နေ့စဉ်တိုင်းရင်းသားသတင်းများ စုဆောင်းတင်ပြခြင်း

(No. 106 , May 28, 2021)

 

၁။ KNU တပ်မဟာ (၅) နယ်မြေ၌ မေလအတွင်း တိုက်ပွဲပေါင်း တစ်ရာကျော်ဖြစ်ပွားပြီး စစ်ကောင်စီ တပ်ဖွဲ့ဝင် ၂၀၀ နီးပါးသေဆုံး
May 26, 2021

စစ်ကောင်စီတပ်နှင့် နယ်ခြားစောင့်တပ် (BGF) ပူးပေါင်း တပ်ဖွဲ့တို့ စစ်အင်အား ပိုမို တိုးပို့လာခြင်းကြောင့် ကရင်အမျိုးသား အစည်းအရုံး-KNU တပ်မဟာ (၅) နယ်မြေအတွင်း တိုက်ပွဲများ ဆက်လက်ပြင်းထန်နေပြီး မေလအ တွင်း တိုက်ပွဲပေါင်း တစ်ရာကျော်ဖြစ်ပွားခဲ့သည်ဟု KNU ဘက်က ပြောသည်။

ယခုမေလဆန်းမှစ၍ စစ်အင်အား တိုးချဲ့လာသည့် စစ်ကောင်စီတပ်နှင့် BGF ပူးပေါင်းတပ်ဖွဲ့တို့ စစ်ရေးပိုမိုလှုပ်ရှားလာခြင်း ကြောင့် တိုက်ပွဲများဆက်လက်ပြင်းထန်နေခြင်းဖြစ်ပြီး မေလ ၂၆ ရက်နေ့အထိ တိုက်ပွဲ ပေါင်းတစ်ရာကျော် ဖြစ်ပွားခဲ့ကာ စစ်ကောင်စီဘက်က ရာချီသေဆုံးမှု ရှိခဲ့သည်ဟု KNU တပ်မဟာ(၅) ပြောခွင့် ရ ဒုတိယဗိုလ်မှူးကြီး စောကလယ်ဒို့က ယခု လိုပြောသည်။“စစ်ကောင်စီဘက်က သူတို့လူတွေနဲ့ BGF တပ်တွေပါ ပေါင်းပြီး ကျနော်တို့ ဘက်ကို စစ်အင်အား ပိုပြီးတော့ ပို့လာတဲ့အတွက် စစ်ရေးလှုပ်ရှားမှုက များလာပြီး နေ့စဉ်လိုလို ပစ်ခတ်မှုတွေက ပြင်းထန်လာနေတယ်။ တိုက်ခိုက်မှုက ရပ်သွားတယ်ဆိုတာကိုမရှိဘူး။ ဒီမေလဆန်းကစပြီး ဒီနေ့အထိက တိုက်ပွဲပေါင်း ၁၉၃ ကြိမ် လောက်ရှိပြီး”ဟု ကေအိုင်စီသို့ ပြောသည်။ အဆိုပါ ထိတွေ့ တိုက်ပွဲပေါင်း တစ်ရာကျော်အတွင်း စစ်ကောင်စီ တပ်ဘက်မှ ၁၂၈ ဦးသေဆုံးခဲ့ပြီး ၁၈၀ ထိခိုက်ဒဏ်ရာရရှိခဲ့သလို တပ်ရိက္ခာပို့ဆောင်ရာတွင် အသုံးပြုသည့် မြင်း ၁၂ ကောင်ပါ သေဆုံးသွားပြီး သယ်ပို့ ယာဉ် ၉ စီးလည်း ပျက်စီးသွားကြောင်း ဒုဗိုလ်မှူးကြီး စောကလယ်ဒို့က ဆက်ပြောသည်။

အဆိုပါ သေဆုံးသွားသည့် စစ်ကောင်စီ တပ်ဖွဲ့ဝင်များထဲမှ ဗိုလ်ကြီးတစ်ဦး၊ တပ်ကြပ်တစ်ဦးနှင့် ဒုဗိုလ် တစ်ဦး ပါဝင်ပြီး ကရင်အမျိုးသားလွတ်မြောက်ရေး တပ်မတော်(KNLA)ဘက်ကမူ နှစ်ဦး ကျဆုံးပြီး ၉ ဦးထိခိုက် ဒဏ်ရာ ရရှိခဲ့ကာ ဒေသခံ တစ်ဦးလည်း ထိခိုက်သေဆုံးခဲ့ပြီး ၅ ဦးထိခိုက်ဒဏ်ရာရရှိခဲ့သည်ဟု KNU ဘက်က ဆိုသည်။ တိုက်ပွဲအတွင်း စစ်ကောင်စီ တပ်ဘက်မှ ဒေသခံကျေးရွာအတွင်းနှင့် လုပ်ကိုင်စားသောက်မြေများအတွင်းသို့ လက်နက်ကြီး ပေါင်း ၉၈ လုံးပစ်ခတ်ခဲ့သည့် အတွက် ထွီးသီအု ကျေးရွာဘက်တွင် လူနေအိမ် ၄ လုံး၊ ထီးဖိုးသန် ကျေးရွာတွင် လူနေအိမ် တစ်လုံးနှင့် တဲအိမ် ၆လုံး ပျက်စီးခဲ့သည်။ ၎င်းအပြင် တကော့ထ ကျေးရွာအတွင်း လူနေအိမ် ၄၀ လုံးကျော်ကိုလည်း စစ်ကောင်စီတပ်မှ မီးရှို့ ပျက်စီး ခဲ့ပြီး ၎င်းကျေးရွာများရှိ ဒေသခံများ၏ ဆန်အိတ်များ အပြင် ပိုင်ဆိုင်မှုပစ္စည်းများကို ယူဆောင်သွားကြောင်းလည်း KNU ဘက်က စုဆောင်းရရှိထားသည့် အချက်အလက်များအရ သိရသည်။

၂။ အကြမ်းဖက်လုပ်ရပ်မှန်သမျှ ချက်ချင်း ရပ်တန့်ရန် စစ်ကောင်စီ မျက်ကွယ်ပြုနေကြောင်း PPST ဥက္ကဌ ပြော
May 27, 2021

နိုင်ငံတကာနှင့် ပြည်တွင်း အဖွဲ့အစည်းများ၏ တောင်းဆိုချက်ဖြစ်သည့် အကြမ်းဖက် လုပ်ရပ်မှန်သမျှကို ချက်ချင်းရပ်တန့် ရန် စစ်ကောင်စီက မထီမဲ့မြင် မျက်ကွယ်ပြုနေသည်ဟု ငြိမ်းချမ်းရေးလုပ်ငန်းစဉ် ဦးဆောင်အဖွဲ့(PPST)၏ ယာယီ အဖွဲ့

ခေါင်းဆောင် ဗိုလ်ချုပ်ကြီး ယွက်စစ်က ပြောသည်။ မေလ ၂၇ ရက်နေ့တွင် Video Conferencing စတင်ပြုလုပ်နေသည့် တစ်နိုင်ငံလုံး ပစ်ခတ်တိုက်ခိုက်မှုရပ်စဲ ရေးသဘောတူစာချုပ်(NCA) လက်မှတ်ရေးထိုးထားသည့် တိုင်းရင်းသား လက်နက် ကိုင် အဖွဲ့ အစည်း (EAOs) (၁၀)ဖွဲ့၏ PPST အစည်းအဝေးပွဲ အဖွင့်မိန့်ခွန်းတွင် ယာယီအဖွဲ့ခေါင်းဆောင် ဗိုလ်ချုပ်ကြီး ယွက်စစ်က ယခုလို ထည့်သွင်း ပြောဆိုလိုက်ခြင်းဖြစ်သည်။

“စစ်ကောင်စီ အုပ်ချုပ်တဲ့ ကာလအတွင်းမှာ စစ်တပ်နဲ့ ရဲတွေက အကြမ်းဖက် ပစ်ခတ်သတ်ဖြတ်လို့ အာဏာ သိမ်းခြင်းကို ဆန့်ကျင်တဲ့ ပြည်သူ လူထု ၈၀၀ ကျော် သေဆုံးပြီး ၅၀၀၀ ကျော် ဥပဒေမဲ့ ဖမ်းဆီးခံ ခဲ့ရတာကို ကြည့်ရင် နိုင်ငံတကာနဲ့ ပြည် တွင်းအဖွဲ့အစည်းတွေရဲ့ တောင်းဆိုချက်ဖြစ်တဲ့ အကြမ်းဖက် လုပ်ရပ်မှန်သမျှကို ချက်ချင်းရပ်တန့်ပါ ဆိုတာကို စစ်ကောင်စီ က မထီမဲ့မြင် မျက်ကွယ်ပြုခြင်း ဖြစ်ပါတယ်” ဟု ဗိုလ်ချုပ်ကြီးယွက်စစ်က ပြောဆိုခဲ့သည်။ စစ်ကောင်စီ မတရားအုပ်ချုပ် သည့် ကာလအတွင်း နိုင်ငံရေး၊ ငြိမ်းချမ်းရေး၊ အုပ်ချုပ်ရေး၊ စီးပွားရေး ၊ ကူးသန်းရောင်းဝယ်ရေး၊ ဘဏ္ဍာရေး၊ ပညာရေး၊ လူမှုရေး၊ လုံခြုံရေး၊ တရားဥပဒေ စိုးမိုးရေး နှင့် အခြား ကဏ္ဍာ များတွင်အဘက်ဘက်ကျဆင်းနေပြီး ၎င်းသည့် စစ်ကောင်စီ ၏ နည်းလမ်းမမှန်သည့် စီမံအုပ်ချုပ်မှုကြောင့် ဖြစ် သည်ဟုလည်း ဗိုလ်ချုပ်ကြီး ယွက်စစ်က ဆက်ပြောသည်။

