သီဟသွေး
ဒီကနေ့ မြန်မာ့ နိုင်ငံရေး ရဲ့ အဓိက ဇာတ်ကောင်များ ကို အကြမ်းဖျဉ်း လေ့လာ ကြည့်မယ်ဆိုရင် အဓိက အားပြိုင်နေကြတဲ့ တပ်မတော် ကို အခြေခံတဲ့ နိုင်ငံရေး အင်အားစု နဲ့ ၁၉၈၈ လူထုအုံကြွမှု နဲ့ အတူ တဖန်ပြည်လည် အားကောင်းလာတဲ့ ဒီမိုကရေစီ အင်အားစု တို့ရှိသလို နှစ်ဖက်စလုံး က အလေးထားရတဲ့ တိုင်းရင်းသား နိုင်ငံရေး အင်အားစု စတဲ့ အင်အားစုကြီး ၃ စုရှိနေတာကိုတွေ့ရပါလိမ့်မယ်။ အဲဒီ အထဲ က တိုင်းရင်းသား အင်အားစု ဆိုတာ ကိုထပ်ပြီး ခွဲခြမ်းစိတ်ဖြာ ကြည့်မယ်ဆိုရင် လက်နက်ကိုင်တော်လှန်ရေး ကို အခြေပြုထားတဲ့ အင်အားစု နဲ့ နိုင်ငံရေးပါတီ ဖွဲ့စည်းရပ်တည် လှုပ်ရှားသော အင်အားစုရယ်လ်ုိ့ အင်အားစု ၂ စုက်ိုတွေ့ကြရမှာဖြစ်ပါတယ်။ ၁၉၉၃ ခုနှစ်ကတည်းက ငြိမ်းချမ်းရေး လုပ်ငန်းစဉ်တွေပေါ်ပေါက်လာခဲ့တာကြောင့် တိုင်းရင်းသား လက်နက်ကိုင် အင်အားစုအနေနဲ့လည်း နိုင်ငံရေး ကို စားပွဲဝိုင်း အပေါ်မှာ ပြောခွင်ဆိုခွင့်ရလာပါတယ် ။ ဒါကြောင့် ဒီကနေ့ တိုင်းရင်းသား နိုင်ငံရေး အင်အားစုများ ကို ကြည့်မယ်ဆိုရင် ပင်လုံ ငြိမ်းချမ်းရေး ညီလာခံ ထဲမှာတွေ့ နိုင်သလို ပြည်ထောင်စု လွှတ်တော်နဲ့ သက်ဆိုင် ရာတိုင်းဒေသကြီး နဲ့ ပြည်နယ် လွှတ်တော်တွေမှာလည်း တွေ့နိုင်မှာဖြစ်ပါတယ်။ သို့သော်လည်း ပြည်ထောင်စု လွှတ်တော်ထဲ ကိုရောက်ရှိနေသော တိုင်းရင်းသား အင်အားစု ဟာ နည်းပါးလွန်းပြီး ပြည်ထောင်စုကြီး တစ်ခုလုံး နဲ့သက်ဆိုင်တဲ့ ကိစ္စများသာ ကြီးစိုးနေတဲ့ လွှတ်တော်ထဲမှာ တိုင်းရင်းသားတွေ ရဲ့ အသံဟာ သိပ်ပြီးကျယ်လောင်နေတာ မတွေ့ရပါဘူး ၊ သို့သော်လည်း ပင်လုံ ငြိမ်းချမ်းရေး ညီလာခံမှာတော့ တိုင်းရင်းသား အင်အားစုများဟာ အတော်လေး အလေးထားခြင်းခံရတာကိုတွေ့ရပါတယ်။ ဒီမိုကရေစီ ပြုပြင်ပြောင်းလဲရေးခေတ်ထဲကို ရောက်ရှိနေတဲ့ ဒီကနေ့ မြန်မာ့နိုင်ငံရေး မှာ ဖက်ဒရယ် ပြည်ထောင်စု နိုင်ငံ တည်ဆောက်ရေး နဲ့ လက်ရှိ အခြေခံ ဥပေဒ ကို လိုက်လျောညီထွေစွာ ပြင်ဆင်ရေးဆွဲရေးဟာ အင်အားစု အားလုံး နှုတ်ဖျား က အဓိက နိုင်ငံရေး သံပြိုင်တေးသွား သို့မဟုတ် ကြွေးကြော်သံပဲဖြစ်ပါတယ် ။ လက်ရှိ အာဏာရပါတီ ကလည်း ဖက်ဒရယ် ပြည်ထောင်စု ထူထောင်ရေး နဲ့ အခြေခံ ဥပဒေပြင်ဆင်ရေး ကို အဓိက မူဝါဒ အဖြစ် ကြွေးကြော်ကိုင်ဆွဲခဲ့တာကြောင့် အခြေခံ ဥပဒေ ပြင်ဆင်ရေး မျှော်လင့်ချက် ဟာလည်း လက်ရှိ အာဏာရပါတီ ဖြစ်တဲ့ NLD ကရွေးကောက်ပွဲ အနိုင်ရရှိသွား ခဲ့တဲ့ အချိန်ကစလို့ တိုင်းရင်းသားများ အပါအဝင် ပြည်သူများ အကြားမှ နိုးကြား ထကြွနေခဲ့ပါတယ်။ အားလုံး သိတဲ့အတိုင်းပဲ မိမိတို့ ဒေသ မှာ မိမိတို့ တိုင်းရင်းသားများ ကိုယ်တိုင် ကိုယ်ပိုင် ပြဋ္ဌန်း အုပ်ချုပ်နိုင်ရေးကို လိုလားတောင့်တနေတာဖြစ်သလို တိုင်းရင်းသား မြေအောက် လက်နက် ကိုင် နဲ့ နိုင်ငံရေး မြေပေါ် ပါတီ အင်အားစု ၂ ခုစလုံး ရဲ့ ဘုံရပ်တည် လိုလားချက်လည်းဖြစ်ပါတယ် ။ ဒါကြောင့် မြန်မာ့ နိုင်ငံရေး ရဲ့ တတိယအင်အားစု လိုဖြစ်နေတဲ့ တိုင်းရင်းသား အင်အားစုများရဲ့ ဆန္ဒကို ပစ်ပယ် လစ်လျုရှုဖို့ မဖြစ်တာကြောင့် အခြေခံ ဥပဒေ ကို ပြင်ဆင်ဖို့ ကြိုးစားမှုမှန်သမျှ တားဆီး လာနိုင်တယ် လို့ ယူဆ ခဲ့ရသော တပ်မတော် နဲ့ တပ်မတော်သား အခြေပြု နိုင်ငံရေး ပါတီ အင်အားစုများကပါ ဖက်ဒရယ်စနစ် ထူထောင်ရေး နဲ့ အခြေခံ ဥပဒေပြင်ဆင်ရေး ကို မူအရ ဆန့်ကျင်ငြင်းပါယ်ခြင်း မပြုဝံ့ကြတာကိုလည်းတွေ့ရပါတယ် ။အခြေအနေတွေအားလုံးက အားလုံး လက်ခံနေကြတဲ့ ဖက်ဒရယ်တည်ဆောက်ရေး နဲ အခြေခံ ဥပဒေ ပြင်ဆင်ရေး ကို ညီညွတ်စွာ အကောင်အထည်ဖေါ်နိုင်လိမ့်မယ်လို့ ယူဆချင်စရာ အခြေအနေမှာရှိနေခဲ့သောလည်း လက်တွေ့မှာ ကွာခြားလွန်းခဲ့တာကို အခုကြုံတွေ့လာရပါတယ် ။
