်စီအနေဖြင့် ရွေးကောက်ပွဲကို ၂၀၂၅ နှစ်ကုန်ပိုင်းမှ ၂၀၂၆ နှစ်ဆန်းပိုင်းအတွင်း  ရွေးကောက်ပွဲ ကျင်းပမည်ဟု စစ်ကောင်စီမှ အခိုင်အမာပြောဆိုထားပြီး၊ စစ်ကောင်စီ ခန့်ထားသည့် ပြည်ထောင်စုရွေးကောက်ပွဲကော်မရှင်ကလည်း…