ထို့အပြင် လက်ရှိနိုင်ငံရေး အကြပ်အတည်းကို စစ်ကောင်စီ အနေဖြင့် အကြမ်းဖက် နည်းလမ်းဖြင့် ဖြေရှင်းမှုကြောင့် ပြည် တွင်း စစ်မီးကို ဟုန်းဟုန်းတောက်လောင်စေနိုင်ကြောင်းလည်း (PPST)၏ ယာယီ အဖွဲ့ခေါင်းဆောင် ဗိုလ်ချုပ်ကြီး ယွက်စစ် က သတိပေးပြောကြားလိုက်သည်။ လက်ရှိ စစ်ကောင်စီ၏ လုပ်ရပ်များကြောင့် မြန်မာနိုင်ငံအနေဖြင့် ကမ္ဘာ့အလယ်တွင် ဂုဏ်သိက္ခာ ညိုးနွမ်းပြီး မျက်နှာငယ်ရသည့် အဖြစ်ကို ရောက်ရှိနေပြီး အများ၏ ဖယ်ကြဉ်ခြင်းကို ခံနေရကြောင်းလည်း ဗိုလ်ချုပ်ကြီး ယွက်စစ်က ၎င်းအစည်းအဝေး အဖွင့် မိန့်ခွန်း၌ ဝေဖန် ပြောကြားခဲ့သည်။

၃။ ပြည်သူ့စစ်တာဝန်ထမ်းဆောင်ရန် စစ်ရှောင်စခန်းအထိ စာရင်းကောက်နေဟုဆို
27 May, 2021

ချီဖွေမြို့ နယ်တွင် ပြည်သူ့စစ်တာဝန်ထမ်းဆောင်ရန်အတွက် စစ်ရှောင်စခန်းရှိ ပြည်သူများ၏ အိမ်ထောင်စုစာရင်း ကောက်ခံ မှုများ ရှိနေကြောင်း စစ်ရှောင်ပြည်သူများထံမှ သိရသည်။“မနေ့ကစပြီးတော့ စစ်ရှောင်စခန်းတိုင်းမှာ တစ်အိမ်တစ်ယောက် ပြည်သူ့စစ်လုပ်ရမယ် အထက်အမိန့်ဆိုပြီး စာရင်းလိုက်ကောက်တယ်။ နာမည်စာရင်းနဲ့အတိအကျ လိုက်ကောက်တာ ဆိုတော့ ကျနော်တို့မှာ မလုပ်ချင်လည်း လုပ်ရတော့မယ့်သဘောမှာရှိနေတယ်။ ဘယ်လိုပြောရမှန်းကို မသိတော့ဘူး။” ဟု ချီဖွေ စစ်ရှောင်ပြည်သူတစ်ဦး က ပြောသည်။ လက်ရှိချီဖွေမြို့တွင် စစ်ရှောင်စခန်း ၂ ခုရှိကာ ကျေးရွာပေါင်း ၁၀ ရွာကျော်မှ စစ်ရှောင်များ လာရောက်မှီခိုနေကြခြင်း ဖြစ်သည်။ စစ်ဘေးရှောင်ဘဝနဲ့နေသည်မှာ ဆယ်စုနှစ်တစ်စုရှိလာပြီး အချို့ကျေးရွာ များသည် နေရပ်ပြန်ရန်စီစဉ်နေကြပြီဖြစ်သည်။

ယခင်က နေရပ်ပြန်မည့်သူများသာ ပြည်သူ့စစ်လုပ်ရမည်ဟု သတင်းထွက်သော်လည်း မေလ ၂၆ ရက်နေ့တွင် ပြည်သူ့စစ် အဖွဲ့က ချီဖွေစစ်ရှောင်စခန်းတစ်ခုထဲသို့ လာရောက်ကာ အိမ်ထောင်စုစားရင်း မိတ္တူကူးယူမှုများ ရှိခဲ့ကြောင်း စစ်ရှောင် တစ်ဦး က KNG သတင်းဌာနကို ပြောဆိုခဲ့သည်။“အစတော့ နေရပ်ပြန်တဲ့သူတွေ ပြည်သူ့စစ်လုပ်ရမယ်ဆိုပြီး ပြောသံကြား တယ်။ မပြန်လည်းပြန်လည်း အားလုံးတစ်အိမ်တစ်ယောက်ကို လုပ်ရမယ်ပြောတယ်။”ဟု ဒေသခံတစ်ဦးက ပြောသည်။

ယင်းပြည်သူ့စစ်အဖွဲ့သည် အာဏာသိမ်းစစ်အုပ်စု၏ သစ္စာခံအဖွဲ့အစည်းတစ်ခုဖြစ်ပြီး ပြီးခဲ့သည့်ရက်ပိုင်း ချီဖွေမြို့၊ မျောမော ပါဘက်တွင်လည်း စစ်အာဏာသိမ်းမှုကို ဆန့်ကျင်သော လူငယ် ၃ ဦးကို ဖမ်းဆီးခဲ့သည်။ လက်ရှိ ပန်ဝါ၊ ချီဖွေ၊ ကန်ပိုက် တည် ဒေသများတွင် နယ်ခြားစောင့်နှင့် ပြည်သူ့စစ်များသည် စစ်အာဏာရှင်ဆန့်ကျင်သူများကို ပြန်လည်ဖိနှိပ်နေသည့် အဖွဲ့အစည်းတစ်ခုဖြစ်သည်ဟု သိရသည်။ အဆိုပါဒေသများတွင် နေထိုင်သည့် စစ်ဘေးရှောင်များ၊ ပြည်သူများအနေဖြင့် ပြည်သူ့စစ်ထမ်းဆောင်ရမည့်တာဝန်ကို ငြင်းဆန်ရန် အလွန်ခက်ခဲကြောင်း ဒေသခံများက ပြောသည်။

၎။ နမ္မတူမြို့နယ် တိုင်းရင်းသားအချင်းချင်း တိုက်ပွဲဖြစ်
May 26, 2021

သျှမ်းမြောက် နမ္မတူမြို့နယ် မန်ကျန်းကျေးရွာအနီးတွင် ( မေ ၂၆ )ရက် မနက်ပိုင်းမှစတင်ကာ ညနေအချိန်ထိ တိုင်းရင်းသား လက်နက်ကိုင် အချင်းချင်းကြား တိုက်ပွဲပြင်းထန်းနေကြောင်း စုံစမ်းသိရသည်။

ယနေ့ မနက်(၈) နာရီမှ စတင်ကာ နမ္မတူမြို့နယ် မန်ကျန်းကျေးရွာအနီးတွင် သျှမ်းတပ်( SSPP)၊ တအာင်း(ပလောင်)တပ် (TNLA)ပူးပေါင်း နှင့် သျှမ်းတပ် (RCSS)တို့တိုက်ပွဲပြင်းထန်းမှု ဖြစ်ပွားခဲ့ကြောင်း နမ္မတူမြို့ ဒေသခံ တဦးကပြောသည်။“ တိုက်ပွဲက ဒီနေ့ အရမ်းပြင်းထန်တယ်။ မနက်ကနေ ည ထိပဲဖြစ်နေတာ။ ပစ်နေတာ။ အချင်းချင်းပစ်နေကြတာ။ မပြောချင် တော့ဘူး”ဟု နမ္မတူဒေသခံ အမျိုးသားတဦး ကသျှမ်းသံတော်ဆင့် ကို ပြောသည်။ တိုင်းရင်းသားအချင်းချင်းကြား ဖြစ်ပွား သည့် တိုက်ပွဲသည် လက်နက်ကြီး၊လက်နက်ငယ်များဖြင့် ပစ်ခတ်နေကြောင်း၊ စစ်ရှောင်တချို့ မန်စံကျေးရွာသို့ထွက်ပြေးလာ ကြောင်း၊ ထိခိုက်ဒဏ်ရာရရှိသူ မရှိကြောင်းလည်း သိရသည်။