NLD ပါတီ အာဏာရရှိ ပြီးနောက်ပိုင်းမှာ ငြိမ်းချမ်းရေး ပင်လုံ ညီလာခံကျင်းပပြီး တိုင်းရင်းသား နဲ့ တပ်မတော် အင်အားစုများပါဝင်စေလျှက် ဖက်းရယ်စနစ်တည်ဆောက်ရေးက်ို ဦးတည်သော နိုင်ငံရေး ဆွေးနွေးပွဲတွေကျင်းပကာ ရရှိလာသော အခြေခံမူဝါဒများကို လွှတ်တော်အတွင်းမှာ အတည်ပြု မှတ်တမ်းပြီး ငြိမ်းချမ်းရေး နဲ့ အခြေခံ ဥပဒေပြင်ဆင်ရေး ကို တွဲပြီးလုပ်ဆောင်ခဲ့ပါတယ် ။ ဒီနေရာမှာ သတိထားမိတာတာကတော့ အဓိက တိုင်ရင်းသား အင်အားစုကြီး ၂ ခုမှာ လက်နက်ကိုင် အင်အားစု ရဲ့ အသံက နိုင်ငံရေး ပါတီအင်အားစု ရဲ့ အသံထက်ပိုပြီးကျယ်လောင်ခဲ့သလ်ို သက်ဆိုင်ရာ တိုင်းရင်းသား မျိုးနွယ်စုများ ကို ပိုပြီး ကိုယ်စားပြုနေသလို ရှိခဲ့တာပဲဖြစ်ပါတယ် ။ သို့သော်လည်း တိုင်းရင်းသား လက်နက်ကိုင်အင်အားစုများရဲ့ ပြဿနာက ဖက်ဒရယ်အရေး ၊ အခြေခံ ဥပဒေပြင်ဆင်ရေး အပြင် ၎င်းတို့ လက်နက်ကိုင်အဖွဲ့အစည်းများ ရဲ့ ရပ်တည်ရေး အနာဂတ် ကိုပါ ရှေ့တန်းတင်စဉ်းစားပြောဆိုလာတာပဲဖြစ်ပြီး ဒီအချက်ကပဲ ငြိမ်းချမ်းရေး ဆွေးနွေးပွဲတွေကို ဆက်လက်လုပ်ဆောင်နိုင်ခြင်းမရှိသေးပဲ လုပ်ငန်းစဉ်တွေ ရပ်တန့် နေတဲ့ အနေအထား ကို တွန်းပို့ ခဲ့တာပဲဖြစ်ပါတယ် ။ အားလုံးသိတဲ့ အတိုင်းပဲ ၂၁ ရာစု ပင်လုံ ငြိမ်းချမ်းရေး ညီလာခံ ကို ကျင်းပရမယ့် အချိန်မှာ ကျင်းပနိုင်ခြင်းမရှိပဲ ရပ်တန့်နေသလို ပါဝင်နေတဲ့ လက်နက်ကိုင် အဖွဲ့အစည်းအချို့က ၎င်းတို့ရဲ့ ပါဝင်နေမှုက်ို ရပ်ဆိုင်းခဲ့တဲ့ အထိ ရှုပ်ထွေးမှုတွေဖြစ်ပေါ်ခဲ့ပါတယ်။ ဒါကြောင့် ငြိမ်းချမ်းရေး ညီလာခံကြီးနဲ့ ချိတ်ဆက်ထားတဲ့ အခြေခံ ဥပေဒ ပြင်ဆင်ရေးဟာ လည်း တချိန်တည်းမှာပဲ အတူတူ ရပ်ဆိုင်းသလိုဖြစ်သွားခဲ့ရပါတယ် ။ ဒီလိုနဲ့ များလှစွာသော အငြင်းပွားမှုများ အကြားမှာ လွယ်လင့်တကူ ပြန်လည်စတင်နိုင်ဖို့ မသေချာတဲ့ ငြိမ်းချမ်းရေး လုပ်ငန်းစဉ်တွေကြောင့် အာဏာရပါတီ NLD ဟာ အာဏာ ရရှိပြီး ကတည်းက ၃ နှစ်လုံးလုံး လွှတ်တော်ထဲမှာ လေသံတောင်မဟ ခဲ့တဲ့ အခြေခံ ဥပဒေ ပြင်ဆင်ရေး ကို လွှတ်တော်တွင်း လှုပ်ရှားမှုတစ်ခုအဖြစ် စတင်မယ်လို့ကြေညယလိုက်ပါတယ် ။ NLD ရဲ့ အခြေခံ ဥပေဒ ပြင်ဆင်ရေး အသံဟာ လွှတ်တော် အတွင်းက တပ်မတော် နဲ့ တပ်မတော် ကိုဖောက်ခံရပ်တည်သော