FJMM ကဗျာ – မိုးဦး
နွေကတော့
တိမ်ညိုတွေကတဆင့်
သတင်းစကားပါးလိုက်ပြီ။
မိုးဦးရဲ့ ရနံ့လေးတွေပါ
သယ်ဆောင်လာသူ
တိမ်ညိုခမျာ
အပြုံးတွေ တသီကြီးနဲ့
သတင်းစကားပါးရှာတယ်။
ကျနော်ခရီးရောက်မဆိုက်
ပြောလိုက်မိတယ်
တိမ်ညိုရေ
မိုးဦးမရောက်ခင်ထဲက
အလွမ်းတွေက
တသီတတန်း
နဂါးငွေ့ပတ်လမ်းလို
ကြိုရောက်နှင့်နေပြီလေ။
မိုးဦးရောက်လာရင်လည်း
မိုးဦးကို အဖော်ပြု
အလွမ်းအဆွေးတွေ
နှစ်ထပ်ကွမ်းအဖြစ်
ပိုလွမ်းဖြစ်နေဦးမှာပါ။
အိုက်နီ(ဖြူး)