တိုင်းရင်းသားလက်နက်ကိုင် အချင်းချင်းသည် ဖေဖော်ဝါရီ လမှစတင်ကာ ယနေ့အချိန်ထိ သီပေါ၊ ကျောက်မဲ၊ နောင်ချို့ မြို့နယ်နှင့် နမ္မတူမြို့နယ်အတွင်း တိုက်ပွဲဖြစ်ပွားကာ စစ်ရှောင် ၆ထောင်ကျော်ရှိကြောင်းသိရသည်။

၅။ CRPH နှင့် KPICT ကြား သဘောတူညီချက်တစ်ခု လက်မှတ်ရေးထိုးကြောင်း ထုတ်ပြန်
27 May, 2021

ကြားကာလ ကချင်ဒေသအစိုးရဖွဲ့စည်းရေးဆိုင်ရာ ကိစ္စရပ်များနှင့်ပတ်သက်ပြီး ပြည်ထောင်စုလွှတ်တော်ကိုယ်စားပြု ကော်မတီ CRPH နှင့် ကချင် KPICT တို့ကြား သဘောတူညီချက်တစ်ခုကို ယနေ့ မေလ ၂၇ ရက်နေ့တွင် လက်မှတ်ရေးထိုး ခဲ့ကြောင်း CRPH က ထုတ်ပြန်ထားသည်။

အဆိုပါကိစ္စနှင့်ပတ်သက်ပြီး Kachin Political Interim Coordination Team KPICT ပြောခွင့်ရ ဦးအင်ဆန်ဂွမ်ဆန်က KNG သတင်းဌာနကို ယခုလိုပြောသည်။“ကြားကာလမှာလုပ်မယ့်အလုပ်တွေကို CRPH နဲ့ဆွေးနွေးသွားဖို့ဆိုတဲ့ ပိုပြီးတော့ နိုင်ငံရေးပေါ်လစီကို အတူလက်တွဲလုပ်သွားဖို့ဆိုတဲ့ကိစ္စပဲ ဖြစ်တယ်။”ဟု ပြောသည်။ ဒါ့အပြင် အခုသဘောတူလက်မှတ် ထိုးတာဟာ CRPH စတင်လာကတည်းကနေ KPICT နှင့် CRPH ကြား ဆွေးနွေးထားချက်ကို လက်မှတ်ရေးထိုးခြင်းဖြစ် တယ်လို့ KPICT က လူမှုကွန်ရက်စာမျက်နှာမှာလည်း ထုတ်ပြန်ထားပါတယ်။

လက်ရှိတွင် CRPH နှင့် KPICT တို့၏ ဆွေးနွေးမှုကြောင့် အမျိုးသားညီညွတ်ရေးအစိုးရ NUG တွင် ဒုသမ္မတ ၊ သယံဇာတနှင့် သဘာဝပတ်ဝန်းကျင် ဝန်ကြီး ၊ ပညာရေးဒုဝန်ကြီး နှင့် အပြည်ပြည်ဆိုင်ရာ ပူးပေါင်းဆောင်ရွက်ရေးဝန်ကြီးဌာန ဒုဝန်ကြီး အဖြစ် ကချင်လူမျိုးများကို ခန့်အပ်ထားကြောင်း သိရသည်။

၆။ ဒီမော့ဆိုတွင် တိုက်ပွဲပြန်စ၊ အရပ်သားနှစ်ဦး ပစ်သတ်ခံရ
27 May 2021

ကယားပြည်နယ်၊ ဒီမော့ဆိုမြို့နယ်ရှိ ဒေါငံခါးရပ်ကွက်ထဲသို့ စစ်ကောင်စီ လက်နက်ကိုင်တပ်များ ယနေ့ နေ့လယ်ပိုင်းတွင် ဝင်ရောက်လာသဖြင့် ဒီမော့ဆို PDF အဖွဲ့ များက ခုခံတိုက်ခိုက်ရင်း တိုက်ပွဲ စတင် ဖြစ်ပွားလျက်ရှိကြောင်း သိရသည်။“စစ်တပ်ဘက်က အင်အား ၂၀၀ လောက်နဲ့ မြို့ပေါ် ရပ်ကွက်တွေထဲကို ဝင်လာလို့ ကျနော်တို့ ပြန်ခံပစ်နေတယ်။ ငုပလော့ ဘက်ကနေ ဒေါငံခါးဘက်ကို ဝင်ဖို့ လုပ်နေတယ်။ လက်နက်ကြီးတွေနဲ့လည်း ပစ်တယ်။ သူတို့က ဒေါငံခါးကို ပြန်စီးချင်တာ နဲ့ တူတယ်။ အခုမှ စပစ်တာ။ ၁၂ နာရီကျော်ကျော်လောက်ကပေါ့”ဟု ဒီမော့ဆို PDF အဖွဲ့ဝင်တဦးက ပြောသည်။ ဒီမော့ဆိုမြို့တွင် လူအများစုမှာ စစ်ရှောင်စခန်းများ ရှိရာသို့ တိမ်းရှောင်သွားကြပြီ ဖြစ်ပြီး ၎င်းတို့အတွက် အစားအသောက် လိုအပ်ချက် ရှိသဖြင့် မြို့ ထဲသို့ စားနပ်ရိက္ခာ ပြန်ယူသည့် အရပ်သားနှစ်ဦးမှာ စနိုက်ပါနှင့် အပစ်ခံရပြီး နေရာတွင် ပွဲချင်းပြီး သေဆုံးသွားခဲ့ကြောင်း သိရသည်။

“ဒီမနက်ပဲ ရွာသား နှစ်ယောက် ဆိုင်ကယ်နဲ့ ပြန်ယူတာ။ စားနပ်ရိက္ခာပေါ့။ အဲဒါ စနိုက်ပါနဲ့ ချောင်းအပစ်ခံရတာ။ နှစ် ယောက်ကျတယ်။ ဒီမနက်ပဲ အလောင်းသွားပြန်ကောက်ပြီး သဂြိုလ်လိုက်ပြီ။ စစ်ရှောင်တွေအတွက် စားနပ်ရိက္ခာ မလောက် လို့ ပြန်ယူကြတာ”ဟု ဒီမော့ဆိုဒေသခံတဦးက ပြောသည်။ သေဆုံးသူများမှာ မည်သူမည်ဝါ ဖြစ်ကြောင်း အသေးစိတ် ထုတ်ဖော်ပြောဆိုခြင်း မရှိသေးသော်လည်း ဒီမော့ဆိုတွင် စစ်ကောင်စီတပ်များ၏ လက်ချက်ဖြင့် သေဆုံးသူ ၁၀ ဦးထက် မနည်း ရှိပြီ ဖြစ်ကြောင်း သိရသည်။ (မေ ၂၆ ရက်) ညကလည်း လက်နက်ကြီး၊ လက်နက်ငယ်များဖြင့် ပစ်ခတ်မှုကြောင့် ဒီးမော့ဆိုမြို့ပေါ်ရှိ စိန့်ဂျိုး ဇက်ကက်သလစ်ဘုရားကျောင်းတွင် ထိခိုက်ပျက်စီးမှုများ ဖြစ်ပေါ်ခဲ့သေးသည်။

ဒီးမော့ဆိုမြို့နယ်တွင်း PDF တပ်ဖွဲ့များနှင့် စစ်ကောင်စီတပ်များကြား တိုက်ခိုက်မှုများ၊ စစ်ရေးတင်းမာမှုများကြောင့် ကျေးရွာ ၁၅၀ ခန့်မှ အရပ်သားဦးရေ ငါးသောင်းကျော်သည် စစ်ဘေးရှောင် များအဖြစ် နေရပ်စွန့်ခွာ ထွက်ပြေးနေရသည်။

၇။ တောင်ကြီးမြို့ ပျောက်ဆုံးနေသည့် လူငယ်တစ်ဦး စစ်ကောင်စီ မှ (၂) ည ဖမ်းဆီးစစ်ဆေး ပြုလုပ်
May 27, 2021

သျှမ်းပြည် တောင်ပိုင်း တောင်ကြီးမြို့ ပျောက်ဆုံးနေသည့် လူငယ်တစ်ဦးကို စစ်ကောင်စီ က (၂) ည ချုပ်နှောင် စစ်ဆေးမှု ပြုလုပ်ခဲ့ကြောင်း စုံစမ်းသိရသည်။ ဖြစ်စဉ်မှာ မေ ၂၅ ရက် နေ့လည် ၁ နာရီ မှ ၂ နာရီ ကြားအတွင်း စတင်ပျောက်ဆုံးခဲ့သည့် အသက် (၂၄) နှစ် အရွယ်ရှိ စိုင်းကောင်ခမ်းကို စစ်ကောင်စီ အုပ်စု က ဖမ်းဆီးခေါ်ဆောင်သွားပြီး ရဲစခန်းတွင် ချုပ်နှောင် ထားကာ စစ်ဆေးမှု ပြုလုပ်ခဲ့ပြီး ၎င်းတွင်ဖမ်းဆီးရန် သက်သေ အထောက်အထားမရှိသဖြင့် ( မေ ၂၇ )ရက် မနက်ပိုင်းတွင် ပြန်လည်လွှတ်ပေးခဲ့ကြောင်း စိုင်းကောင်ခမ်း၏ မိခင်က သျှမ်းသံတော်ဆင့်ကို ပြန်ပြောပြသည်။

