ငြိမ်းချမ်းရေးမှသည်တိုင်းပြည်ဖွံ့ဖြိုးတိုးတက်ရေးဆီသို့အရောက်လှမ်းနိုင်မလား
ဝင်းဇော်နိုင်.
မြန်မာနိုင်ငံဆိုတာ တိုင်းရင်းသားပေါင်းစုံစုပေါင်းနေထိုင်ကြတဲ့ နိုင်ငံတစ်ခုဖြစ်ပါတယ်၊ တိုင်းရင်းသားပေါင်းစုံနေ ထိုင်ကြပေမယ့် နယ်စပ်ဒေသတွေမှာနေထိုင်ကြတဲ့ တိုင်းရင်းသားနယ်မြေတွေမှာတော့ ဖွံ့ဖြိုးတိုးတက်မှု နည်းနေတာတွေ့ရပါတယ်။
.တစ်နိုင်ငံလုံးမှာဖွံ့ဖြိုးတိုးတက်မှု မညီမျှယုံသာမက အချို့တိုင်းရင်းသား နယ်တွေအတွင်းကဒေသခံပြည်သူတွေ ဟာ ပြည်တွင်းစစ်ရဲ့ ဒဏ်ကို အတိုင်းအဆမရှိ ခံနေကြရပါတယ်၊ ပြည်တွင်းစစ်ဒဏ်ကြောင့် အိုးအိမ်ပစ်ပြေးပြီးဒုက္ခသည်စခန်းတွေမှာနေထိုင်ကြသူတွေ ၊ အသက်ဆုံးရှုံးသွားသူတွေ ယခုအချိန်ထိစာရင်းကောက်လို့မရသေးပါဘူး။
.၂၀၁၀ ခုနှစ် ရွေးကောက်ပွဲကနေဒီမိုကရေစီဖော်ဆောင်မယ်ဆိုပြီးကြွေးကြော်တက်လာတဲ့ သမ္မတဦးသိန်းစိန် အစိုးရသက်တမ်း အတွင်းမှာလည်း ပြည်တွင်းငြိမ်းချမ်းရေးအတွက် လုပ်ဆောင်ခဲ့မှုတွေကတိုင်းရင်းသားနယ်မြေအချို့မှာတော့ အပစ်အခတ်တွေ နည်းသွားခဲ့တာ ရှိပေမယ့် တိုင်းရင်းသားလက်နက်ကိုင်နယ်မြေအားလုံးမှာတော့ ငြိမ်းချမ်းမှု၊ အပစ်အခတ်ရပ်စဲမှု မရရှိသေးပါဘူး ပစ်နေကြစဲပါဘဲ။
.ကချင်ပြည်နယ်ကဒုက္ခသည်စခန်းတွေ၊ ရခိုင့်တပ်မတော်၊ RCSS/SSA ၊ TNLA စတဲ့ တိုင်းရင်းသားလက်နက်ကိုင် အဖွဲ့အစည်းအချို့ဟာ အခုချိန်ထိ နယ်မြေတွင်း တည်ငြိမ်အေးချမ်းမှု မရှိသေးပါဘူး၊ တိုက်ပွဲတွေနဲ့ ကြုံတွေ့နေရပါတယ်၊ တစ်ဖက်မှာလည်း ငြိမ်းချမ်းရေး ညီလာခံကြီးနေပြည်တော်မှာ ကျင်းပနေပါတယ်။ ညီလာခံကြီးထဲမှာ တိုင်းရင်းသားလက်နက်ကိုင်အားလုံး တက်ရောက်ခြင်းမရှိပါဘူး။
.နေပြည်တော်မှာကျင်းပနေတဲ့ ငြိမ်းချမ်းရေးကြီးလာခံကြီးကနေ တစ်နိုင်ငံလုံးငြိမ်းချမ်းရေးဖော်ဆောင်ဖို့ကလည်း အမျိုးသား ဒီမိုကရေစီအဖွဲ့ချုပ် ဦးဆောင်ဖွဲ့စည်းထားတဲ့ အစိုးရသက်တမ်းအတွင်းမှာ ဖြစ်နိုင်ပါ့မလားဆိုတာ အတိအကျ ပြောလို့မရသေးတဲ့ အနေအထားပဲ ဖြစ်ပါတယ်၊ ဘာ့ကြောင်းလည်းဆိုရင် ပြည်တွင်းငြိမ်းချမ်းရေးနောက်မှာ ဆက်လက်လျှောက်လှမ်းရမှာက ဖက်ဒရယ်စနစ်ဖြစ်နေလို့ပါ။
