ကြည့်ထား
မျက်စိဒေါက်ထောက်ပြီးကြည့်ထား
မြန်မာပြည်တနံတလျားမှာ အကောင်တွေခြစားလို့
လုံးပါး ပါးသွားတဲ့ သဃံဇာတတွေကိုကြည့်ထား
တောတွေကိုကြည့်ထား
တောင်တွေကိုကြည့်ထား
မြစ်ချောင်း အင်းအိုင်နဲ့ ကျောက်သံပတ္တမြား
သဘာဝရဲ့ အဆီအနှစ်တွေကိုကြည့်ထား
ကြည့်ထား
ဘ၀တူတွေကိုကြည့်ထား
နောက်ဆို ခင်ဗျားတို့ ကျုပ်တို့လည်းလုံးပါး ပါးသွားမှာ
စား . . စား . . .
ဝအောင်စား
ပြည်သူ့ ဘဏ္ဍာနဲ့ ထမင်းဝအောင်စား
လယ်ယာမြေတွေကိုစား
ရေနံတွေကိုစား
ဓာတ်သတ္တုတွေနဲ့ ဂတ်ငွေ့တွေကိုစား
လက်ပံတောင်းကိုစား
ဖားကန့်ကိုစား
သံလွင် ကိုစား
ချင်းတွင်းမြစ်ကိုစား
ဧရာဝတီကိုရောင်းစား
နိုင်ငံအနှံ့ ခင်ဗျားတို့စိတ်ကြိုက်စား
သဃံဇာတဆိုတာ ခင်ဗျားတို့ မယားပါသား
နေပြည်တော်မှာ ထိုင်ပြီးတော့စား
ရန်ကုန်ကနေ ရောင်းစား
လုပ်ပိုင်ခွင့်ကိုင်ပြီးတော့စား
ခရိုနီတွေက ပိုင်ရာဆိုင်ရာတွေ ကိုင်ကိုင်ပြီးတော့စား
“ မင်း တစ်ယောက် ကျုပ်တို့” တိုင်းပြည်ကိုရောင်းစား။
တအိအိဖဲ့ စား
တမြှုပ်မြှုပ်နဲ့ စား
မြိန်ရေယှက်ရေနဲ့ စား
ပြီးရင်တော့လား . . . . . . . . . . . .
ကြပ်ကြပ်သတိထား
ခင်ဗျားတို့ ကြပ်ကြပ်သတိထား၊
အသိတရားတွေ ကိုယ်မှာကပ်ထား
သရဏဂုံတင်ထား
သက်ပျောက်ဆွမ်း ကပ်ဖို့ပြင်ထား
ကိုယ့်သေတွင်းကိုယ်တူးထား
ဒီမှာ ကျုပ်တို့ပြည်သူတွေက
ခင်ဗျားတို့အတွက် ကြိုးစင်ပြင်ထားတယ် သိလား. . . . . . . . . . ။
မောင်မိုးယံ(သက္ကယ်)