“ အိမ်ပြန်ရောက်ပါပြီး။ ဒီနေ့မနက်ဘဲ ပြန်ရောက်လာတာ။ ၆ နာရီဝန်းကျင်လောက်က ပြန်ရောက်လာတယ်။ သူကိုဖမ်း သွားပြီးတော့ စစ်ဆေးတာ သူ့ဖုန်းထဲမှာ ဘာမှမရှိလို့ဆိုပြီးတော့ ပြန်လွှတ်လာပေးခဲ့တာ။ ရိုက်ထားတာတွေလည်း ဘာမှမရှိ ပါဘူး”ဟု ၎င်း၏ မိခင်က ဆိုသည်။ စိုင်းကောင်းခမ်းသည် မေ (၂၅ )ရက်တွင် ၎င်း၏မွေးကင်းစ (၈)ရက်သမီးကို ဓာတ်ပုံ ရိုက်ပေးရန်အတွက် ကင်မရာသွားယူပြီး အပြန်လမ်းတွင် တောင်ကြီးမြို့ ၂၁၂ ဈေးရှေ့တွင် ဖမ်းဆီးခံခဲ့ရကြောင်းသိရသည်။“ သူသမီးကို ဓာတ်ပုံရိုက်ပေးဖို့ ဆိုပြီး သူ့အဒေါ်အိမ်မှာ ကင်မရာသွားယူတာ။ စစ်သားတွေက ၂၁၂ တပ် ဈေးနားမှာ စစ်နေ တာဆိုတော့ သူက လူငယ်လည်းဖြစ်တော့ ဖမ်းသွားတာ။ သူသမီးလေးကလည်း မွေးလာတာ ၈ ရက်ပဲ ရှိသေးတယ်”ဟု မိခင် ဖြစ်သူက ပြောသည်။

ဆက်လက်ပြီး ကလေးမွေးဖွားစ စိုင်းကောင်ခမ်း၏ အမျိုးသမီး က “ ပြန်တော့လွှတ်လာပြီ။ ရဲစခန်းက ၂ ညတောင်ခေါ် စစ် တယ်။ ထမင်းမကျွေးဘူးလားမသိဘူး။ သူနုံးနေတယ်။ အမျိုးသားကို စဖမ်းတော့ ကျမမှာ စိတ်ပူလိုက်တာ။ ကလေးက တဖက်ဆိုတော့ အရူးမလိုပဲ”ဟု သျှမ်းသံတော်ဆင့် ကို ပြောသည်။“ အခု က လူငယ်ဆိုရင် ဖမ်းနေတဲ့ခေတ်ဖြစ်နေပြီ။ ကလေး တွေ အပြင်သွားရင် စိတ်မချတော့ဘူး။ ကလေးတွေ အပြင်ထွက်တာနဲ့အိမ်ပြန်မရောက်မချင်း စိတ်ကပူရ၊ စိုးရိမ် နေရတယ်။ ဒီလိုစနစ် ပြန်ရောက်လာမယ်လို့မထင်ခဲ့ဘူး”ဟု ဆယ်ကျော်သက်လူငယ်တဦး ၏ မိခင်က ပြောသည်။

၈။ ပလက်ဝမြို့ပေါ်မှာ ဗုံးနှစ်လုံး ပေါက်ကွဲ၊ အရပ်သားတစ်ဦး ဒဏ်ရာရ
28 May, 2021

ချင်းပြည်နယ် ပလက်ဝမြို့ပေါ် မြို့မရပ်ကွက်မှာ မြို့နယ်စီမံအုပ်ချုပ်ရေးကောင်စီရုံးနဲ့ မြန်မာ့စီးပွားရေးဘဏ် ရှေ့မှာ ဒီနေ့ မနက် ၇ နာရီခွဲကျော်က ဗုံးနှစ်လုံး ပေါက်ကွဲခဲ့ပြီး ဈေးဝယ်လို့ပြန်လာတဲ့ အရပ်သား တစ်ဦး ရှပ်ထိဒဏ်ရာရသွားခဲ့ တယ်လို့ ပလက်ဝမြို့ခံ ကိုတင်ထွန်းအောင်က RFA ကို ပြောပါတယ်။

အဲဒီဗုံးပေါက်ကွဲတဲ့နေရာအနီး စီးပွားရေးဘဏ်အနောက် မူကြိုကျောင်းနဲ့ ကောင်စီရုံးတွေမှာ အစကတည်းက စစ်ကောင်စီ တပ်တွေ နေရာယူထားတာဖြစ်ပြီး အဲဒီနေရာအနီးအနားမှာ ပေါက်ကွဲတာဖြစ်တယ်လို့လည်း ဆိုပါတယ်။ အခုလက်ရှိတော့ ဗုံးပေါက်ကွဲတဲ့နေရာတွေကို စစ်ကောင်စီတပ်တွေက မိုင်းရှင်းရေးတွေ လုပ်ဆောင်နေပြီး လုံခြုံရေးတွေလည်း တင်းတင်း ကျပ်ကျပ် ချထားတာကို တွေ့ရတယ်လို့လည်း ကိုတင်ထွန်းအောင်က ပြောပါတယ်။

အဲဒီဗုံးပေါက်ကွဲမှုဟာ ဘယ်အဖွဲ့ကလုပ်တာလဲ၊ ဘာကြောင့်လုပ်တာလဲ ဆိုတာကိုတော့ မသိရဘူးလို့လည်း သူကဆို ပါတယ်။ ဒီပေါက်ကွဲမှုဟာ တပ်မတော်အာဏာသိမ်းပြီးနောက် ပလက်ဝမြို့ပေါ်မှာ ပထမဆုံး ပေါက်ကွဲမှုလည်း ဖြစ်ပါတယ်။

၉။ ဖယ်ခုံမြို့နယ်မှ စစ်ဘေးရှောင် နှစ်သောင်းကျော်အတွက် အကူအညီများ လိုအပ်နေ
26 May 2021

ရှမ်းပြည်နယ်တောင်ပိုင်း၊ ဖယ်ခုံမြို့နယ်တွင် ဖယ်ခုံပြည်သူ့ကာကွယ်ရေးတပ်ဖွဲ့ (PDF) နှင့် စစ်ကောင်စီကြား တိုက်ပွဲများ ကြောင့် အရပ်သား နှစ်သောင်းကျော် တောတောင်များအတွင်း စစ်ဘေးရှောင်နေရပြီး ၎င်းတို့အတွက် စားနပ်ရိက္ခာ၊ ဆေး နှင့် သောက်ရေသန့်များ အရေးပေါ် လိုအပ်နေကြောင်း သတင်းရရှိသည်။ နေရပ်စွန့်ခွာ ထွက်ပြေးနေရသည့် စစ်ဘေးရှောင် ဒုက္ခသည် နှစ်သောင်းကျော်သည် ဖယ်ခုံမြို့နယ်အတွင်းရှိ တောင်ပေါ်ဒေ သများ၊ တောတွင်းများနှင့် ကျေးရွာအချို့တို့တွင် ၅ နေရာခွဲကာ ခိုလှုံနေသည်ဟု ဖယ်ခုံမြို့နယ်တွင်း ဖွဲ့စည်းထားသည့် စစ်ဘေးရှောင်ကူညီရေး လုပ်ဆောင်နေသူများက ဧရာဝတီကို ပြောသည်။

