အခြေခံဥပဒေပြင်ဆင်ရေးနှင့် တိုင်းရင်းသားအခွင့်အရေး
ပူးနိုထန်ကပ်၊ ဥက္ကဋ္ဌ၊ ချင်းတိုးတက်ရေးပါတီနှင့် တွေ့ဆုံမေးမြန်းခြင်း
(ပြည်ထောင်စုလွှတ်တော်တွင် အခြေခံဥပဒေပြင်ဆင်ရေးပူးပေါင်းကော်မတီ ဖွဲ့စည်းပြီး အခြေခံဥပဒေ ပြင်ဆင်ရေးလုပ်ငန်း များကိုစဆင်ဆောင်ရွက်နေပြီဖြစ်သည်။ ၂၀၀၈ဖွဲ့စည်းပုံအခြေခံဥပဒေပြဋ္ဌာန်း အတည်ပြုပြီး စတင်အသက်ဝင်ကျင့်သုံးသည့် ၂၀၁၀ ခုနှစ်မှရေတွက်လျင်(၉)နှစ်အကြာတွင် ပြင်ဆင်ရေးကိုပြုလုပ်ခြင်းဖြစ်ရာ ပြင်ဆင်ရေးကိုထောက်ခံသူများ၊ ပြင်ရေးအတွက် စောလွန်း နေသေးပြီး ပြဋ္ဌာန်းချက်အသက်ဝင်အောင် အရင်လုပ်သင့်သည်ဟု ယူဆသူများနှင့် ပြင်ဆင်ရေးထက် လုံးဝ အသစ်ရေးဆွဲသင့်သည်ဟု ယူဆနေသူများလည်းရှိနေပါသည်။
ထိုကြားတွင် တိုင်းရင်းသားအခွင့်အရေးများ၊ ရပိုင်ခွင့်များအတွက် မည်သည့်အချက်ကိုပြင်ဆင်ပြီး ထည့်သွင်းရမည် ဆိုသည့်အုပ်စုကလည်းရှိနေပြီး အဆိုပါရှုထောင့်မှ မည်သည့်အချက်ကို အခြေခံဥပ ဒေပြင်ဆင်ရေးနှင့် တိုင်းရင်းသားများအခွင့် အရေးများကိုသိရှိနိုင်ရေးအတွက် ပူးနိုထန်ကပ် ဥက္ကဋ္ဌ၊ ချင်းတိုးတက်ရေးပါတီနှင့် တွေ့ဆုံမေးမြန်းမှုကို ဖော်ပြအပ်ပါသည်။ပူးနိုထန်ကပ်သည် ၂၀၁၁-၁၅ အစိုးရသက်တမ်းတွင် စစ်ကိုင်းတိုင်းဒေသကြီးအစိုးရအဖွဲ့၊ ချင်းတိုင်းရင်း သားရေးရာဝန်ကြီး တာဝန်ကိုထမ်းဆောင်ခဲ့သူတစ်ဦးလည်းဖြစ်သည်။)
မေး။ ဆရာ အခု၂၀၀၈အခြေခံဥပဒေပြင်ဆင်ရေးလုပ်နေကြတယ်။ အဲဒါနဲ့ပတ်သက်ပြီးတော့ တိုင်း ရင်းသား အခွင့်အရေးတွေ၊ တိုင်းရင်းသားတွေဘက်က လိုလားနေတဲ့ အချက်တွေပါဝင် နိုင်ဖို့ဆိုရင် အခုလက်ရှိအခြေခံဥပဒေရဲ့ ဘယ်အစိတ်အပိုင်းတွေကို ပြုပြင်ဖို့လိုအပ်မလဲ၊ ဒါမှမ ဟုတ် ပယ်ဖျက်ဖို့လိုအပ်မလဲ။
