စစ်အာဏာရှင်စနစ် ဖျက်သိမ်းရေးဖြေရှင်းမည် ဆိုလျှင်တပ်မတော်ကိုယ်တိုင် မပါဝင်၍မရဟုဆို

စစ်အာဏာရှင်စနစ် ဖျက်သိမ်းရေး ဖြေရှင်းမည်ဆိုလျှင် တပ်မတော်ကိုယ်တိုင် မပါဝင်၍မရဟုဆို

.

ဝင်းဇော်နိုင်

.

ရန်ကုန်၊ စက်တင်ဘာ (၁၀) ရက်

.

စစ်အာဏာရှင်စနစ် ဖျက်သိမ်းရေးအတွက် ဖြေရှင်းကြမည်ဆိုလျှင် တပ်မတော်ကိုယ်တိုင် ပါဝင်ပြီး လုပ်ဆောင်မှ ရမည်ဖြစ်သည်ဟု ချင်းအမျိုးသားတပ်ဦး (CNF) ၏ ဒုဥက္ကဌ  (၂) ဒေါက်တာ ဆလိုင်းလျန်မှုန်းဆာခေါင်းက ပြောသည်။

.

မြန်မာနိုင်ငံတွင် ၁၉၆၂ ခုနှစ်မှစ၍ တပ်မတော်မှ အာဏာသိမ်းကာ နိုင်ငံကို ဦးဆောင်ခဲ့သည့်အတွက် ယနေ့အချိန်အခါတွင် ပြည်တွင်းငြိမ်းချမ်းရေး ဒ်ီမိုကရေစီရေးတို့ကို လျှောက်လှမ်းရာတွင် တပ်မတော်က ပါဝင်နေရဦးမည်ဖြစ်သည်ဟု ၄င်း၏ အမြင်ကို ပြောသည်။

.

“စစ်အာဏာရှင် ရှိနေသ၍ ဒ်ီမိုကရေစီထူထောင်လို့မရဘူး၊ ဖက်ဒရယ်ထူထောင်လို့မရဘူး၊ ပြည်တွင်းငြိမ်းချမ်းရေး ထူထောင်လို့မရဘူး။ ဒ်ီစစ်အာဏာရှင်စနစ် ပြဿနာကို ဖြေရှင်းဖို့ဆိုရင် တပ်မတော်ကိုယ်တိုင် မပါဘဲနဲ့ ကျွန်တော်တို့ ဘာမှ လုပ်လို့မရဘူး ” ဆလိုင်းလျန်မှုန်းဆာခေါင်းက ပြောသည်။

.

၂၀၁၀ ခုနှစ်ရွေးကောက်ပွဲပြီးချိန်မှစ၍ တပ်မတော်မှ နိုင်ငံအုပ်ချုပ်ရေးအာဏာအား ဦးသိန်းစိန်အစိုးရလက်ထဲ လွှဲအပ်ခဲ့ပြီး နိုင်ငံကို ဦးဆောင်ခဲ့သော်လည်း ၊ ဥပဒေပြုရေးအာဏာဖြစ်သည့် လွှတ်တော်တွင် ရွေးကောက်ပွဲမ၀င်ဘဲ တပ်မတော်သားများ ၂၅ ရာခုိုင်နှုန်း ပါဝင်ပြီး ၊ ငြိမ်းချမ်းရေးနှင့် ပတ်သတ်သည့် ဆွေးနွေးပွဲများတွင်လည်း တပ်မတော်၏ အခန်းကဏ္ဍနှင့် အဆုံးအဖြတ်သည် အဓိက ကျနေခဲ့သည်။

.

မြန်မာနိုင်ငံတွင် နှစ်ပေါင်း ၆၀ ကျော် ပြည်တွင်းစစ်ဒဏ်ကို ခံစားခဲ့ရကြောင်း၊ စစ်အာဏာရှင်စနစ်တွင် တိုင်းရင်းသားများလိုလားသည့် ဖက်ဒရယ်ပြည်ထောင်စုကိုလည်း နိုင်ငံအုပ်ချုပ်ရေးကဏ္ဍတွင် ပါဝင်နေသည့် တပ်မတော်မှ လက်မခံခဲ့ကြသည့်အတွက် တိုင်းရင်းသားအရေး ပြဿနာများ ယခုအချိန်ထိ ဖြေရှင်း  နိုင်ခြင်းမရှိသေးကြောင်း ချင်းအမျိုးသားဒီိမိုကရက်တစ်ပါတီ အတွင်းရေးမှူး ဆလိုင်းကျဲအိုဘိခ်ထောင်က ပြောသည်။

.