မိုးဗြဲအနောက်ခြမ်း စစ်ဘေးရှောင် ကူညီရေးကော်မတီ၏ ပြောရေးဆိုခွင့်ရှိသူတဦးက “စားနပ်ရိက္ခာက အိမ်ကသယ်လာကြ တာတွေက အလွန်ဆုံးခံနိုင်ရင် တပတ်ပဲ။ အခြေအနေ ထပ်ဆိုးလာရင် သူတို့ မြို့ထဲရွာထဲ ပြန်ဝင်လို့ မရနိုင်ဘူး။ အထူးသ ဖြင့် ဆန်ပါ။ အသီးအရွက်တွေက တောထဲရှာလို့ ရကောင်းရလိမ့်မယ်။ နောက်တခုက သောက်သုံးရေပါ။ အခုကိုပဲ ကလေး တွေမှာ ကိုယ်လက် ယားယံတာ၊ ဝမ်းပျက်တာ စဖြစ်နေပြီ။ ရာသီတုပ်ကွေးကာလမှာ ချောင်းဆိုးတာတွေ စတွေ့နေရပြီ” ဟု ရှင်းပြသည်။ စစ်ဘေးရှောင်ဒုက္ခသည်များအတွက် အဓိက လိုအပ်နေသည်မှာ စားနပ်ရိက္ခာ၊ ဆေးနှင့် သောက်ရေသန့် များ ဖြစ်သည်ဟု လည်း ၎င်းက ဆိုသည်။ ဆက်လက်၍ ၎င်းက မိုးတွင်းကာလ ရောက်နေပြီ ဖြစ်သော်လည်း တောတွင်း၌ ပလတ်စတစ် အမိုးအကာများဖြင့် တဲများ စုပြုံတည်ဆောက်ပါက စစ်ကောင်စီဘက်မှ ပစ်ခတ်ခြင်း၊ တိုက်ခိုက်ခြင်းများ ခံရ မည်ကို စိုးရိမ်သဖြင့် စစ်ဘေးရှောင်များမှာ သစ်ရွက်မိုးသည့် တဲများ၊ သစ်ပင်ကြီးများအောက်တွင်သာ ခိုလှုံနေရသည် ဟုလည်း ပြောသည်။

“ဒီမှာ ပြေးရတဲ့သူတွေက မိုးဗြဲရဲစခန်းကို PDF က ဝင်သိမ်းတုန်းက စစ်ကောင်စီရဲ့ စစ်ကူတွေကို လမ်းမှာ ဖြတ်ထိန်းထားခဲ့ တဲ့ ရွာတွေလည်း ပြေးရတဲ့အထဲ ပါတယ်။ အရှေ့ဘက်လမ်းကြောင်းမှာဆို ကုန်းသာ၊ ကောခူ ရှေ့ဖက်တကြောလုံး၊ ဖယ်ခုံ ကဆိုလည်း စစ်ကောင်စီရဲ့ လမ်းကြောင်းကို ပိတ်ပေးခဲ့တဲ့သူတွေ ရှိတယ်။ ဖယ်ခုံ၊ မိုးဗြဲ၊ ဖလိုင်၊ မိုးဗြဲအရှေ့ဘက်ခြမ်း အုပ်စု ထဲက ရွာတွေ၊ ကယားဘက်က ကုန်းသာ၊ ကယန်းသာယာ အကုန်ပါပါတယ်” ဟု ၎င်းက ဆိုသည်။ ဖယ်ခုံမြို့နယ်အတွင်း နေရပ်စွန့်ခွာ ထွက်ပြေးနေရသည့် အရပ်သား နှစ်သောင်းကျော်သည် မေ ၂၃ ရက်က မိုးဗြဲရဲစခန်းကို PDF တပ်ဖွဲ့က စီးနင်း တိုက်ခိုက်ပြီးသည့် နောက်ပိုင်း ထွက်ပြေးရခြင်း ဖြစ်သည်။ ဖယ်ခုံ PDF ၏ တိုက်ခိုက်မှုကြောင့် မိုးဗြဲရဲစခန်း ပျက်ဆီးသွား သည့်အပြင် ရဲနှင့်စစ်ကောင်စီတပ်သား ၂၀ ဦးကျော်လည်း တိုက်ပွဲအတွင်း ကျဆုံးမှု ရှိခဲ့သည်။

၁၀။ ဖလမ်းမြို့နယ် လုမ်းဘန်ရွာက တူမီးသေနတ်များကို စစ်ကောင်စီတပ်ဖွဲ့က လာရောက်သိမ်းဆည်း
May 27, 2021

မေ ၂၁ ရက်က ချင်းပြည်နယ်၊ ဖလမ်းမြို့နယ်၊ လုမ်းဘန်ကျေးရွာအနီး ဖလမ်း – ကလေး ကားလမ်းမပေါ်တွင် Chin National Defence Force အဖွဲ့က စစ်ကား ၂ စီးအား ခြုံခိုပစ်ခတ်ခြင်း ဖြစ်ပွားခဲ့ပြီးနောက် စစ်ကောင်စီတပ်ဖွဲ့မှ ယမန်နေ့ မေလ ၂၅ ရက်နေ့ နေ့လည်ပိုင်းတွင် လုံဘန်ရွာသို့ရောက်ရှိလာပြီး ကျေးရွာဒေသခံများပိုင်ဆိုင်သည့် လိုင်စင်စာရင်းရှိပြီးသား တူမီးသေနတ်များကို အိမ်များတွင် ၀င်ရောက်စစ်ဆေးပြီး သိမ်းယူသွားကြောင်း ဒေသခံများထံမှ သိရသည်။

“ဒီရွာမှာ တူမီးဘယ်လောက်ရှိတယ်ဆိုတဲ့စာရင်းနဲ့ လာပြီး အိမ်တွေလိုက်စစ်ဆေးပြီး သိမ်းသွားတာ၊ တူမီးသေနတ် ၂၀ ၀န်း ကျင်လောက် ယူသွားတယ်၊ အိမ်ရှင်တွေကိုတော့ မေးမြန်းတာလောက်ပဲလုပ်တယ်လို့ကြားတယ်၊ ဒီည ရွာမှာ သူတို့ည အိပ်နား မယ်ထင်တယ်” ဟု ရွာခံတစ်ဦးကဆိုသည်။ မေလ ၂၁ ရက်နေ့တွင် လုမ်းဘန်ကျေးရွာအနီး စစ်ကား ၂ စီးကို ခြုံခို တိုက်ခိုက်မှုကြောင့် ဗိုလ်ကြီးအဆင့်အပါအ၀င် စစ်ကောင်စီတပ်သား ၆ ဦးသေဆုံးကာ CNDF အဖွဲ့သား ၁ ဦးကျဆုံးဟု CNDF အဖွဲ့က ထုတ်ပြန်ထားသည်။

ဖလမ်းမြို့နယ် လုမ်းဘန်ကျေးရွာသည် ကလေးမြို့နှင့် ဖလမ်းမြို့နယ်အကြား ဆက်သွယ်ထားသည့် ကလေး-ဖလမ်း လမ်းမ ပေါ်ရှိ ကျေးရွာဖြစ်ပြီး တောင်တန်းပြည်မပေါင်းစည်းရေး ပင်လုံစာချုပ်တွင် ချင်းပြည်ကိုယ်စား လက်မှတ်ရေးထိုးသည့် ချင်းစော်ဘွား Pu Hlur Hmung ဦးလှုရ်မှုန်၏ဇာတိရွာနှင့် နိုင်ငံကျော်အဆိုတော် ဆလိုင်းသွှအောင်၊ ဂျွန်သင်ဇမ်၏ ဇာတိရွာ လည်းဖြစ်သည်။

၁၁။ စစ်ကောင်စီနဲ့ဆွေးနွေးဖို့ PPST ကမ်းလှမ်းတဲ့စာ ထွက်ပေါ်လာ
May 27, 2021

NCA အပစ်ရပ်စာချုပ်လက်မှတ်ထိုးထားတဲ့ တိုင်းရင်းသားလက်နက်ကိုင် ၁၀ ဖွဲ့ရဲ့ ငြိမ်းချမ်းရေး လုပ်ငန်းစဉ် အကောင် အထည် ဖော်တဲ့အဖွဲ့ (PPST) က စစ်ကောင်စီတပ်နဲ့ တွေ့ဆုံဆွေးနွေးဖို့ ကမ်းလှမ်းတဲ့ လျှို့ဝှက်စာမူကြမ်းကို ဒီနေ့ မေလ ၂၈ ရက် နေ့စွဲနဲ့ ရေးသားထားပါတယ်။ RFA ကလက်ခံရရှိထားတဲ့ အဲဒီစာမူကြမ်းမှာ… စစ်ကောင်စီက တာဝန်ပေးထားတဲ့ ငြိမ်းချမ်းရေးဖော်ဆောင်မှု ညှိနှိုင်းရေး ကော်မတီ ဥက္ကဋ္ဌ ဒုတိယဗိုလ်ချုပ်ကြီး ရာပြည့်ကို လိပ်မူထားပြီး၊ အကြောင်းအရာမှာ NCA ကိစ္စလို့ ရေးသားထားတာ တွေ့ရပါတယ်။ စစ်ကောင်စီရဲ့ငြိမ်းချမ်းရေးကော်မတီဥက္ကဋ္ဌ ကိုယ်စား ဒုတိယဗိုလ်ချုပ်ကြီး မင်းနောင်က လက်မှတ်ထိုးပြီး မေလ ၁၉ ရက်နေ့က ပေးပို့လိုက်တဲ့စာကို မိမိတို့ EAO အဖွဲ့တွေက လက်ခံရရှိပြီး၊ တပ်မတော်က NCA စာချုပ်ကို လက်ခံမယ် ဆိုတဲ့အတွက် ဝမ်းသာတဲ့အကြောင်း အစချီ ရေးထားပါတယ်။