.ဖက်ဒရယ်စနစ်က ပြည်ထောင်စုကိုစုစည်းစေမှာဖြစ်တော့ စုစည်းတဲ့ ဖက်ဒရယ်ပြည်ထောင်စုစနစ်ကိုဖော်ဆောင်နိုင်ရင်တော့ တိုင်းရင်းသား နယ်မြေတွေအတွင်းမှာဖွံ့ဖြိုးမှုတွေက မြန်ဆန်လာမှာ ဖြစ်ပါတယ်။ ဖက်ဒရယ် စနစ်ရဲ့ စည်းလုံးငြိမ်းချမ်းခြင်း အဓိပ္ပါယ်ကိုဖော်ဆောင်နိုင်ဖို့အတွက် အစိုးရသစ်အနေနဲ့ ပထမဆုံးလုပ်ရမှာကတိုင်းရင်းသားနယ်မြေများအတွင်းဖြစ်ပွားနေတဲ့ အပစ်အခတ်တွေကိုရပ်စဲပြီး၊ ငြိမ်းချမ်းရေးညီလာခံမှာတိုင်းရင်းသားလက်နက်ကိုင်တွေ အားလုံးပါဝင်လာရေးပဲ ဖြစ်ပါတယ်။
.အစိုးရဖော်ဆောင်မယ့် ငြိမ်းချမ်းရေးနည်းလမ်းတွေဟာလည်း ထာဝရတည်ငြိမ်အေးချမ်းရေး ကိုဖော်ဆောင်နိုင်မှ ဖွံ့ဖြိုးတိုးတက်မှာဖြစ်ပါတယ်၊ နှစ်ပေါင်း ၆၀ ကျော်ကြာ ဖြစ်ပွား ခဲ့တဲ့ ပြည်တွင်းစစ်မီးကို ၅ နှစ်အတွင်းမှာ အစိုးရသစ်အနေနဲ့ ဖော်ဆောင်နိုင်ပါ့ မလားဆိုပြီးဝေခွဲမရဖြစ်နေသူတွေ ရှိပါတယ်။
.သမ္မတဦးသိန်းစိန်အစိုးရသက်တမ်း အတွင်းမှာဖော်ဆောင်ခဲ့တဲ့ ပြည်တွင်း ငြိမ်းချမ်းရေးဖြစ်စဉ်တွေ အတွင်းမှာ တစ်နိုင်ငံလုံး ပစ်ခတ်တိုက်ခိုက်မှု ရပ်စဲရေးသဘောတူစာချုပ် (NCA)ကိုတိုင်းရင်းသားလက်နက်ကိုင် အဖွဲ့များ ဖြစ်သည့် ကရင်အမျိုးသားအစည်းအရုံး (KNU)၊ ရှမ်းပြည်ပြန်လည်ထူထောင်ရေးကော်စီ/ ရှမ်းပြည်မြောက်ပိုင်းတပ်မတော် (RCSS/SSA)၊ ဒီမိုကရေစီအကျိုးပြု ကရင့် တပ်မတော် (DKBA)၊ ကရင်အမျိုးသားအစည်းအရုံးကရင်အမျိုးသားတပ်မတော်ငြိမ်းချမ်းရေးကောင်စီ (KNU/KNLA-PC) ၊ ချင်းအမျိုးသားတပ်ဦး (CNF)၊ ရခိုင် လွတ်မြောက်ရေးပါတီ (ALP)၊ ပအိုဝ်းအမျိုးသားလွတ်မြောက်ရေး အဖွဲ့ချုပ်(PNLO)၊ မြန်မာနိုင်ငံလုံးဆိုင်ရာကျောင်းသားများဒီမိုကရက်တစ်တပ်ဦး (ABSDF) တို့ကလက်မှတ်ရေးထိုးထားကြပါတယ်။