“တပ်မတော်က အာဏာသိမ်းတုန်းက တိုင်းရင်းသားများတောင်းဆိုတဲ့ ဖက်ဒရယ်ပြည်ထောင်စုကို တိုင်းပြည်ပြိုကွဲရေး မူဆိုပြီး အကြောင်းပြခဲ့တယ်။ တစ်ဖက်မှာလည်း လက်ရှိအနေအထားအရ ဖက်ဒရယ် တိုင်းပြည်ထူထောင်ဖို့အတွက် အခြေခံဥပဒေပြုပြင်ပြောင်းလဲဖို့လိုတယ်၊ ဒီအတွက် တပ်မတော် ၂၅ ရာခိုင်နှုန်းက အဓိက Block (အတားအဆီး) ဖြစ်နေတယ်” ဟု ၄င်းကပြောသည်။

.

တပ်မတော် (စစ်တပ်)၏ အခန်းကဏ္ဍကို ပစ်ပယ်၍ မရကြောင်း၊ ဒီမိုကရေစီနှင့် ဖက်ဒရယ်စနစ်ကို သွားမည်ဆိုပါက တပ်မတော်၏ အခန်းကဏ္ဍက မည်သို့လုပ်ရမည်ဆိုသည်ကို တိတိကျကျရှိရန် လိုအပ်ကြောင်း၊ တပ်မတော်သည် သွယ်ဝိုက်သည့်နည်းဖြင့် ဖြစ်စေ၊ တိုက်ရိုက်ဖြစ်စေ နိုင်ငံတော်အာဏာကို ထိန်းချုပ်ထားမည်ဆိုလျှင် ပြည်သူများအတွက် နစ်နာကြောင်း ကရင်နီတိုးတက်ရေးပါတီ (KNPP) တွဲဘက်အတွင်းရေးမှူး (၁) ဗိုလ်မှူး စောလွင်က ပြောသည်။

.

“စစ်တပ်ရဲ့ အခန်းကဏ္ဍက တိုင်းပြည်ရဲ့ ကာကွယ်ရေးတာဝန်ကို ထမ်းဆောင်ရမယ့် ပြည်သူ့ဝန်ထမ်းအဖွဲ့အစည်းပဲ ဖြစ်တယ်လေ။  အဲလိုမဟုတ်ဘဲနဲ့ စစ်တပ်ကနိုင်ငံရေး နယ်ပယ်မှာ ပါဝင်ပတ်သတ်နေတာဟာ စစ်တပ်ရဲ့ အခန်းကဏ္ဍလို့ ကျွန်တော်တို့က မမြင်ဘူး” ဟု ၄င်းကပြောသည်။

.

ဖက်ဒရယ်ဒီမိုကရေစီပြည်ထောင်စုတည်ဆောက်ရန် ၂၀၀၈ ဖွဲ့စည်းပုံအခြေခံဥပဒေကို  ပြုပြင်ရမည်ဟု  တိုင်းရင်းသားလက်နက်ကိုင် အဖွဲ့အစည်းများ၊ အရပ်ဖက်အဖွဲ့အစည်းများ၊ နိုင်ငံရေးပါတီများကပြောကြားနေသော်လည်း ၂၀၀၈ ဖွဲ့စည်းပုံအခြေခံဥပဒေ နိုင်ငံတော်အခြေခံမူများ အခန်း (၁)၌ ပါရှိသော ပုဒ်မ (၆) (စ) တွင် နိုင်ငံတော်၏ အမျိုးသားနိုင်ငံရေး ဦးဆောင်မှု အခန်းကဏ္ဍတွင် တပ်မတော်က ပါဝင်ထမ်းဆောင်နိုင်ရေးတို့ကို အစဉ်တစိုက် ဦးတည်သည်ဟု ပါရှိသည်။