KNDF / B-12 (ထုတ်ပြန်ချက်)
ဖက်ဒရယ်ဂျာနယ် မြန်မာ၊ ဒီဇင်ဘာ ၂၆
ရှမ်းပြည်နယ်တောင်ပိုင်း၊ ဆီဆိုင်မြို့နယ်အခြေစိုက် ခမရ (၄၂၄)တပ်ရင်းမှ တပ်ကြပ် ခွန်ပေဒိဟာ စစ်ကောင်စီ၏ ပြည်သူများအပေါ် မတရားသောလုပ်ရပ်များလုပ်ဆောင်နေခြင်းကို မနှစ်မြို့သောကြောင့် အမှန်တရားဘက်သို့ ရပ်တည်လာခဲ့တာလို့ သိရပါတယ်။
တပ်ကြပ် ခွန်ပေဒိဟာ ပြီးခဲ့တဲ့ စက်တင်ဘာလ (၁၉) ရက်နေ့က လက်နက်နှင့် တကွ KNDF တပ်ရင်း အမှတ် (၁၂) ထံသို့ CDM ပြုလုပ်ပြီး ဝင်ရောက် ခိုလှုံခဲ့တာပါ။
KNDF တပ်ရင်းအမှတ်(၁၂) ဖက်ကလည်း အမှန်တရားဘက်သို့ ရပ်တည်လာတဲ့ CDMတပ်သားကို ဂုဏ်ပြုဆုငွေများလည်းပေးအပ်ချီးမြှင့်ခဲ့ပါတယ်။
ယခုကဲ့သို့ ပြည်သူအားမျက်နှာမူ၍ အမှန်တရားဘက်သို့ ထပ်မံကူးပြောင်း လာလိုသူများကို နွေးထွေးစွာ ကြိုဆို လျက်ရှိတယ်လို့ KNDF က ထုတ်ပြန်ထားပါတယ်။