ဖြေ။ ဒါကိုပြောမယ်ဆိုရင် ကွက်ပြီးသွားရမယ့် သဘောရှိတယ်။ ဖွဲ့စည်းပုံအခြေခံဥပဒေ ဆိုတာ အဓိကအကျဆုံးက အခြေခံမူ Basic Principles လေ။ အခန်း(၁)မှာပြဌါန်းထားတဲ့ အခြေ ခံမူပေါ့။ အခန်း(၁) ကနေကွက်ပြီး ပြောပါမည်။အခန်း(၁)၊ ပုဒ်မ (၁၀) မှာပြဌန်းထားတဲ့ နိုင်ငံတော်၏နယ်မြေအပိုင်းအခြားဟူသမျှသည် နိုင်ငံတော်မှ မည်သည့်အခါမျှ ခွဲမထွက်ရဆိုတာ ပယ်ဖျက်သင့်တယ်။ အကြောင်းကတော့ အခန်း (၁) ပုဒ်မ (၆)မှာ နိုင်ငံတော်တည်တံ့ခိုင်မြဲရေးအတွက် ဒို့အရေးသုံးပါးဆိုတာပါပြီးသားမို့ ခွဲမထွက်ရ ဆိုတာမလိုအပ်တော့ဘူး။ နောက်ပြီး ခွဲထွက်ခွင့်ကို တားမြစ်ခြင်းသည် ပေါင်းစည်း ခြင်းကို အခြေခံသည့် ပင်လုံစိတ်ဓါတ်ကို ဆန့်ကျင်နေတယ်။ လက်ရှိပြည်ထောင်စုမြန်မာ နိုင်ငံတော်သည် ပင်လုံစာချုပ်ကြောင့် ပေါ်ပေါက်လာတယ်ဆိုတာ လက်ခံလျှင် ပင်လုံစိတ် ဓါတ်ကိုဆန့်ကျင်တဲ့ အခြေခံမူ မပြဋ္ဌာန်းသင့်ဘူးလို့ မြင်တယ်။ ပြဋ္ဌဋ္ဌာန်းလျှင် ပင်လုံစာချုပ်နဲ့ ပင်လုံစိတ်ဓါတ်ကို လက်မခံတဲ့သဘော သက်ရောက်သွားတယ်။
ခွဲထွက်ခွင့်နဲ့ပါတ်သက်ပြီး ဆက်ပြောရမည်ဆိုလျှင်၊
(၁) ၁၉၄၆ ခုနှစ်၊ ဇန်န၀ါရီလ (၁၇)ရက်နေ့မှ (၂၈)ရက်နေ့အထိ ရွှေတိဂုံစေတီအလယ် ပစ္စယံ၌ကျင်းပသည့် ပဌမအကြိမ်နိုင်ငံလုံးဆိုင်ရာ ဖဆပလညီလာခံကြီးတွင် ဒီဒုတ်ဦးဘချိူက ”..မည်သည့်တိုင်းရင်းသား လူနည်းစုမဆို ကိုယ့်ကြမ္မာကို မိမိဖန်တီးခွင့်ပေးရမည်။ ကျွန်တော် တို့နှင့် ခွဲလိုတဲ့အခါမှာ ခွဲခွင့်ရှိကြောင်း ကတိပြုထားပါတယ်..” ဟုလည်းကောင်း၊
(၂) ၁၉၄၆ ခုနှစ်၊ မတ်လ (၂၀) ရက်နေ့မှ (၂၈) ရက်နေ့အထိ ကျင်းပသည့် ပထမအကြိမ် ပင်လုံညီလာခံတွင် ဦးစောက၊ “လွတ်လပ်ရေးရလျှင် တောင်တန်းနယ်များ၏ ပြည်တွင်းရေးကို ဗမာများက ၀င်ရောက်စွက်ဖက်မည် မဟုတ်ကြောင်း…၊ ပြည်မနဲ့တွဲလိုက တွဲနိုင်ပြီး ခွဲထွက် လိုလျှင်လည်း ခွဲထွက်မူရှိမည်ဖြစ်ကြောင်း…” ဟုလည်းကောင်း၊
(၃) ၁၉၄၆ခုနှစ၊် ဖေဖေါ်ဝါရီလ (၇)ရက်နေ့ ဘုရင်ခံ၏ အမှုဆောင်(၀န်ကြီး)အဖွဲ့ဝင်များ သို့မဟုတ် ကြားဖြတ်ဗမာအစိုးရ ဆွေးနွေးပွဲတွင် ဗိုလ်ချုပ်အောင်ဆန်းကလည်း “ပြည်မနှင့် ပေါင်းလျှင် တောင်တန်းနယ်များ၏ ပြည်တွင်းရေးကို တောင်တန်းသားများကသာ စီမံအုပ်ချုပ်ရမည်၊ ခွဲထွက်လိုက ခွဲထွက်ခွင့်လည်း ပေးမည်..” ဟုပြောကြား ခဲ့ကြသည်။