အင်အားစု အကြားမှာ လှုပ်လှုပ်ရှားရှား ဖြစ်သွားစေခဲ့သလို လွှတ်တော် အတွင်း တိုင်းရင်းသားအင်အားစုများ အပေါ်လည်း ရိုက်ခတ်မှုရှိသွားပါတယ် ။ ဒီတကြိမ်မှာတော့ လွှတ်တော်ထဲ က တိုင်းရင်းသား အင်အားစုများ အလှည့်ကိုရောက်သွားပြီလို့ပြောရမယ့် အနေအထားပဲဖြစ်ပါတယ် ။
ကျွန်တော် အထက်မှာ တင်ပြခဲ့သလို ပဲ အမြဲ လိုအားပြိုင်နဲ့တဲ့ NLD ပါတီ နဲ့ ကြံ့ခိုင်ရေး ၊ တပ်မတော် အင်အားစုကြီး ၂ နှစ်စုဟာ လွှတ်တော်အတွင်း အငြင်းပွားဖွယ် အခြေခံ ဥပဒေပြင်ဆင်ရေး မှာ လည်း တိုင်းရင်းသား အင်အားစုတွေကိုတော့ ကိုယ့်ဖက် သူ့ဖက်ပါအောင် အရ ဆွဲဆောင်ဖို့ ကြိုးစားကြပြန်ပါတယ် ။ ပထမမှာ ကြံ့ခိုင်ရေး ပါတီ က တပ်မတော်အနေနဲ့ သဘောတူကြောင်း သဘောထားပေးပြီးသား ဖြစ်တဲ့ ပုဒ်မ၂၆၁ က်ိုပြင်ပြီး ပြည်နယ်/တိုင်းဒေသကြီး ဝန်ကြီးချုပ်တွေက်ို ပြည်နယ်/တိုင်းဒေသကြီး လွှတ်တော်တွေက တိုက်ရိုက်ရွေးချယ်ရေး ကို အမြန်ဆုံး လွှတ်တော်မှာတင်သွင်း ပြီး NLD ရဲ့ ပူးပေါင်းကော်မတီဖွဲ့ပြီး အခြေခံ ဥပဒေ ပြင်ဖို့အတွက် ပြင်ဆင်ချက် အရင်ရှာတဲ့ နည်းကို ကျော်တက်ဖို့ ကြိုးစားခဲ့ပါတယ် ။ ဒီ ပုဒ်မ၂၆၁ ပြင်ဆင်ခြင်း ရဲ့ထူးခြားချက်က ပြည်နယ်/ တိုင်းဒေသကြီး ဝန်ကြီးချုပ်တွေကို နိုင်ငံတော် သမ္မတ က ရွေးချယ်ပြီး အမည်စာရင်းတင်သွင်းရမယ် ဆိုတဲ့အချက်ဖြစ်ပါတယ်။ အဲဒီ ပုဒ်မကိုပြင်လိုက်ရင် တိုင်းရင်းသား နိုင်ငံရေး ပါတီ နဲ့ ကြံ့ခိုင်ရေး ပါတီ အားကောင်းရာ ရခိုင်ပြည်နယ် နဲ့ ရှမ်းပြည်နယ်လ်ို ပြည်နယ်တွေမှာ ကိုယ့်ပါတီ စိတ်ကြိုက် ဝန်ကြီးချုပ်က်ို ဒေသဆိုင်ရာ လွှတ်တော်ကနေရွေးတင်လို့ရတဲ့ ရမှာဖြစ်သလို အခြားသော တိုင်းရင်းသား ပြည်နယ်များ အနေနဲ့ လည်း ဒေသခံ တိုင်းရင်းသားပါတီတွေ အားကောင်းလာရင် ကိုယ့်ပါတီအကြ်ိုက် ၊ ကိုယ့်ဒေသအကြိုက် ဝန်ကြီးချုပ်တွေ အသီးသီး ခန့်အပ်နိုင်မယ့် အနေအထားဖြစ်လို့ပဲဖြစ်ပါတယ် ။ ဒီအချိန်မှာ NLD ကလည်း တိုင်းရင်းသားပါတီတွေကို