သမ္မတရာထူးလစ်လပ်ခြင်းနှင့် သမ္မတဖြစ်ပိုင်ခွင့်

သမ္မတရာထူးလစ်လပ်ခြင်းနှင့် သမ္မတဖြစ်ပိုင်ခွင့်

ဖက်ဒရယ်ဂျာနယ်၊ မြန်မာ
ဩဂုတ် ၄၊ ၂၀၂၄

မင်းအောင်လှိုင်ဦးဆောင်တဲ့ စစ်တပ်က ၂၀၂၁ ခုနှစ် ဖေဖော်ဝါရီလမှာ အာဏာသိမ်းချိန်မှာ နိုင်ငံတော်သမ္မတဦးဝင်းမြင့်ဟာ သမ္မတဖြစ်နေဆဲဖြစ်သလို​ သမ္မတသက်တမ်းကလည်း ကျန်ရှိနေသေးတယ်။ ဒါပေမယ့် အဲဒီနေ့မနက်မှာပဲ ဒုတိယသမ္မတဖြစ်တဲ့ မြင့်ဆွေက အလိုအလျောက် “ယာယီသမ္မတ” ဖြစ်နေပြီး ကာလုံဆိုတာကြီးကို ခေါ်ရင်းနဲ့ မင်းအောင်လှိုင်ကို အာဏာလွှဲကြောင်း ကြေညာခဲ့တယ်။​

ဒီအာဏာသိမ်းမှုဟာ သူတို့ကိုယ်တိုင်ရေးခဲ့တဲ့ ၂၀၀၈ နဲ့လည်း မညီဘူး။ အရေးပေါ်ခြေနေကြေညာနိုင်သူဟာ နိုင်ငံတော်သမ္မတ တဦးတည်းသာဖြစ်တယ်။ ကာလုံခေါ်တာလည်း နိုင်ငံတော်သမ္မတပဲ​ဖြစ်တယ်။

ဒုတိယသမ္မတမဟုတ်ဘူး။ ဒါ့အပြင် ဒုတိယသမ္မတက “ယာယီသမ္မတ” ဖြစ်ေနတာဟာလည်း ၂၀၀၈ ဖွဲ့စည်းပုံဥပဒေ ပုဒ်မ ၇၃ ပါ ပြဋ္ဌာန်းချက်တွေနဲ့ လုံးဝ မကိုက်ညီနေတာကြောင့် ယာယီသမ္မတလို့တောင် မဖြစ်မြောက်ဘူး။ နောက်ပြီး ဒါဟာ နိုင်ငံတော်သစ္စာဖောက် ပုန်ကန်မှုကြီး (ရာဇသတ်ကြီး ပုဒ်မ ၁၂၁ (ဃ))​ဖြစ်တယ်။

ဒုတိယသမ္မတဟာ ဒီနိုင်ငံတော်သစ္စာဖောက်ဖျက်မှုကြီးမှာ ကြံရာပါ ပါဝင်သူဖြစ်တယ်။

နောက်ဆုံးမှာလည်း နိုင်ငံတော် “ယာယီသမ္မတ” ဆိုတဲ့ မြင့်ဆွေက ကျန်းမာရေးအရဆိုပြီး သူ့ရဲ့ “ယာယီသမ္မတ”တာဝန်ကို မင်းအောင်လှိုင်ကို လွှဲအပ်လိုက်ပါတယ်ဆိုတဲ့ ထုတ်ပြန်ချက်နဲဲ့ စစ်အုပ်စုခေါင်းဆောင် မင်းအောင်လှိုင်ဟာ “ယာယီသမ္မတ” လုပ်လာပြန်တယ်။ ဒါဟာ နိုင်ငံတော်သစ္စာဖောက်မှုကြီးရဲ့ နောက်ဆက်တွဲ​အမှုတွေပဲ။

ဒီတပတ် အဓိကာရ ဥပဒေဆိုင်ရာပေါ့ကတ်ရဲ့ အပိုင်း ၅ မှာ အစီအစဥ်တင်ဆက်သူ တရားလွှတ်တော်ရှေ့နေ ကိုဟယ်ရီနဲ့ လာရောက်ဆွေးနွေးသူ ကိုပိုင်သက်တို့က ဆွေးနွေးထားပါတယ်။

အစီအစဉ်အပြည့်အစုံနားဆင်ရန် –

Spotify – Listen to Here

Youtube – Listen to Here