(၄) လွတ်လပ်ရေးမရမီ ၁၉၄၇ ခုနှစ်၊ မတ်လ (၂၃)ရက်နေ့တွင် ရှမ်း၊ ချင်း၊ ကချင်ပါဝင်သည့် တောင်တန်းသားများ စည်းလုံးညီညွတ်ရေးဦးစီးအဖွဲ့ (Supreme Council of the United Hill Peoples, SCOUP) ကလည်း ပေါ်ပေါက်လာမည့် နိုင်ငံသစ် တည်ထောင်ရာတွင် “…လွတ်လပ်ရေးရရှိပြီးနောက်တွင် အချိန်မရွေး ခွဲထွက်နိုင်ခွင့် ရှိရမည်” ဟု ဆုံးဖြတ်ချက် ချမှတ်ခဲ့ကြသည်။
အထက်ပါကတိစကားများနဲ့ ဆုံးဖြတ်ချက်အပေါ် ပြည်ထောင်စုမြန်မာနိုင်ငံတော်ကို တည် ထောင်ထားခြင်း ဖြစ်တယ်။
ဒါကြောင့် ဒီပြည်ထောင်စုကြီး တည်ထောင်သူ ဖခင်ကြီးများရဲ့ လိုအင်ဆန္ဒနဲ့ ကတိများကို ဆန့်ကျင်သည့် ဥပဒေမျိုး မပြဌန်းသင့်ဟု မြင်ပါသည်။ ဘယ်တော့မှခွဲမထွက်ရဟု ပြဌန်းခြင်း ထက် ဘယ်လူမျိုးမဆို ဘယ်တော့မှခွဲမထွက်ချင်အောင် ပေါင်းစည်းခြင်း၏တန်ဖိုးကို လက် တွေ့ ပြသဖို့ ပိုအရေးကြီးတယ်၊ လက်တွေ့ပြသခြင်းဖြင့် ပြည်ထောင်စုမပြိုကွဲအောင် ပိုမိုတည် တံ့ခိုင်မြဲစေလိမ့်မည်။
အခန်း (၂)၊ ပုဒ်မ (၄၉) နိုင်ငံတော်နယ်မြေ ပိုင်းခြားသတ်မှတ်ပုံမှာ ပြည်နယ်(၇)ခု ကို လူမျိုးအခြေခံဖွဲ့စည်း ထားသည့်နည်းတူ တိုင်းဒေသကြီး(၇)ခုကိုလည်း လူမျိုးအခြေခံ စုစည်းဖွဲ့ စည်းသင့်တယ်။ ဒါမှလည်း အမျိုးသားလွှတ်တော်မှာ လူမျိုးကြီး (၈)ခုအကြား တန်းတူ ညီမျှမှုရှိနိုင်ပြီး ဥပဒေပြုရေးမဏိုင်မှာ ဖယ်ဒရယ်ပုံစံ ပေါ်လာမှာ ဖြစ်တယ်။
အခန်း (၂)၊ ပုဒ်မ (၅၃) ပြည်တွင်းတိုင်းဒေသကြီး (သို့) ပြည်နယ်အကြား နယ်နမိတ် သတ်မှတ်ခြင်းကို ပြင်သင့်တယ်။ ခုဟာက သက်ဆိုင်ရာမြို့နယ်ပြည်သူလူထု၏ ဆန္ဒအရ ပြင်ချင်တဲ့နယ်နမိတ်သည် လွှတ်တော်အဆင့်ဆင့် လက်ထဲရောက်တော့ ပျက်ပယ်သွားနိုင် သည့်သဘောဖြစ်နေတယ်။
အခန်း(၄)၊ လွှတ်တော်နှစ်ရပ်ပေါင်းပြီးဖွဲ့စည်းသည့် ပြည်ထောင်စုလွှတ်တော် သီးခြားထားရှိပြီး အမြင့်ဆုံးဥပဒေပြုခွင့်အာဏာ ပေးအပ်ခြင်းသည် လူဦးရေပိုများသည့်လူမျိုးကို ဥပဒေပြု အာဏာ ပိုပေးသလို ဖြစ်နေသည့်အတွက် တန်းတူရေးနဲ့ ဖယ်ဒရယ်မူနဲ့ ဆန့်ကျင်နေတယ်။ ပြည်ထောင်စုလွှတ်တော်ဆိုတာမထားသင့်ပါ။ ၁၉၄၇ အခြေခံဥပဒေမှာလည်း ပြည်ထောင်စု လွှတ်တော် သီးခြား မထားရှိဘဲ ပြည်သူ့လွှတ်တော်နဲ့ လူမျိုးစုလွှတ်တော် နှစ်ခုသာထားတယ်။
အခန်း(၄)၊ ပုဒ်မ(၉၈) ကိုပြင်သင့်တယ်။ ဒီမှာပြဌန်းထားတဲ့ ကျွင်းကျန်အာဏာ (Residuary power)ကို ပြည်ထောင်စုလွှတ်တော်တွင် မအပ်နှင်းဘဲ ပြည်နယ်လွှတ်တော်တွင် အပ်နှင်း သင့်တယ်။ ဒါမှလည်း ဗဟိုလုပ်ပိုင်ခွင့်အာဏာ လျှော့ချပြီး ပြည်နယ်မှာ လုပ်ပိုင်ခွင့်ပိုရှိ လာမှာ ဖြစ်ပါတယ်။
အခန်း (၄) ထဲမှ ဥပဒေကြမ်းတင်သွင်းခြင်း ပုဒ်မ (၁၀၀)၊ (၁၀၁)နှင့် ဘဏ္ဍာငွေအရသုံး ဆိုင်ရာ ဥပဒေ ပုဒ်မ (၁၀၃) ကိုလည်း ပြင်သင့်တယ်။ ဇယား (၁) (၂) (၅) ဒါတွေလည်းပြင် ကိုပြင်ရမယ်။ ဥပဒေ အထူးသဖြင့်ဘဏ္ဍာငွေဆိုင်ရာ ဥပဒေသည် အလွန်အရေးကြီးတယ်လေ။ အခုပြဋ္ဌာန်းလိုက်တဲ့ ဇယားတွေကိုကြည့်လျှင် ပြည်နယ်မှာ လုပ်ပိုင်ခွင့် (ဥပဒေပြုပိုင်ခွင့်) ရယ် လို့ မရှိသလောက်ဘဲ။
မေး။ နောက်တစ်ချက်က မြန်မာနိုင်ငံရဲ့ပြဿနာက အခြေခံဥပဒေပြဋ္ဌာန်းချက် မမျှတမှုကြောင့် ပေါ် ပေါက်လာတဲ့ပြဿနာတွေ ဖြစ်တယ်ဆိုပြီး ပညာရှင်အချို့သုံးသပ်ထားတာတွေတွေ့ရတယ်၊ တိုင်းရင်းသားတွေဖက်ကလည်း ခေတ်အဆက်ဆက်တောင်းဆိုခဲ့တာတွေရှိခဲ့တယ်။
ဥပမာ- တောင်ကြီးညီလာခံ၊ ၃၃ ဦးကော်မတီအကြံပေးအဖွဲ့ထံပေးပို့တဲ့အကြံပြုစာတွေ၊ ပြီး တော့နောက်ဆုံး ဒီ၂၀၀၈ မဖြစ်ခင်လေး အကြံပြုချက်တွေ ရှိခဲ့တယ်။ အခုလွှတ်တော် တွင်းပြင်ဆင်ရေးလုပ်တဲ့အပေါ် တိုင်းရင်းသားတွေရဲ့ လိုလားချက်တွေကို ထင်ဟပ်နိုင်မလား၊ ဒါမှမဟုတ် ထင်ဟပ်နိုင်ဖို့ဆိုရင် ဘယ်လိုလုပ်သင့်သလဲဆိုတာ သုံးသပ်ပေးပါဦး။
