FJMM ကဗျာ | ခေါင်းစဉ်မဲ့ငိုသံ
*ကန္တရတိုင်း ကရင်နီနယ်က
သေနတ်သံ၊ ဗုံးဆံ တဒိုင်းဒိုင်းညံ
ကမ္ဘောဇတိုင်း တောင်ကြီးနယ်က
အိုးစည်၊ ဂီတ မြူးကြွလို့ညံ
ဤနှစ်သံကြား ခါးသီးလှတဲ့
ဒုက္ခသည်စခန်း စည်ကားနေရောပေါ့။
*အမှန်တရားဆိုတာ ရုပ်မရှိ/နာမ်မသိ
ကြားနေတော့လည်း အိုးမရှိ/အိမ်မရှိ
နတ္တိကိုသာ ပိုင်ဆိုင်ထားတဲ့….
တို့ပြည်သူရဲ့ အိမ်ပြန်ချိန်ဟာ
အရှေ့ဖက်နေဝင်မှလား၊ နောင်ဘဝမှလား….?
ဆိုတော့……
တမ်းတနေတုန်းမှာပဲ…..နောက်ထပ်
ဝဝကစ်ကစ် ပေါင်(၅၀၀)ဗုံးတစ်လုံး
တို့ရဲ့ရွက်ဖျင်တဲ့ တည့်တည်ပေါ်ကို
ယမ်းငွေပန်းငွေ့လေးနဲ့အတူ
အနမ်းလာပေးသွားပြန်ပြီလေ။
ခွန်ခမ်းသွောင်း(ချယ်ရီမြေ)