.အစိုးငြိမ်းချမ်းရေးဖော်ဆောင်တဲ့နေရာမှာလက်မှတ်ရေးထိုးဖို့ ဖိတ်ကြားခံရသူတစ်ချို့က တိုင်းရင်းသားအားလုံး ပါဝင်ခြင်းမရှိသည့်အတွက်ကြောင့် အပစ်ရပ်ရေးစာချုပ်ကိုလက်မှတ်မထိုးကြခြင်းဖြစ်တယ်လို့ ဆိုကြပါတယ်၊ အပစ်ရပ် လက်မှတ်ထိုးတားတဲ့ အဖွဲ့တွေထဲက RCSS/SSA နဲ့ အစိုးရတပ်မတော်တို့ကတိုက်ပွဲငယ်လေးတွေ ဖြစ်နေတာလည်းတွေ့ရပါတယ်၊ အပစ်ရပ်စာချုပ်ထဲတွင် ပါဝင်သည့် ရှေ့ဆက်သွားရမည့် ငြိမ်းချမ်းရေးအတွက် နိုင်ငံရေးဆွေးနွေးပွဲကိုသွားနေကြခြင်းဖြစ်ပါတယ်။
ငြိမ်းချမ်းရေးညီလာခံကြီးတွင်
တိုင်းရင်းသားလက်နက်ကိုင်တော်လှန်ရေး အဖွဲ့အစည်းများ အားလုံး ပါဝင်လာနိုင်ရေး ဆက်လက်ကြိုးပမ်းကြရအုံးမှာဖြစ်ပါတယ်၊ ဦးသိန်းစိန်လက်ထက်နောက်ဆုံးဖော်ဆောင်နိုင်ခဲ့တဲ့ ငြိမ်းချမ်းရေးဖြစ်စဉ်တွေ အတွင်းမှာရှေ့ ဆက်လုပ်ဆောင်စရာတွေ အများကြီး ထားခဲ့ခြင်းပဲ ဖြစ်ပါတယ်။ တိုင်းရင်းသားအားလုံးနဲ့ဆိုင်တဲ့ တစ်နိုင်ငံလုံးငြိမ်းချမ်းရေး ကို ပြည်သူအားလုံးက လိုလားတောင်းတနေပေမယ့် နှစ်ဖက်အဖွဲ့အစည်းတွေကြားမှာအခက်အခဲတွေရှိနိုင်ပါတယ်၊ ဒါပေမယ့် ငြိမ်းချမ်းရေးကို လိုလားရင် ဒေသခံ ပြည်သူတွေရဲ့ အကျိုးကိုလိုလားရင် မဖြစ်နိုင်တဲ့ ငြိမ်းချမ်းရေးဆိုတာမရှိပါဘူး။
မြန်မာတစ်နိုင်ငံလုံး ငြိမ်းချမ်းဖို့ဆိုရင် တိုင်းရင်းသားအားလုံးလိုချင်နေတဲ့ ဖက်ဒရယ်ပြည်ထောင်စုတည်ဆောက်ရေးမူနဲ့ သွားမှ ဖြစ်မှာပါ။ ဖက်ဒရယ်ပြည်ထောင်စုတည်ဆောက်ရေးမူဆိုတာကလည်း ၂၀၀၈ ဖွဲ့စည်းပုံအခြေခံဥပဒေနဲ့ လျှောက်လှမ်းနေလို့ ရောက်မယ့်ကိစ္စ မဟုတ်ပါဘူး။ တိုင်းရင်းသားလက်နက်ကိုင် အချို့ကလည်း ၂၀၀၈ ဖွဲ့စည်းပုံအခြေခံဥပဒေကိုလက်မခံကြပါဘူး၊ တိုင်းရင်းသားတွေလို လားတဲ့ နိုင်ငံရေးမူတစ်ခုဖြစ်ဖို့အတွက် ငြိမ်းချမ်းရေးဆိုတာထက် အပစ်အခတ်ရပ်စဲရေး ကိုတည်ဆောက်ပြီး ငြိမ်းချမ်းရေး ညီလာခံကနေ ဖက်ဒရယ် ပြည်ထောင်စုတည်ဆောက်ဖို့ဖြစ်ပါတယ်။