ကြံ့ခိုင်ရေး ၂၆၁ ပြင်ဆင်ရေးနောက်က်ို ကောက်ကောက်ပါ အောင်ပါမသွားဖို့ နဲ့ ကိုယ့်နောက်ပါလာဖို့ကို ကြိုးစားရပြန်ပါတယ် ။ ဒါကြောင့် NLD က အခြေခံ ဥပဒေ ပြင်ဆင်ရေး ပူးပေါင်းကော်မတီမှာ အဓိက လွှတ်တော်တွင်းမှာရှိတဲ့ တိုင်းရင်းသား ပါတီက ကိုယ်စားလှယ်တွေ ဖြစ်သော ရှမ်း နဲ့ ရခိုင် ပါတီတွေကို သူတို့ မူလက ရရှိနိုင်မယ့် အချိုးအစားအရေအတွက် ထက်ပိုလို့ နေရာပေးခဲ့ပြီး အဲဒီ အတွက် NLD ကသူရရှိထားတဲ့ အရေအတွက်က်ို လျှော့ပေးခဲ့တာတွေ့ရပါတယ် ။ ဘယ်လိုပဲပြောပြော လွှတ်တော်ထဲက အခြေခံ ဥပဒေ အပြိုင်အဆိုင်ပြင်တဲ့ ပွဲမှာ တိုင်းရင်းသား အင်အားစုတွေ အတော်လေး မျက်နှာပန်းပွင့်တာကိုတွေ့ရပါတယ် ။ သို့သော်လည်း အမှန်တကယ် အဆုံးသတ်မှာ တိုင်းရင်းသားတွေ အတွက် ဘယ်လောက် အကျိုးအမြတ်ထွက်မလဲ ဆိုတာကတော့ ဘယ်သူမှ အသေအချာမသိနိုင်တဲ့ အနေအထားပဲဖြစ်ပါတယ် ။ ကဲဒါဆို တိုင်းရင်းသားတွေ အတွက် အမှန်တကယ်အကျိုးများဖို့ အခြေခံ ဥပဒေ ပြင်ဆင်ရေး ဟာ အဓိက အခြေခံ မူအားဖြင့် ဘယ်လိုဖြစ်စေသင့်သလဲဆိုတဲ့ ယေဘူယျ မျှော်မှန်းချက်ကတော့ ထားရှိထားဖို့လိုပါတယ် ။
ဒီနေရာမှာ တိုင်းရင်းသားတွေရဲ့ လွှတ်တော်နိုင်ငံရေး နဲ့ပတ်သက်ပြီး ငြင်းမရတဲ့ အမှန်တရား ၊ လက်ခံထားရမယ့် အမှန်တရား၂ခုကို အရင်ရှင်းရှင်းလင်းလင်းပြောပြထားချင်ပါတယ်။ ပထမတစ်ချက်က လွှတ်တော်ထဲမှာ ရှိတဲ့ တိုင်းရင်းသား အင်အားစုဟာ အခြေခံ ဥပဒေ ကို လိုသလိုပြင်နိုင်စွမ်းတဲ့ ပမာဏ မှာ မရှိဘူးဆိုတာပါပဲ ၊ ထို့ အတူ အင်အားကြီး ပါတီကြီး၂ခုကသာ မပြင်တော့ဘူးဟေ့ ” လို့ ဆိုပြန်ရင်လည်း ခေါင်းခါငြင်းဆန်ပြီး ကိုယ်ဖာသာ ရှေ့ဆက်နိုင်တဲ့ အခြေအနေလည်း မရှိတဲ့အနေအထားကို သိထားဖို့လိုပါတယ် ။ နောက်တစ်ချက်ကတော့ တိုင်းရင်းသား တွေ လိုလားနေတာ ဟာ ပြည်နယ် ဝန်ကြီးချုပ်ဖြစ်ရေး မဟုတ်ဖူးဆိုတာပဲဖြစ်ပါတယ် ။ လက်ရှ်ိ ၂၀၀၈ အခြေခံ ဥပဒေ မှာ ပြည်နယ် ဝန်ကြီးချုပ် တင်မြှောက်ရေးအချက် တစ်ချက်လောက်ကိုပဲပြင်လိုက်ပြီး