အချက် (၇) ချက်ပါတဲ့ ဒီလျှို့ဝှက်စာထဲမှာ … လက်ရှိဖြစ်နေတဲ့ ပြည်တွင်း အခြေအနေတွေဟာ တပ်မတော်ရော၊ တိုင်းရင်း သားအဖွဲ့တွေရော၊ နိုင်ငံရေးပါတီတွေရော၊ ပြည်သူအတွက်ရော ဘယ်သူ့ အတွက်မှ အကျိုးမရှိ တဲ့အကြောင်းနဲ့ နိုင်ငံရေး အခြေအနေ ပုံမှန်ပြန်ဖြစ်လေ ကောင်းလေလို့ ဆိုထားပါတယ်။ မြန်မာပြည်နဲ့ပတ်သက်လို့ တချို့နိုင်ငံတွေက ရည်ရွယ်ချက် ရှိရှိ ပြည်တွင်းရေးကို ဝင်စွက်ဖက်နေတယ်လို့ စွပ်စွဲပြောဆိုထားသလို၊ ဒီလို စွက်ဖက်တာကို ကာကွယ်ဖို့ အတွက် မိမိတို့နဲ့ လက်တွဲလုပ်ဆောင်နိုင်မယ့် နိုင်ငံသားတွေကို စည်းမျဉ်းတွေ၊ ဘောင်တွေထဲကနေ ဖိတ်ခေါ် လက်တွဲတဲ့နည်းက အကောင်း ဆုံး ဖြစ်တယ်လို့ သူတို့အယူအဆကို ရေးထားပါတယ်။ ဒါကြောင့် တပ်မတော်နဲ့ PPST အဖွဲ့ အမြန်ဆုံးတွေ့ပြီး အလွတ် သဘော ဆွေးနွေးဖို့နဲ့ PPST ပူးတွဲကြေညာချက်မူကြမ်း ထုတ်ဖို့လည်း စီစဉ်နေတယ်လို့ စာထဲမှာ ရေးထားပါတယ်။

အခုစာဟာ ပြည်သူတွေရဲ့ နွေဦးတော်လှန်ရေးကို သစ္စာဖောက်တဲ့လုပ်ရပ် ဖြစ်တယ်လို့ အမည်မဖော်လိုတဲ့ လက်နက်ကိုင် တိုင်းရင်းသားခေါင်းဆောင် တစ်ယောက်က RFA ကို ပြောပါတယ်။ ဒီစာကို ဘယ်အဖွဲ့၊ ဘယ်ပုဂ္ဂိုလ်က ဦးဆောင်ရေးသား ပေးပို့တယ်ဆိုတာ ဖော်ပြမထားသလို၊ ဒီစာကို PPST မှာပါတဲ့ ၁၀ ဖွဲ့လုံးက သဘောတူသလား ဆိုတာကိုလည်း လောလော ဆယ် မသိရသေးပါဘူး။ KNU ဥက္ကဋ္ဌ ဗိုလ်ချုပ်ကြီး မူတူးဆေးဖိုးက NCA လမ်းကြောင်းအတိုင်းသာ ဆက်လက်ဆောင်ရွက် မယ်လို့ မေလ ၉ ရက်နေ့က ရေးသားထုတ်ပြန် ခဲ့ပြီးနောက် အဲဒီအပေါ်မှာ လက်ရှိပြည်သူတွေရဲ့ စစ်အာဏာရှင်ဆန့်ကျင် ရေးကို ကူညီထောက်ပံ့နေတဲ့ KNU အဖွဲ့တွေနဲ့ သဘောထား ကွဲလွဲခဲ့ပါတယ်။

၁၂။ ပူတာအိုမြို့တွင်းအခြေစိုက် အာဏာသိမ်းစစ်တပ်စခန်း ပစ်ခတ်ခံရ
28 May 2021

ပူတာအိုမြို့အခြေစိုက် အာဏာသိမ်းစစ်တပ် ခလရ ၄၆ တပ်ရင်းတွင် ယနေ့ နံနက်ပိုင်းက အဝေးပစ်လက်နက်တစ်ခုဖြင့် တိုက်ခိုက်ခံရကြောင်း ဒေသခံများထံမှ သိရသည်။ မေလ ၂၈ ရက်နေ့ ယနေ့ နံနက်ပိုင်း ၁ နာရီဝန်းကျင်ခန့်တွင် ပူတာအို ကောင်ကထောင်ရပ်ကွက်ရှိ စစ်တပ်ဗျူဟာကုန်းတွင် ပေါက်ကွဲသံ ၂ ကြိမ်ကြားလိုက်မိကြောင်း ကောင်ကထောင် ရပ်ကွက် ပြည်သူ တစ်ဦးက အတည်ပြု ပြောဆိုသည်။“ဒီမနက်ပိုင်း ၁ နာရီနဲ့ ၂ နာရီကြားမှာဟုတ်တယ်။ ပေါက်ကွဲသံ ၂ ခါကြား လိုက်တယ်။ အဝေးကနေ လှမ်းပစ်လိုက်တဲ့ အသံတော့ ဟုတ်တယ်။ ဘာနဲ့ပစ်တာက ကျနော်လည်းမသိဘူ”ဟုပြောဆို သည်။ အဆိုပါပစ်ခတ်မှုကို ကချင်လွတ်လပ်ရေးတပ်မတော် KIA တပ်မဟာ ၁ အောက်၊ တပ်ရင်း(၇)က ရှော့တိုက်ဒုံးကျည် ဖြင့် ပစ်ခတ်ခဲ့သည်ဟုလည်း အမည်မဖော်လိုသူ ဒေသခံတစ်ဦးက ထပ်မံ ပြောဆိုသည်။

“စခန်းအတွင်းမှာက ၁ လုံးထဲကျတယ်လို့ပြောတယ်။ ဒါပေမယ့် စစ်တပ်အထဲမှာဖြစ်တယ်ဆိုတော့ ပျက်စီးထိခိုက်မှုတွေက မသိရသေးဘူး”ဟု ပြောဆိုသည်။ အာဏာသိမ်းပြီးနောက်ပိုင်း ပြည်နယ်အနှံ တိုက်ပွဲဖြစ်ပွားနေသော်လည်း ပူတာအို ခရိုင် တွင် ပစ်ခတ် ပေါက်ကွဲခြင်းမျှပင် မရှိခဲ့ကြောင်း သိရသည်။

၁၃။ တာချီလိတ်လယ်ယာမြေ အဓမ္မခြံခတ်သည့် ဟုန်ပန်းကုမ္ပဏီက ဆရာတော် ကို တရားစွဲဆို
May 27, 2021

တာချီလိတ်မြို့နယ် လယ်ယာမြေ အဓမ္မသိမ်းခြံခတ်ပြုလုပ်သည့် ဟုန်ပန်းကုမ္ပဏီ သည် ပြည်သူဘက် ရပ်တည်ပေးနေသော ဝမ်းဟောင်းကျေးရွာ ဆရာတော်ပန်းရွှေကို တရားစွဲဆိုထားကြောင်း သတင်းရရှိသည်။ ဧပြီ ၉ ရက်တွင် ဟုန်ပန်းကုမ္ပဏီ သည် စစ်ကောင်စီ အုပ်စုဖြစ်သည့် ရဲတပ်ဖွဲ့ကို အကာအကွယ်ယူပြီး တာချီလိတ် ပြည်သူများ ပိုင်ဆိုင်ပြီး သီးနှံစိုက်ပျိုးသည့် မြေပေါ် ခြံစည်းရိုးလာခတ်မှု ပြုလုပ်ခဲ့ပြီး၊ ထိုခြံစည်းရိုးကို ပြည်သူများက ပြန်ဖျက်ခဲ့သည်။ ထိုခြံစည်းရိုးပြန်ဖျက်သည့် အချိန် တွင် ဝမ်းဟောင်ရွာ ဆရာတော် ပန်ရွှေ ပါဝင်ခဲ့သည်ဟု ပြောဆိုကာ တာချီလိတ်ခရိုင်အုပ်ချုပ်ရေးမှူး နှင့် ဟုန်ပန်းကုမ္ပဏီ တို့ ပူးပေါင်းပြီး တရားစွဲဆိုထားကြောင်း သိရသည်။