.တိုင်းရင်းသားပြည်နယ်များဖွံ့ဖြိုးတိုးတက်ဖို့ ပထမလိုအပ်နေတာက အပစ်အခတ်ရပ်စဲရေး၊ ငြိမ်းချမ်းရေးပဲ ဖြစ်ပါ တယ်။ ဒေသတွင်း မတည်ငြိမ်မှုတွေနဲ့ ကြုံတွေ့နေရတဲ့ တိုင်းရင်းသားပြည်နယ်တွေအတွင်းကဒေသခံ ပြည်သူတွေမှာ အိုးပစ်အိမ်ပစ် ထွက်ပြေးနေရနေရာ အတည်တကျ နေလို့မရ၊ ဒုက္ခသည်စခန်းတွေမှာအလှူအတန်းကိုမျှော် စားနေရတဲ့ ဘဝတွေကမလွတ်မြောက်ချင်တဲ့လူမရှိပါဘူး၊ ဒုက္ခသည်စခန်း ကလူတွေ အိုးပစ်အိမ်ပစ်ပြေးနေရတဲ့ ပြည်သူတွေကို ငြိမ်းငြိမ်းချမ်းချမ်းနဲ့ စားသောက်အိပ်စက်နိုင်ဖို့ အပစ်အခတ်တွေ ရပ်ဖို့လိုပါတယ်။
.အပစ်အခတ်တွေ ရပ်သွားမှသာနယ်မြေငြိမ်းချမ်းမှာ ဖြစ်ပါတယ်၊ နယ်မြေငြိမ်းချမ်းမှ ဒေသခံပြည်သူတွေ စိုးရိမ်ထိတ်လန့်မှု ကင်းကင်းနဲ့ လုပ်ကိုင်စားသောက်နိုင်မှာဖြစ်ပါတယ်။ဒေသခံပြည်သူတွေ ဖွံ့ဖြိုးတိုးတက်ဖို့ အစိုးရကလုပ်ပေးစရာတွေ အများကြီးရှိပါတယ်၊ နယ်မြေ တစ်ခုနဲ့တစ်ခုဖွံ့ဖြိုးတိုးတက်မှု ညီမျှဖို့လိုအပ်ပါတယ်၊ ပြည်ထောင်စု သမ္မတမြန်မာနိုင်ငံအတွင်းမှာနေထိုင်ကြတဲ့ ပြည်သူတွေ အားလုံး တည်ငြိမ်အေးချမ်းမှုနဲ့ ဖွံ့ဖြိုးတိုးတက်မှုကို လိုလားကြတာ အမှန်ပါဘဲ။
.တိုင်းရင်းသားနယ်မြေဒေသတွေမှာဆိုရင် တရားဥပဒေစိုးမိုးမှု၊ နယ်မြေတည်ငြိမ်အေးချမ်းမှု အပြည့်အဝမရရှိကြသေးပါဘူး၊ နီးစပ်ရာဓားကိုကြောက်နေကြရတဲ့ အခြေအနေမှာ ရှိနေပါသေးတယ်၊ အမျိုးသားဒီမိုကရေစီအဖွဲ့ချုပ် (NLD) ပါတီဦးဆောင်ဖွဲ့စည်းမယ့် အစိုးရလက်ထက်အတွင်းမှာလက်နက်ကိုင် တိုင်းရင်းသားအဖွဲ့အစည်းတွေနဲ့ အစိုးရ၊ လွှတ်တော် ၊ ပါတီ ၊ အရပ်ဖက် အဖွဲ့အစည်းတွေပါဝင်တဲ့ နိုင်ငံရေးဆွေးနွေးပွဲက တဆင့် ထွက်ပေါ်လာမယ့် အဖြေတွေဟာနယ်မြေတည်ငြိမ်အေးချမ်းရေး၊ ဖွံ့ဖြိုးရေး၊ ထာဝရ ငြိမ်းချမ်းရေး၊ ဖက်ဒရယ်ပြည်ထောင်စုတည်ဆောက်ရေးကိုဖော်ဆောင်နိုင်လိမ့်မယ်လို့ ထင်နေကြပါတယ်။
.ဦးသိန်းစိန်သက်တမ်းအတွင်း