ဖြေ။ မြန်မာနိုင်ငံရဲ့ပြဿနာက အခြေခံဥပဒေပြဋ္ဌာန်းချက် မမျှတမှုကြောင့် ပေါ်ပေါက်လာတဲ့ ပြဿ နာတွေ ဖြစ်တယ်ဆိုရင် မေးရမှာက ဘာ့ကြောင့်အခြေခံဥပဒေကို မျှတမှုမရှိဘဲ ရေးဆွဲရတာလဲ ဆိုတာပါဘဲ။ ဒီမေးခွန်း၏အဖြေပေါ်မှာ မျှတမှုမရှိခြင်း၏အဖြေ မြင်တွေ့ရလိမ့်မည်။ကျွန်တော့ အမြင်မှာ၊ မျှတမှုမရှိခြင်းသည် မြန်မာနိုင်ငံစတင် ပေါ်ပေါက်လာပုံအပေါ် အမြင်ချင်း မတူလို့ဘဲ။ တောင်တန်းသား တိုင်းရင်းသားများက ပြည်ထောင်စုမြန်မာနိုင်ငံသည် ၁၉၄၇ ပင်လုံစာချုပ်ကြောင့် ပေါ်ပေါက်လာတယ်လို့ ခံယူနေချိန်မှာ မြေပြန့်ဗမာများကတော့ လက်ရှိ မြန်မာနိုင်ငံသည် အနော်ရထာမင်းက စတင်တည်ထောင်သည့် စတုတ္ထမြောက် ဗမာအင်ပါယာ (၀ါ) ဗမာနိုင်ငံတော်လို့မြင်တယ်။ ဤအမြင်နဲ့ကြည့်မည်ဆိုရင် တောင်တန်းသားလူနည်းစုများ သည် ရှေးအနော်ရထာမင်းခောတ် ကတည်းက ဗမာမင်းများ၏ အုပ်ချုပ်ခံတွေပေါ့။ အဲဒီတော့ သူတို့က ဒီခံယူချက်နှင့် ဖွဲ့စည်းပုံအခြေခံဥပဒေ ရေးတဲ့အခါ အုပ်ချုပ်ခံတိုင်းရင်းသား လူနည်းစုများနှင့် အုပ်ချုပ်သူလူများစုဗမာကြား ခွဲခြားပြီး မြေပြန့်ဗဟိုအုပ်ချုပ်ရေးစနစ် (၀ါ) တစ်ပြည်ထောင်စနစ် (၀ါ) လူများစုဗမာအုပ်ချုပ်သည့်စနစ်နဲ့ အခြေခံဥပဒေ ပြဌန်းတော့ တာပေါ့။ ဒါကပြသနာအားလုံးရဲ့ အရင်းအမြစ်ပါဘဲ။ အခြေခံဥပဒေမှအစ ကျန်ပြသနာတွေက ဒီအချက်ကြောင့် ပေါက်ဖွါးလာတဲ့ အပေါ်ယံအနာစိမ်းတွေပါ။တိုင်းရင်းသားတွေရဲ့ လိုလားချက်တွေကို ထင်ဟပ်နိုင်ဖို့ ဘယ်လိုလုပ်သင့်သလဲ ဆိုတာနဲ့ပါတ် သက်လို့ကတော့ ဥပမာ- (၄၅) ဦးအခြေခံဥပဒေပြင်ရေး ပူးပေါင်း ကော်မတီ မှာဖြစ်ဖြစ် လွှတ်တော်ထဲမှာဖြစ်ဖြစ် လူဦးရေပိုများတဲ့လူမျိုးစုက လူနည်းစုတိုင်းရင်းသားများ၏ လိုလား ချက်ကို ဗိုလ်ချုပ်အောင်ဆန်းတို့လို သိရှိလိုက်လျှောသင့်တာပေါ့။ ဒိလိုမဟုတ်ဘဲ ဒီမိုကရေ စီဘဲဟေ့..အများစုဆန္ဒအတိုင်း ဆုံးဖြတ်မည်ဆိုပြီး လူဦးရေပိုများတဲ့ လူမျိုး၏လိုလားချက်ကို သာ တကဲကဲလုပ်လို့ကတော့ တစ်ပြည်ထောင်စနစ် (သို့) ဗဟိုချုပ်ကိုင်သည့်စနစ် (သို့) လူနည်းစုအတွက် အကျိုးမပေးတဲ့စနစ်ထဲမှာ ဆက်ပြီးတ၀ဲလည်လည် နစ်မျောရုံဘဲပေါ့..
