လေသံပစ်ရွေးကောက်ပွဲက စစ်အုပ်စုအကြပ်အတည်းအတွက် အဖြေလား
ဖက်ဒရယ်ဂျာနယ်၊ မြန်မာ
ဇန်နဝါရီ ၂၈၊ ၂၀၂၅
ပြီးခဲ့သည့်နှစ်ကုန်ပိုင်းက စစ်ခေါင်းဆောင် ဗိုလ်ချုပ်မှူးကြီး မင်းအောင်လှိုင်၏ တရုတ်နိုင်ငံခရီးစဥ်နှင့် စစ်ကောင်စီ နိုင်ငံခြားရေး ဝန်ကြီးတို့၏ အိမ်နီးချင်းနိုင်ငံများနှင့် အလွတ် သဘောအစည်းအဝေးတို့မှာ ၂၀၂၅ ခုနှစ်အတွင်း ရွေးကောက်ပွဲ ကျင်းပသွားမှာ ဖြစ်တယ်လို့ ဒေသတွင်းနိုင်ငံများကို စစ်ဗိုလ်ချုပ်များက အတိအလင်း ပြောဆို ထားပါတယ်။
ဒါ့အပြင် စစ်ကောင်စီကျင်းပမည့် ရွေးကောက်ပွဲအတွက် မဲဆန္ဒရှင်စာရင်းပြုစုရာမှာ “၂၀၂၅ ဒီဇင်ဘာ ၃၁ ထိ အကျုံးဝင်ပြီး ၁၈ နှစ် ပြည့်မည့်သူများ” ကိုပါ ကောက်ခံရန် ပြီးခဲ့တဲ့ ရက်သတ္တပတ် ဇန်နဝါရီ ၂၁ ရက်နေ့က စစ်ကောင်စီ လူဝင်မှုကြီးကြပ်ရေးနှင့် ပြည်သူ့အင်အား ဝန်ကြီး ဦးမြင့်ကြိုင်၏ နေပြည်တော်မှာ ပြုလုပ်ခဲ့တဲ့ မြေပြင်ကွင်းဆင်း စာရင်းကောက်ယူရေး ကြီးကြပ်မှုဗဟိုကော်မတီ အစည်းအဝေးမှာ ပြောဆိုလိုက်တာပါ။
ဒါပေမယ့် ၂၀၂၁ ခုနှစ် ဩဂုတ်လ ၁ ရက် စစ်ကောင်စီသက်တမ်း ၆ လ ပြည့်သောနေ့ အများပြည်သူကို မိန့်ခွန်း ပြောခဲ့စဥ်က ၂၀၀၈ ခြေ/ဥအရ နိုင်ငံတော်အား အရေးပေါ်အခြေအနေ ကြေညာမှုကို အချိန်ကာလ အများဆုံး ၂နှစ် ခွင့်ပြုထားသဖြင့်၊ ၂၀၂၃ ခုနှစ် ဩဂုတ်လတွင် ရွေးကောက်ပွဲ ကျင်းပပေးမယ်လို့ လူသိ ရှင်ကြား ကတိ ပေးခဲ့ဖူး ပေမယ့် ထိုအချိန်က ရွေးကောက်ပွဲ မကျင်းပနိုင်ဘဲ လေသံပစ်ရွေးကောက်ပွဲသာ ဖြစ်ခဲ့ဖူးပါတယ်။
အခုနှစ် ၂၀၂၅ မှာ စစ်ကောင်စီ ရွေးကောက်ပွဲ ကျင်းပလာနိုင်မလား။ လေသံပစ်မယ့် ရွေးကောက်ပွဲလား။ ရွေးကောက်ပွဲက စစ်အုပ်စုရဲ့ လက်ရှိကြုံနေရတဲ့ အကြပ်အတည်းကနေ ရုန်းထွက်နိုင်ဖို့ အဖြေရှာဖို့လား စတဲ့ ရှုထောင့် ပေါင်းစုံကနေ အမြင်အမျိုးအမျိုး ရှိနေတာဖြစ်လို့ သက်ဆိုင်ရာ အင်အားစု အသီးသီး ခေါင်းဆောင်များနှင့် နိုင်ငံရေး လေ့လာ သုံးသပ်သူများ၏ သဘောထားအမြင်၊ သုံးသပ်ချက်များကို ဖက်ဒရယ်ဂျာနယ်၊ မြန်မာက လက်လှမ်း မီသလောက် မေးမြန်း စုစည်းတင်ဆက် ပေးထားပါတယ်။
ရုပ်သံမှာ ကြည့်ရှုနိုင်ပြီ