.နှစ်ပေါင်း၆၀ ကျော်ကြာ ပြည်တွင်းစစ်ကြီးထဲက တိုင်းရင်းသားနက်လက်ကိုင် ခေါင်းဆောင်များ အပစ်အခတ်ရပ်စဲရေးဆွေးနွေးပွဲ တက်ရောက်လာကြပါတယ်၊ အဖွဲ့ ၈ ဖွဲ့ကတော့ နှစ်ဖက်သဘောတူထားတဲ့ အပစ်ရပ်စာချုပ်ကိုလက်မှတ်ရေးထိုးကြပါတယ်၊ ကျန်နေသေးတဲ့ တိုင်းရင်းသား လက်နက်ကိုင်အဖွဲ့အစည်းတွေကိုအသစ်ဖွဲ့စည်းမယ့် အစိုးရသစ်လက်ထက်မှာ နိုင်ငံရေးဆွေးနွေးပွဲကို တက်ရောက်လာပြီးအားလုံးတန်းတူညီမျှ ဆုံးဖြတ်ချက်ချခွင့်တွေ ရကြမယ်လို့ မျှော်လင့်နေပါတယ်။
နှစ်ပေါင်းများစွာမရရှိသေးတဲ့ ပြည်ထောင်စုမြန်မာနိုင်ငံက ပြည်တွင်းငြိမ်းချမ်းရေးကိုနောက်အစိုးရအနေနဲ့ ဘယ်လောက် ဦးစားပေးဖော်ဆောင်မလည်း ဆိုတာမေးစရာရှိပေမယ့် တိုင်းရင်းသားခေါင်းဆောင်တစ်ချို့ ကလည်း NLD အစိုးရဖော်ဆောင်မယ့် ငြိမ်းချမ်းရေးခရီးဟာ တိုးတက်မှုတွေ ရှိလာမယ့်လို့ မျှော်လင့်ထားကြပါတယ်။
.သမ္မတဦးသိန်းစိန်ထက်လက်အတွင်းမှာ ပစ်ခတ်တိုက်ခိုက်မှု ရပ်စဲရေးလက်မှတ်ထိုးထားသည့်အဖွဲ့ ၈ ဖွဲ့ရှိခဲ့ပြီး၊ NLD ဦးဆောင်မည့် အစိုးရအဖွဲ့ လက်ထက်တွင် လက်မှတ်မရေးထားရသေးသည့် တိုင်းရင်းသားလက်နက်ကိုင် အဖွဲ့များအားလုံး လက်မှတ်ထိုးနိုင်ရေး အစိုးရရဲ့ ကြိုးစားမှုနဲ့ အတူအားလုံးပါဝင်လာမယ်ဆိုပါက တစ်နိုင်ငံလုံး အပစ်အခတ်ရပ်စဲသွားမှာဖြစ်ပါတယ် ၊ အပစ်အခတ် ရပ်စဲထားပြီး နိုင်ငံရေးဆွေးနွေးပွဲ သွားနေစဉ် အတွင်းဒေသဖွံ့ဖြိုးတိုးတက်ရေးများကို အားလုံးပူးပေါင်း လုပ်ဆောင်နိုင်ကြမှာ ဖြစ်ပါတယ်။
.၂၀၁၅ ခုနှစ် အောက်တိုဘာ ၁၅ ရက်နေ့တွင် တစ်နိုင်ငံလုံးပစ်ခတ်တိုက်ခိုက်မှု ရပ်စဲရေးသဘောတူစာချုပ်ကို တိုင်းရင်းသား လက်နက်ကိုင် (၈)ဖွဲ့က လက်မှတ်ရေးထိုးခဲ့ပါတယ်၊ အပစ်ရက် လက်မှတ်ထိုးဖို့ ဖိတ်ကြားခံရပြီးလက်မှတ်မရေးထိုးတဲ့ KIO၊ UWSA ၊ NDAA ၊ ရှမ်းပြည်တိုးတက်ရေးပါတီရှမ်းပြည်တပ်မတော် တောင်ပိုင်း၊ ကရင်နီအမျိုးသားတိုးတက်ရေးပါတီ ၊ မွန်ပြည်သစ်ပါတီ၊ နာဂအမျိုးသားဆိုရှယ်လစ်ကောင်စီတို့ ပါဝင်တဲ့ (၇) ဖွဲ့ပဲ ဖြစ်ပါတယ်။