တိုင်းရင်းသား ပါတီက တစ်ခုခု က ဝန်ကြီးချုပ်ဖြစ်လာခြင်း ဟာ အင်အားကြီးပါတီ တစ်ခုခုကတင်မြှောက်ထားတဲ့ သမ္မတ နဲ့ တကျက်ကျက်ဖြစ်ရုံ သို့မဟုတ် သမ္မတ ခိုင်းသမျှ မီးသေအောင် လိုက်လံဆောင်ရွက်ပေးရုံ ထက် သိပ်များများ မပိုဘူးနိုင်ဘူး ဆိုတာတော့သေချာပါတယ် ။ တကယ်တော့တိုင်းရင်းသားတွေ လိုလားနေတာဟာ ကိုယ့်တိုင်း ကိုယ့်ဋ္ဌာနီကို ကိုယ့် အမြင် ကိုယ့်အယူအဆ ကိုယ့်အတွေးအခေါ် ကိုယ်ပိုင်ဆင်ခြင်မှု နဲ့ ပြဋ္ဌန်း အုပ်ချုပ်လိုတာပဲဖြစ်ပါတယ် ။ ဒါကြောင့် အခြေခံ ဥပဒေ ပြင်ဆင်ချက် မူကြမ်းကို ရေးဆွဲကြတဲ့ အခါမှာ တိုင်းရင်းသားတွေ အနေနဲ့ ကိုယ့်တိုင်း ကိုယ့် ဋ္ဌာနီကို ပီပြင်စွာ ပြဋ္ဌန်း အုပ်ချုပ်နိုင်တဲ့ စနစ်တစ်ရပ် ဖြစ်ပေါ်လာမှု ကို အာမခံတဲ့ အခြားသော အချက်များပါ ရေးဆွဲထည့်သွင်းနိုင်ဖို့လိုအပ်သလ်ို အဲဒီသဘောတရား ကို ဆန့်ကျင်နေတဲ့ အချက်တွေ ရှိနေရင်လည်း ဖယ်ရှား ပြင်ဆင်ရေးဆွဲရမှာဖြစ်ပါတယ်။ ဝန်ကြီးချုပ်ရွေးနိုင်ရုံ နဲ့ ၊ ဝန်ကြီးချုပ်ဟာ တိုင်းရင်းသားတစ်ယောက် ဖြစ်နေရုံ နဲ့ တဲ့ တိုင်းရင်းသားတွေအတွက် လက်တွေ့ ထူးခြားတဲ့ အကျိူးတရားကို ခံစားရမယ် မဟုတ်ဖူးဆိုတာကတော့သေချာပါတယ် ။ အားလုံးသိကြတဲ့ အတ်ိုင်း ၂၀၀၈ အခြေခံ ဥပဒေ အရ အစိုးရ ၂ ဆက်ပေါ်ပေါက်ပြီးဖြစ်ရာ ၂ ရပ်စလုံးက ဒုသမ္မတ တစ်ဦးကို တိုင်းရင်းသားတစ်ယောက်ကို ပေးထားလေ့ရှိတာတွေ့ရမှာဖြစ်ပါတယ် ။ အဲဒီ အစိုးရ ၂ ရပ်စလုံး မှာ ဦးဆောင်ခဲ့သော ပါတီကြီး ၂ ခုစလုံး က အဲဒီဒုသမ္မတ တွေကို တိုင်းရင်းသားတွေ ကို ရွေးချယ်ပြီး အမည်စာရင်းတင်သွင်း ခဲ့တာဟာ တိုင်းရင်းသားတွေကို စည်းရုံးရေးသဘောတရားသက်သက် နဲ့ ဂုဏ်ထူးဆောင် သဘောသာဖြစ်ပြီး တခြား ဘာသဘောတရားမှ မပါဝင်တာတွေ့ရပါလိမ့်မယ် ။ ဒါကြောင့် ဒီလို သဘောတရားမျိုး နဲ့ ရှမ်းတစ်ယောက် ဒုသမ္မတဖြစ်လာခြင်း ၊ ချင်းတစ်ယောက် ဒုသမ္မတဖြစ်လာခြင်းဟာ ဒေသတွင်းအုပ်ချုပ်ရေး နဲ့ နိုင်ငံရေး အကျိုးစီးပွားကို