မေး။ ဆရာက ချင်းတိုင်းရင်းသားရေးရာကိုယ်စားလှယ် တစ်ယောက်အနေနဲ့ရော ချင်းတိုင်းရင်းသား ရေးရာဝန်ကြီး တစ်ယောက်အနေနဲ့ပါ တာဝန်ထမ်းဆောင်ခဲ့ဖူးသူဆိုတော့ လက်ရှိ ၂၀၀၈ အခြေခံဥပဒေမှာရော တိုင်းရင်းသား အခွင့်အရေးနဲ့ပတ်သက်ပြီး တိုင်းရင်းသားလူနည်းစု အခွင့်အရေးကို ကာကွယ်ပေးတဲ့ ပြဋ္ဌာန်းချက်တွေပါဝင်တာရှိပါသလား၊ ဘယ်အချက်တွေလဲ။
ဖြေ။ တိုင်းရင်းသားများ အခွင့်အရေးနဲ့ ပါတ်သက်ပြီး တိုင်းရင်းသားရေးရာဝန်ကြီးများ ကြုံတွေ့ခဲ့ရတဲ့ အဖြစ်ကိုသာ ပြောပါရစေ။ မြန်မာပြည်မှာ တိုင်းရင်းသားရေးရာဝန်ကြီး အားလုံးပေါင်း (၂၉) ဦးဘဲရှိတယ်။ သူတို့သည် တခြားဝန်ကြီးများလို နိုင်ငံတော်သမတ သို့မဟုတ် ၀န်ကြီးချုပ်က ဆွဲခန့်တဲ့ ၀န်ကြီးမဟုတ်ဘူး၊ သက်ဆိုင်ရာတိုင်းရင်းသားများက တိုက်ရိုက်ရွေးကောက် တင် မြှောက်တဲ့ဝန်ကြီးပါ။ အခြေခံဥပဒေပုဒ်မ(၂၄၇၊ ၂၄၈၊ ၂၆၂) အရ သူတို့သည် သက်ဆိုင်ရာ ပြည်နယ်/တိုင်းဒေသကြီး အစိုးရအဖွဲ့ဝင် ဝန်ကြီးများလည်း ဖြစ်တယ်။သို့သော်၊ ဖြစ်ချင်တော့ ၂၀၁၁ ခုနှစ် ဧပြီလ (၁) ရက်နေ့တွင် တိုင်းရင်းသားရေး ရာဝန်ကြီးအဖြစ် လွှတ်တော်ရှေ့မှောက်တွင် သစ္စာဆိုကြသော်လည်း၊ အခြား ပြည်နယ်နှင့် တိုင်းဒေသကြီး အစိုးရအဖွဲ့ဝင်ဝန်ကြီးများနည်းတူ လွှတ်တော်တက်ချိန်တွင် ရှေ့ တန်း၌ထိုင် ခွင့်မရ၊ လစာတစ်သိန်းပိုနည်းပြီးခံစား၊ အဆောင်အယောင်အဖြစ် ကားနှစ်စီးရမည့်အစား တစ်စီးသာရ၊ ၀န်ကြီးအိမ်ယာလည်းမရ၊ အစိုးရအဖွဲ့ကက်ဘိနက် အစည်းအဝေးတွင် ပုံမှန် ထိုင်ခွင့်မရ ဖြစ်ရော။ဒါနဲ့ စစ်ကိုင်းတိုင်း ရှမ်းရေးရာဝန်ကြီးနဲ့ တိုင်ပင်ပြီး ၂၀၁၁ ခုနှစ်၊ ဧပြီလ (၁၂) ရက်စွဲဖြင့်ကျွန်တော်က ချင်းတိုးတက်ရေး ပါတီဥကထ(Chairman) နာမည်နဲ့ နိုင်ငံတော်သမတကြီးထံသို့ တိုင်းဒေသကြီး/ပြည်နယ် အစိုးရအဖွဲ့ဆိုင်ရာ နည်းဥပဒေသည် ဖွဲ့စည်းပုံအခြေခံဥပဒေနှင့် ဆန့်ကျင် ကြောင်း၊ ပြင်ဆင်သင့်ကြောင်း စာရေးပါတယ်။ ထူးခြားမှုမရှိတော့ ဖွဲ့စည်းပုံအခြေခံဥပဒေ ခုံရုံးသို့ တင်ပြရန် ရန်ကုန်ဆင်းပြီးမှ အခြားတိုင်းရင်းသားရေးရာဝန်ကြီးများနှင့် တိုင်ပင်၊ ငွေစုပြီး တရားလွှတ်တော်ရှေ့နေ ဦးကျော်စိန်ကိုငှားတယ်။