.တစ်နိုင်ငံလုံးပစ်ခတ်တိုက်ခိုက်မှု ရပ်စဲရေးသဘောတူစာချုပ် အခန်း ၆ တွင် ရှေ့ဆက်ဆောင်ရွတ်မည့် လုပ်ငန်းစဉ်များဆိုတာ ပါရှိပါတယ်၊ နိုင်ငံရေးဆွေးနွေးပွဲတွေ ကျင်းပနေစဉ်အတွင်း ကြားကာလအတွင်းဆောင်ရွတ်ရမည့် အစီအစဉ်များထဲတွင် ပြည်သူလူထု၏ ကျန်းမာရေး ၊ ပညာရေး၊ လူမှုရေးနဲ့ စီးပွားရေးဆိုင်ရာအခြေခံဖွံ့ဖြိုးတိုးတက်ရေးလုပ်ငန်းများ၊၊ ဒေသဆိုင်ရာတည်ငြိမ်အေးချမ်းရေးနဲ့ တရားဥပဒေစိုးမိုးရေးဆိုင်ရာကိစ္စရပ်များ၊ ဒေသဆိုင်ရာဖွံ့ဖြိုးရေးနဲ့ စွမ်းရည်မြှင့်တင်ရေးလုပ်ငန်းများ အတွက် ပြည်တွင်းပြည်ပ အလှူရှင်အဖွဲ့အစည်းများ၏ အကူအညီရယူခြင်းဆိုင်ရာကိစ္စရပ်များ၊ သက်ဆိုင်ရာဒေသများတွင် တစ်ဖွဲ့ချင်းစီသီးခြားဆောင်ရွက်ရန် လိုအပ်သောကိစ္စရပ်ကိုအစိုးရနှင့် သက်ဆိုင်ရာတိုင်းရင်းသားလက်နက်ကိုင် အဖွဲ့အစည်းများညှိနှိုင်းဆောင်ရွတ်သွားရန် သဘောတူတယ်ဆိုတဲ့ အချက်တွေ ပါဝင်ထားပါတယ်။
.တိုင်းရင်းသားလက်နက်ကိုင်အဖွဲ့အစည်းတွေ အရပ်ဖက်အဖွဲ့အစည်းတွေ နိုင်ငံရေးပါတီအစိုးရတို့ ပူးပေါင်းပါဝင်ပြီးဒေသဖွံ့ဖြိုးရေးတွေ လုပ်နိုင်မယ်လို့ အပစ်ရပ်စာချုပ်မှာပါနေတော့ နယ်မြေအတွင်း အပစ်အခတ်များရပ်တန့်သွားပြီဆိုပါက တိုင်းရင်းသား နယ်မြေ အတွင်းနေထိုင်ကြတဲ့ တိုင်းရင်းသားပြည်သူများ အနေနဲ့ တည်ငြိမ်အေးချမ်းပြီးဖွံ့ဖြိုးတိုးတက်မှုတွေနဲ့ ကြုံတွေ့နိုင်မယ်လို့ ယုံကြည်နေကြပါတယ်။
.နိုင်ငံရေးဆွေးနွေးပွဲတွေ ဆက်လက်ကျင်းပမယ့် အစိုးရသစ်သက်တမ်းအတွင်းမှာဆွေးနွေးပွဲတွေကနေ တိုင်းရင်းသား နယ်မြေအတွင်း မှာနေထိုင်ကြတဲ့ ပြည်သူတွေအနေနဲ့ အိုးပစ်အိမ်ပစ်ပြေးနေရသူတွေ၊ ဒုက္ခသည်စခန်းတွေမှာရောက်နေသူတွေကို ကိုယ့်ရပ်ကိုယ့်ရွာမှာ ပြန်လည်အခြေခြနိုင်ရေးနဲ့ တိုင်းနဲ့ပြည်နယ်အနှံ့ ဖွံ့ဖြိုးတိုးတက်ရေးကိုတိုင်းရင်းသားလက်နက်ကိုင်အဖွဲ့အစည်းများ၊ စစ်တပ်၊ လွှတ်တော်၊ အရပ်ဖက်အဖွဲ့အစည်းများ ပြည်သူများစုပေါင်းပြီး နယ်မြေဖွံ့ဖြိုးတိုးတက်ရေးမှ တစ်ဆင့် နိုင်ငံတော် တည်ဆောက်ရေး၊ ဖွဲ့စည်းပုံအခြေခံဥပဒေပြင်ဆင် ဖျက်သိမ်းရေး၊ ဖက်ဒရယ်ပြည်ထောင်စုတည်ဆောက်ရေးကိုအရှိန်အဟုန်နဲ့ ဆက်လက်လုပ်ဆောင်နိုင်ကြပါစေလို့ တိုက်တွန်းရင်း…………………………..။. ။