တိုက်ရိုက် အကျိုးသက်ရောက်ခြင်းမရှိတာကိုတွေ့ရပါလိမ့်မယ် ။ ဒါကြောင့် နိုင်ငံတော် သမ္မတ ဟာ မည်သည့်လူမျိုး မဆို ဖြစ်နိုင်ခွင့်ရှိရမှာဖြစ်သလိုပဲ အခု အခြေခံ ဥပဒေ ပြင်ဆင်မှုဟာလည်း တိုင်းရင်းသား လူမျိုးတိုင်း က မိမိတို့ မွေးဖွား ကြီးပြင်းရာ ဒေသကို မိမိတို့ ဒေသခံအများစုရဲ့ ဆန္ဒသဘောထား အတွေးအခေါ် အယူအဆနဲ့ အုပ်ချုပ် စီမံနိုင်ခွင့်အထိ အာမခံ ပြဋ္ဌန်းပေးရမှာဖြစ်ပါတယ် ။ ဒါကြောင့် တစ်ဖက်မှာလည်း ဒေသခံ တိုင်းရင်းသား အသိုက်အမြုံ ထဲမှာလည်း ရင့်ကျက်ပြီး အမျှော်အမြင်ကြီးမားတဲ့ နိုင်ငံရေး သမားတွေပေါ်ထွက်လာဖို့လိုအပ်ပြီး ဒါမှသာ နိုင်ငံရေး ၊ ဥပဒေ စည်းမျဉ်းရေးရာ အရ အားကောင်းခိုင်မာတဲ့ ပြည်နယ် / တိုင်းဒေသကြီး လွှတ်တော်တွေပေါ်ထွက်လာမှာဖြစ်ပါတယ် ။ အခုအချိန်မှာ ပြည်ထောင်စုလွှတ်တော်နဲ့ ပြည်နယ်/ တိုင်းဒေသကြီး လွှတ်တော်တွေမှာ ဒေသတွင်း အခြေပြု တိုင်းရင်းသားပါတီတွေက ကိုယ်စားလှယ်တွေ၊ တိုင်းရင်းသားမျိုးနွယ်စု အလိုက် ကိုယ်စားပြုတဲ့ ကိုယ်စားလှယ်တွေ ရောက်ရှိနေသလို အစိုးရအဖွဲ့တွေမှာလည်း တိုင်းရင်းသားဝန်ကြီးတွေ ခန့်အပ်ထားတာရှိပါတယ် ။ သို့သော်လည်း သူတို့ရဲ့ လုပ်နိုင်ကိုင်နိုင်ခွင့် နဲ့ အရေးပါမှု အခန်းကဏ္ဍ ဟာ ဘယ်လို ဥပဒေ တွေ နဲ့မှ အားပေးမြှင့်တင်ထားတာမတွေ့ရသလို အစိုးရ တွေ အနေနဲ့ လည်း ထူးခြားတဲ့ လုပ်ကွက်တွေ ဖန်တီးပေးထားနိုင်ခြင်းမရှိတာလည်းတွေ့ရပါတယ် ။ ဒါတွေဟာ အခြေခံ ဥပဒေရဲ့ လိုအပ်ချက်ကြောင့်ဖြစ်ပြီး အဲဒီလိုအပ်ချက်ကတော့ မိမိဒေသ ကို ပိုင်နိုင်စွာ တာဝန်ယူ စီမံ အုပ်ချုပ်နိုင်သော ဒေသဆိုင်ရာ အာဏာပိုင် အစိုးရ နဲ့ ပြည်နယ်/တိုင်းဒေသကြီး လွှတ်တော်တွေ ပေါ်ထွက်လာစေရန် စဉ်းစားရွေးချယ် ထိန်းကျောင်း ပံ့ပိုးနိုင်သော ဒေသခံ လူအဖွဲ့ အစည်းတွေဖြစ်ပေါ်ရှင်သန်ရေး ကို အားပေးတဲ့ လွတ်လပ်သော၊ ဒေသတွင်း လုပ်ပိုင်ခွင့်ကျယ်ပြန့်စွာ ခွင့်ပြုသော ဥပဒေ ပြဋ္ဌန်းချက်တွေ ပဲဖြစ်ပါတယ် ။ မြန်မာ့နိုင်ငံရေး အလှည့်အပြောင်းတွေ အရ တိုင်းပြည်ရဲ့ အနာဂတ်ဟာ လက်နက်ကိုင်အဖွဲတွေ ရဲ့ စိတ်စေစားရာမှာ မှီတည်နေရာကနေ နိုင်ငံရေး ပါတီတွေ ဆီကို တစ်စိတ်တစ်ပိုင်း ပြောင်းလဲမှီခိုစပြုလာတာတွေ့ရပါတယ်၊ ဒီလိုပြောင်းလဲလာတာဟာလည်း ၂၀၀၈ အခြေခံ ဥပဒေ ကြောင့်ဖြစ်သလို တစ်စိတ်တစ်ပိုင်းပဲပြောင်းလဲနိုင်ခြင်းဟာလည်း ဒီ အခြေခံ ဥပဒေကြောင့်ပဲဖြစ်နေပါတယ်။ ဒါကြောင့် တစ်စိတ်တစ်ပိုင်းကနေ တိုးပြီးပြောင်းလဲဖို့ အကြောင်းရှိလာတိုင်းတော့ အမြင့်ဆုံးမျှော်လင့်ချက်ကို စံပြုထားပြီး ကြိုးစားကြည့်ကြဖို့လိုပါတယ် ။ တကယ်လည်း တိုင်းရင်းသား အင်အားစုများနဲ့ တိုင်းရင်းသားတွေ ရဲ့ အကျိုးစီးပွားဟာ တိုင်းပြည်မှာရှိနေတဲ့ မည်သည့် အင်အားကြီး အစုအဖွဲ့တွေကမှ လျှော့တွက်ပြီး ဘေးဖယ်ထားလို့ မရတာတော့ လက်တွေ့အမြင်ပဲဖြစ်ပါတယ် ။ သို့သော်လည်း အပြောင်းအလဲ ကို ကိုယ်ကစပြီး ကိုင်လှုပ်နိုင်စွမ်းမရှိတဲ့ အနေအထားမှာ အခုလို အင်အားကြီးတွေ လှုပ်ရှားထကြွ လို့ အခြေအနေ အခင်းအကျင်းတစ်ခုပေါ်ပေါက်လာတုန်း တိုင်းရင်းသားတွေ အနေနဲ့ ကိုယ်ဘက် က အကောင်းဆုံးပြင်ဆင်ပြီး ကိုယ်ရသင့်ရထိုက်တာကို အရယူနိုင်အောင်ကြိုးစားကြရမယ့်အချိန်ပဲဖြစ်ပါတယ် ။ အခုဆိုရင် တိုင်းရင်းသား နိုင်ငံရေး ပါတီများရဲ့ တာဝန် အလှည့်ကို ကျရောက်လာပြီပဲဖြစ်ပါတယ် ။ ဒါကြောင့် အခုအချိန်မှာ လွှတ်တော်ထဲမှာ ရှိတဲ့ တိုင်းရင်းသား အင်အားစု အားလုံး ညီညွတ်စွာ စုဖွဲ့ စည်းရုံးပြီး တတိယ အင်အားစုအဖြစ် အခိုင်မာဆုံးတည်ဆောက်လို့ အင်အားစုကြီး ၂ခုရဲ့ ပြင်းထန်လာတော့မယ် အားပြိုင်မှုတွေ အကြားမှာ အကောင်းဆုံး ပါဝင်ဆောင်ရွက်ရင်း မိမိတို့ တိုင်းရင်းသားတွေရဲ့ လိုလားချက်ပန်းတိုင် ဖြစ်တဲ့ ဖက်ဒရယ် ပြည်ထောင်စု ထူထောင်နိုင်ရေး ကို ပါးနပ်စွာ ရှေ့တိုး ချဉ်းကပ်နိုင်ကြဖို့ အခ်ျိန်ကောင်းလည်းပဲဖြစ်တယ်ဆိုတာတော့ တိုင်းရင်းသား အင်အားစု အားလုံးကို သတိပေးလိုက်ပါရစေ ။