တိုင်းဒေသကြီး/ပြည်နယ် အစိုးရအဖွဲ့ နည်းဥပဒေအရ ရေးရာဝန်ကြီးများ၏အမှုကို ပြည်သူ့ (၀ါ) အမျိုးသားလွှတ်တော် ၂၀% ထောက်ခံမှုရမှ ဖွဲ့စည်းပုံအခြေခံဥပဒေခုံရုံးသို့ အမှုဖွင့်လို့ရ သည့်အတွက် အမျိုးသားလွှတ်တော် ဒေါက်တာအေးမောင်ပါ (၂၃) ဦး၏ထောက် ခံမှုရယူပြီး၊ တိုင်းဒေသကြီး/ပြည်နယ် နည်းဥပဒေ ပုဒ်မ (၄) ပုဒ်မငယ် (ဂ) နှင့် ပုဒ်မ (၅) သည် ဖွဲ့စည်းပုံ အခြေခံဥပဒေ ပုဒ်မ (၂၄၇၊၂၄၈၊၂၆၂)နှင့် ဆန့်ကျင်ကြောင်း၊ အမြန်ဆုံးပြင်သင့်ပါကြောင်း အမှုဖွင့်တရားဆွဲတယ်။
၂၀၁၁ ခုနှစ်၊ ဒီဇင်ဘာလလ(၁၄)ရက်မှာ ဖွဲ့စည်းပုံအခြေခံဥပဒေဆိုင်ရာခုံရုံးတရားသူကြီး (၉) ဦး ရှေ့ တွင် တရာခံအဖြစ် ပြည်ထောင်စုသမတကြီး ကိုယ်စား ပြည်ထောင်စုရှေ့နေချုပ်၊ တရားလို အဖြစ် အမျိုးသားလွှတ်တော် (၂၃) ဦး ကိုယ်စား ဒေါက်တာအေးမောင်၊ ရှေ့နေဦးကျော်စိန်၊ ရန်ကုန်တိုင်း ရခိုင်ရေးရာဝန်ကြီး ဦးဇော်အေးမောင်နှင့် စစ်ကိုင်းတိုင်း ချင်းရေးရာဝန်ကြီး ကျွန်တော် ထိုင်ပြီး စီရင်ချက်ကိုနားထောင်ရပါတယ်။ ခုံရုံးက ကျွန်တော်တို့တိုင်းရင်းသားရေး ရာဝန်ကြီးများကို အနိုင်ပေးပါတယ်။ဖြစ်ချင်တော့ နောက် (၃) နှစ်ကြာ ၂၀၁၄ ခုနှစ်၊ ဧပြီလ (၂၅)) ရက်မှာသာ တိုင်းရင်းသား ရေးရာဝန်ကြီးများသည် ပြည်နယ်/တိုင်းဒေသကြီး အစိုးရအဖွဲ့ဝင်ဝန်ကြီးများအဖြစ် သတ်မှတ် ကြောင်း နိုင်ငံတော်သမတရုံးက ထုတ်ပြန်ထားပါတယ်။ အခြေခံဥပဒေ ပုဒ်မ (၂၄၇၊ ၂၄၈၊ ၂၆၂) အရ တိုင်းရင်းသားရေးရာဝန်ကြီးများသည် အစိုးရအဖွဲ့ဝင် ဝန်ကြီးများဖြစ်ကြောင်း အတိအလင်း ဖေါ်ပြပါလျှက်နဲ့ ဘာကြောင့်များ ဒိလိုမျိုးဖြစ်နေရတာလည်းဆိုတာ နားမလည် နိုင် ဖြစ်မိပါတယ်။အဲဒီတော့ လက်ရှိ ၂၀၀၈ အခြေခံဥပဒေမှာ တိုင်းရင်းသားအခွင့်အရေးနဲ့ ပတ်သက်ပြီး တိုင်းရင်းသားလူနည်းစု အခွင့်အရေးကို ကာကွယ်ပေးတဲ့ ပြဋ္ဌာန်းချက်က ပုဒ်မ (၂၄၇၊၂၄၈၊၂၆၂) လို့ခေါ်ရမှာလားဆိုတာ ဗမာရေးရာဝန်ကြီး (၅) ဦးလည်း တိုင်းရင်းသား ရေးရာဝန်ကြီး (၂၉) ဦးထဲမှာ ပါနေပြန်တော့ ပြောရခက်တယ်။
