NUG ၏ အုပ်ချုပ်ရေးအဖွဲ့ကို လက်မခံဘူးဟု KNPP ပြော
ဧပြီ ၂၆၊ ၂၀၂၂ (ကရင်နီ)
အမျိုးသားညီညွတ်ရေးအစိုးရ(NUG)သည် ကရင်နီ (ကယား)ပြည်နယ်အတွင်း အုပ်ချုပ်ရေးအဖွဲ့အစည်းများ ဖွဲ့စည်းခြင်းသည် NUCC က ရေးဆွဲထားသည့် ဖက်ဒရယ်ပဋိဥာဉ် အစိတ်အပိုင်း-၂ ကို ဆန့်ကျင်နေခြင်းကြောင့် လက်မခံနိုင်ဘူးဟု ကရင်နီအမျိုးသားတိုးတက်ရေးပါတီ(KNPP)က ယနေ့ (ဧပြီ ၂၆ ရက်) တွင် ထုတ်ပြန်လာသည်။
အဆိုပါ ထုတ်ပြန်ချက်ကို KNPP ၏ ပြည်ထဲရေးဝန်ကြီးဌာန ဝန်ကြီး ခူးညေးရယ် နာမည်ပါဖြစ် ထုတ်ပြန်ထားသည်။
KNPP သည် NUG နှင့်မဟာမိတ်ဖြစ်ပြီး NUCC တွင် ပါဝင်၍ ဖက်ဒရယ်ပဋိဥာဉ်ကို အတူတူရေး ဆွဲခဲ့သော လက်နက်ကိုင်အဖွဲ့အစည်းလည်း ဖြစ်သည်။