“ သူတို့ က ဆရာတော်ကို တရားစွဲဖို့ စာပို့လာတာ။ ၂၈ ရက်နေ့ကျရင် နဂါးနှစ်ကောင်း ကျောင်းကိုသွားဖို့ပြောလာတယ်။ ဆရာတော်က ပြည်သူတွေကို ခြံစည်းရိုးဖျက်တာနဲ့ပတ်သက်ပြီး ဦးဆောင်သူအနေနဲ့ တရားစွဲတာပေါ့။ မိဘပြည်သူတွေ ကလည်း လုပ်ကိုင်စားသောက်နေတာကြာပြီ။”ဟု ဝမ်းဟောင်ဆရာတော်က မိန့်ကြားသည်။ မေ (၂၈) ရက်တွင် နဂါးနှစ် ကောင် ဘုန်းကြီးကျောင်း ကို ဟောင်လိတ်ကျေးရွာ ပြည်သူများကိုယ်တိုင် လိုက်ပါသွားမည်ဖြစ်ပြီး၊ ထိုကိစ္စနှင့် ပတ်သက်ပြီး ဖြေရှင်းရန်ရှိကြောင်းလည်း သိရသည်။“ကျနော်တို့စီစဉ်ထားတာတော့ ဆရာတော်သွားတဲ့နေ့ကျရင် ကျနော်တို့ တစ်ရွာလုံး က လိုက်သွားမယ်ပြောတာ။ အဲတာ ဟိုဖက်က ဆရာတော်က တစ်ရွာလုံးလာရင် ကျောင်းထဲပေးမဝင်ဘူးလို့ပြောတယ်” ဟု ဝမ်းဟောင်းရွာဒေသခံတစ်ဦးက ပြောသည်။

ထိုမြေသည် ၁၉၉၈-၁၉၉၉ ခုနစ် စစ်အစိုးရ လက်ထက်တွင် အတင်းအဓမ္မသိမ်းယူပြီး ထိုထဲမှ ဧက (၁၀၀) ကို ဟုန်ပန်း ကုမ္ပဏီအားပေးခဲ့ပြီး၊ ဟုန်ပန်းကုမ္ပဏီမှ ဧက (၂၀)ကိုသာ ပလပ်စတစ် စက်ရုံတည်ဆောက်ခဲ့သည်။

၁၄။ ဒီမော့ဆိုမြို့မှာ ဒုက္ခသည်တွေကို ကယ်ဆယ်ဖို့သွားတဲ့ Free Burma Ranger – Karenni အဖွဲ့ဝင်တစ်ဦးကျဆုံးပြီး KPDF အဖွဲ့ဝင် ၃ ဦးဒဏ်ရာရရှိ
May 27, 2021

ဒီမော့ဆိုမြို့မှာ စစ်ရှောင်ပြည်သူဒုက္ခသည်တွေကို ကယ်ဆယ်ဖို့သွားတဲ့ Free Burma Ranger (Karenni) အဖွဲ့ဝင်တစ်ဦး ကျဆုံးခဲ့ပြီး ကရင်နီပြည်သူ့ကာကွယ်ရေးတပ်ဖွဲ့ဝင် ၃ ဦး ဒဏ်ရာရရှိခဲ့တယ်လို့ FBR (Karenni) အဖွဲ့ဝင်တစ်ဦးက ကန္တာရ ဝတီတိုင်း(မ်) ကို အတည်ပြုပြောပါတယ်။“အဓိကကတော့ Free Burma Ranger အဖွဲ့ဝင်တစ်ဦးဖြစ်တယ်ပေါ့နော်၊ ကျတော်တို့နဲ့အတူ ဒီမော့ဆိုမှာရှိတဲ့ ဒုက္ခသည်တွေကို ကယ်ဆယ်ဖို့သွားရင်း လမ်းမှာတိုက်ပွဲဖြစ်တာ၊ ကျသွားတာပေါ့။ ဒေါငံခါးလမ်းခွကနေ တံတားဖြူတံတားနားမှာ တိုက်ပွဲဖြစ်တယ်ပေါ့၊ အဓိကကတော့အဲ့မှာ စစ်တပ်ကနေပြီးတော့ ကင်းလှည့် တာလား၊ ရိက္ခာတွေလိုက်ယူနေတာလားမသိဘူး၊ တစ်အိမ်တက်တစ်အိမ်ဆင်း လုပ်နေတာတွေ့ရတယ်ပေါ့။ အဲ့မှာ ကျတော် တို့ အဖွဲ့နဲ့ ထိပ်တိုက်တိုးတာပေါ့၊ တိုးရင်းနဲ့ ပစ်ခတ်ရင်းနဲ့ ကျတော်တို့လူတစ်ယောက်နဲ့အတူ PDF အဖွဲ့ဝင် သုံးယောက် လောက် ဒဏ်ရာရမယ်လို့ ယူဆရတယ်။ လောလောဆယ် ကျတော်တို့တော့ တစ်ယောက်ပဲတွေ့သေးတယ်၊ နှစ်ယောက်ကို လိုက်ရှာနေသေးတယ်” လို့ ၎င်းကပြောပါတယ်။ ကျဆုံးသွားသူမှာ All Lo Sein (Olson) အမည်ရှိသူဖြစ်ပြီး အသက် ၂၀ ကျော်အရွယ်ရှိသူဖြစ်ပါတယ်။

ဒီမော့ဆိုမြို့မှာ နေ့ခင်း ၁၁ နာရီခွဲဝန်းကျင်က စစ်ကောင်စီတပ်ကနေ လက်နက်ကြီးတွေပစ်ခတ်မှုရှိခဲ့ပြီးနောက် ကရင်နီ ပြည်သူ့ကာကွယ်ရေးတပ်ဖွဲ့နဲ့ ၁ နာရီခွဲအကြာ တိုက်ပွဲဖြစ်ပွားခဲ့တာပါ။ “ပစ်ခတ်မှုကတော့ နည်းနည်းပြင်းထန်တယ်၊ ကျတော်တို့ဖက်လက်နက်က တူမီးတွေ မောင်းပြန်တွေမပါဘူးပေါ့နော်၊ ဒါပေမယ့် ဟိုဖက်ကတော့ ကျတော်တို့ကို ၇၉ တွေနဲ့ လည်းပစ်တယ်၊ လက်နက်ကြီးတွေနဲ့လည်းပစ်တယ်၊ ဆက်တိုက်ပစ်တယ်။ ကျတော်တို့ အခြေအနေသိပ်မဟန်တော့ ပြန်ဆုတ်လိုက်ရတယ်။ ၃ ဦးကတော့ အခြေအနေ နည်းနည်းစိုးရိမ်ရတယ်ပေါ့နော်၊ ကျလားမကျလားမသိသေးဘူး၊ နှစ်ဦး ကတော့ လိုက်ရှာနေတုန်းပေါ့” လို့ မြေပြင်မှာရောက်ရှိသူတစ်ဦးက ပြောပါတယ်။

“စစ်ဘေးရှောင်စခန်းကနေရာလည်း ရိက္ခာတွေ အခက်အခဲဖြစ်နေတယ်ပေါ့။ သူတို့က သူတို့ရွာမှာကျန်တဲ့ ပစ္စည်းလေး တွေ၊ အသီးအရွက်လေးတွေ၊ စားစရာလေးတွေကို ဆင်းယူတာ၊ ဆင်းယူတော့ စစ်ကောင်စီနဲ့တွေ့တာပေါ့၊ တွေ့တော့ အစစ်ဆေး၊ အမေးမြန်းလည်းမရှိပဲ ဒီအတိုင်းပဲ ပစ်လိုက်တာပေါ့။ နှစ်ယောက်လုံး ပွဲချင်းပြီးပဲ”လို့ ဒေသခံတစ်ဦးက ပြောပါတယ်။ ကရင်နီပြည်နယ်မှာ ပြီးခဲ့တဲ့ မေလ ၂၁ ရက်နေ့ကနေ ပြည်သူ့ကာကွယ်ရေးတပ်ဖွဲ့နဲ့ အကြမ်းဖက်စစ်ကောင်စီ တို့ အပြန်အလှန်ပစ်ခတ်မှုဖြစ်ပွားပြီး နေ့စဉ် တိုက်ပွဲပြင်းထန်လျက်ရှိနေကာ နှစ်ဖက်ကျဆုံးမှုလည်း ရှိနေပါတယ်။

၁၅။ ကျောက်ကြီး-မူသယ်ကားလမ်းပေါ် ပစ်ခတ်မှုအတွင်း ဒေသခံအမျိုးသမီးတစ်ဦး ထိခိုက်ဒဏ်ရာရ
May 27, 2021