မေး ၂၀၀၈ အခြေခံဥပဒေပြင်ဖြစ်တယ်ဆိုရင် တိုင်းရင်းသားအခွင့်အရေးအဖြစ် မဖြစ်မနေ ထည့် သင့်တဲ့ အချက်တွေအဖြစ် ဘယ်ကဏ္ဍတွေကိုထည့်သွင်းဖို့ လိုအပ်ပါသလဲ ဆရာ။
ဖြေ။ အတိုချုပ်ပြောရမည်ဆိုလျှင် ပြည်ထောင်စုအဆင့် အုပ်ချုပ်ရေး၊ ဥပဒေပြုရေး၊ တရားရေး ဆိုတဲ့ မဏိုင်ကြီး (၃) ခုမှာ တိုင်းရင်းလူမျိုးအလိုက် အချိုးကျပါဝင်ဖို့လိုအပ်တယ်။
မေး။ ၂၀၀၈ အခြေခံဥပဒေပြင်ဆင်ရေးမှာ တိုင်းရင်းသားတွေလိုလားတဲ့ အချက်တွေ ပါဝင်ဖို့ ဘာလိုအပ်သလဲ ဆရာ။
ဖြေ။ ပြည်နယ်မှာ ပြည်သူရွေးကောက်တင်မြှောက်တဲ့ လွှတ်တော်အမတ်များကသာ အစိုးရဖွဲ့နိုင် အောင် ပုဒ်မ (၂၆၁) ကို ၂၀၂၀ မတိုင်မှီပြင်နိုင်ရေးက လောလောဆယ် အဓိကစိန်ခေါ်မှုပေါ့။ ဒါက ပြည်ထောင်စုစနစ် (ဖက်ဒရယ်) ၏အစ (၀ါ) ရှေ့ပြေးပုဒ်မ လို့လည်း ခေါ်ချင်ခေါ်လို့ ရ တာပေါ့။
မေး။ မြန်မာနိုင်ငံမှာ အကောင်အထည်ဖော်နေတဲ့ငြိမ်းချမ်းရေးမှာ လုပ်ငန်းစဉ်မှာ ၂၀၀၈ အခြေခံဥပ ဒေ ပြဋ္ဌာန်းချက်အချို့က အရေးပါတဲ့ အဟန့်အတားတစ်ခုဖြစ်နေတယ်လို့ ထင်ပါသလား၊ ဘာပြဋ္ဌာန်းချက်တွေလဲ။
ဖြေ။ အဲဒါက လူတိုင်းသိပြီးသားလေ။ မေးခွန်း နံပါတ် (၁) အဖြေမှာပါပြီးသားပါ။
မေး။ ၂၀၀၈ အခြေခံဥပဒေပြင်ဆင်ရေး၊အကောင်အထည်ဖော်နေတဲ့ ငြိမ်းချမ်းရေးလုပ်ငန်းစဉ်ပတ် သက်ပြီး တာဝန်ရှိတဲ့သူတွေကို အကြံပြုချင်တာရှိရင် ပြောကြားပေးပါ။
ဖြေ။ အခု ၂၀၂၀၊ ဇူလိုင်လမှာ ဘယ်အဆင့်ထိရောက်မလဲ ဆိုတာကျွန်တော်လည်း မသိတော့ မပြောတတ်ဘူး။ ပြည်နယ်တွေ လိုလားနေတဲ့ ပုဒ်မ (၂၆၁) ပြင်ရေးကို ကြန့်ကြာစေမည့် အဖြစ်မျိုး မရောက်အောင်တော့ လိုရင်လိုအပ်သလို အပေးအယူလုပ်ကြပါ အလျှော့ပေးစရာ ရှိရင် လျှော့ကြပါလို့ဘဲ မေတ္တာရပ်ခံချင်ပါတယ်။
*******