ကေအဲန်ယူ -ကရင်အမျိုးသားအစည်းအရုံး ထိန်းချုပ်နယ်မြေ ညောင်လေးပင်ခရိုင် (တပ်မဟာ-၃) ၊ ကျောက်ကြီးမြို့နယ်ထဲရှိ ကျောက်ကြီး-မူသယ်ကားလမ်းပေါ်တွင် မေလ ၂၅ ရက်နေ့က ကေအဲန်ယူ၏ ကရင်အမျိုးသားလွတ်မြောက်ရေးတပ်မတော်-KNLA နှင့် စစ်ကောင်စီတပ်တို့အကြား ပစ်ခတ်မှုဖြစ်ပွားရာတွင် ဒေသခံ အမျိုးသမီးတစ်ဦး ထိခိုက်ဒဏ်ရာရရှိခဲ့သည်ဟု သိရ သည်။ ကျောက်ကြီး- မူသယ်လမ်းမပေါ်တွင် စစ်ကားဖြင့် တက်ရောက်လာသည့် စစ်ကောင်စီတပ်ကို နယ်မြေခံ KNLA တပ် ဖွဲ့နှင့် ပစ်ခတ်မှုဖြစ်ပွားခဲ့ခြင်းဖြစ်ပြီး ထိုပစ်ခတ်မှုအတွင်း စစ်ကောင်စီဘက်မှ လက်နက်ကြီးအသုံးပြုပြီး ပစ်ခတ်သည့် အ တွက် အနီးအနားရှိ နေအိမ်တစ်အိမ်မှ အမျိုးသမီးတစ်ဦးကို လက်နက်ကြီးကျည်စထိမှန်၍ ထိခိုက်ဒဏ်ရာရှိခဲ့ခြင်း ဖြစ်သည်။

KNU ကျောက်ကြီးမြို့နယ်တွင်ရှိသည့် စစ်ကောင်စီတပ်အနေဖြင့် လမ်းမပေါ်တွင် ဂိတ်ချစစ်ဆေးမှုများပြုလုပ်ခြင်း၊ ပြည်သူ များကို ခြိမ်းခြောက်ခြင်း၊ အကြောင်းမဲ့ ဖမ်းဆီးချုပ်နှောင်အရေးယူခြင်း ၊ အကြပ်ကိုင်ခြင်းများ လုံးဝ လက်ခံမည်မဟုတ်သလို စစ်ကောင်စီတပ်အနေဖြင့် တပ်ပိုင်းဆိုင်ရာတပ်လှုပ်ရှားခြင်းထိုးစစ်ဆင်ခြင်းများကို လုံးဝလက်မခံကြောင်း KNU ကျောက်ကြီး မြို့နယ်က မေလ ၁၂ ရက်နေ့တွင် ကြေညာချက်တစ်ခု ထုတ်ပြန်ခဲ့သည်။

လက်ရှိတွင် ၎င်းဖမ်းဆီးခံရသည့် ဒေသခံလူမှုအဖွဲ့ဝင် နော်အေးကြန်၏ မိသားစုဝင်များသည်လည်း နေအိမ်တွင် မနေထိုင်ရဲ တော့ဘဲ တိမ်းရှောင်နေရသည်ဟု သိရသည်။

၁၆။ လေပြင်းမုန်တိုင်းကြောင့် စစ်ဘေးရှောင်တဲအိမ်များပျက်စီးပြီး လူဦးရေ ၁၀၀၀ ခန့် နေထိုင်ရန်ခက်ခဲနေ
May 27, 2021

ဘင်္ဂလားပင်လယ်အော် အရှေ့အလယ်ပိုင်းတွင်ဖြစ်ပေါ်နေသည့် ဆိုင်ကလုန်းမုန်တိုင်း ယာစ် YYAS ကြောင့် ရခိုင်ပြည်၊ မြောက်ဦးမြို့နယ်မှ စစ်ဘေးရှောင်စခန်းများတွင် တဲအိမ်အများအပြား ပျက်စီးသွားခဲ့ကြောင်း စခန်းတာဝန်ရှိသူများထံမှ သိရ သည်။ တဲအိမ် ၇၈၀ လုံးရှိသည့် မြောက်ဦးမြို့နယ် စင်းဘောကိုင်း စစ်ဘေးရှောင်စခန်းတွင် ပြင်းထန်သည့် လေပြင်းမုန်တိုင်း ကြောင့် တဲအိမ် ၁၇၁ လုံး ပျက်စီးသွားသည်ဟု မြတန်ဆောင်းဆရာတော်မှ DMG ကို မိန့်ကြားသည်။

“အဲဒီအိမ်တွေက ဆောက်လုပ်ထားတာတွေလည်း ကြာပြီဆိုတော့ ပြန်လုပ်ရမဲ့အခြေနေရှိနေပြီ။ ဒါပေမဲ့ ငွေကြေးအခက် အခဲတွေကြောင့် မဆောက်လုပ်နိုင်ခဲ့ဘူး။ အခု လေပြင်းတိုက်လာတော့ အိမ်ခေါင်မိုးပွင့်သွားတဲ့ အိမ်၊ ကျိုးကျသွားတဲ့အိမ်၊ အမိုးအကာတွေ ပျက်သွားတာ အကုန်လုံး ၁၇၁ လုံးပါသွားတယ်။ မုန်တိုင်းက မပြီးသေးဘူးဆိုတော့ ကျန်တဲ့နေအိမ်တွေ အတွက်လည်း အလွန်စိုးရိမ်ရတဲ့အခြေနေမှာ ရှိပါတယ်” ဟုဆိုသည်။ ပြိုပျက်သွားသည့် တဲအိမ် ၁၇၁ လုံးမှ လူဦးရေ ၇၈၀ မှာ နီးစပ်ရာတဲအိမ်များတွင် အသီးသီးနေထိုင်ကြပြီး ၎င်းတို့ကို ပြန်လည်ဆောက်လုပ်ရန်အတွက် ငွေကြေးအကူအညီလို အပ်ကြောင်း ဆရာတော်ကမိန့်သည်။

ယင်းတဲအိမ်များမှာ ခိုင်မာသည့်သစ်ဝါးများဖြင့် ဆောက်လုပ်ထားခြင်းမဟုတ်ဘဲ ကွမ်းသီးတိုင်၊ ဝါးတိုင်များဖြင့် ယာယီအဖြစ် ဆောက်လုပ်ထားခြင်းမှာ ၃ နှစ်ခန့် ကြာမြင့်နေပြီဖြစ်ကြောင်း ဦးစိုးသိန်းက DMG ကိုပြောသည်။“ကျနော်တို့မှာ နေအိမ် တိုင်တွေကျိုးသွားတယ်။ အခုလောလောဆည်တော့ သူများအိမ်မှာကပ်နေရတယ်။ မိုးလည်း အခုချိန်ထိ ရွာနေတုန်းပါ။ မိသားစုတစ်စုတောင် နေလို့မရတဲ့နေအိမ်မှာ တခြားသူတွေပါ နေနေရတယ်ဆိုတော့ ပိုပြီးတော့ ကြပ်တည်းသွားတာပေါ့ နော်။ မုန်တိုင်းက မပြီးသေးတော့ ထပ်ပြီးတော့ ပျက်စီးလာမယ်ဆိုတာ သေချာပါတယ်” ဟု ဆိုသည်။ စစ်ဘေးရှောင်များ အနေဖြင့် ၎င်းနေအိမ်များကို ပြန်လည်တည်ဆောက်နိုင်ရန်အတွက် နိုင်ငံတကာအဖွဲ့အစည်းများ၊ အရပ်ဖက်အဖွဲ့အစည်း များနှင့် သက်ဆိုင်ရာဌာနအနေဖြင့် ငွေကြေးအကူညီများ ထောက်ပံ့ပေးရန် လိုအပ်နေသည်။

၁၇။ နောင်းမီ ပြည်သူ့စစ်ခေါင်းဆောင် ပစ်သတ်ခံရ
28 May 2021

လီဒိုလမ်းမပေါ် နောင်းမီကျေးရွာရှိ ပြည်သူ့စစ်ခေါင်းဆောင်တစ်ဦး ယမန်နေ့ညက ပစ်သတ်ခံရကြောင်း ဒေသခံများထံမှ သိရသည်။ အသက် ၆၀ အရွယ် ပြည်သူ့စစ်ခေါင်းဆောင် ဦးဖုန်းကျော်သည် မေလ ၂၇ ရက်ည ၈ နာရီခွဲခန့်က သူ၏ နေအိမ် တွင် ပစ်သတ်ခံရကြောင်း နောင်းမီဒေသခံတစ်ဦးက ယခုလိုပြောပြသည်။“သတ်ခံရတဲ့သူက နောင်မီကျေးရွာရဲ့ ပြည်သူ့စစ် ခေါင်းဆောင်တစ်ဦးဖြစ်တယ်။ ဒီရွာမှာ ပြည်သူ့စစ်ခေါင်းဆောင် လုပ်တာ ၁၀ နှစ်နီးပါးလောက်ရှိပြီ။ မနေ့ညကတော့ သူရဲ့ အိမ်မှာဘဲ ဝင်ပစ်သတ်သွားတယ်လို့သိရ တယ်” ဟု ပြောဆိုသည်။

ပြည်သူ့စစ်ခေါင်းဆောင် ဦးဖုန်းကျော်ကို နေအိမ်တွင် ဝင်ရောက်ပစ်သတ်သွားသူမှာ ကချင်လွတ်လပ်ရေးအဖွဲ့ KIA က ဖြစ် နိုင်ကြောင်း သူက ဆက်လက်ပြောဆိုသည်။“ကျနော်ထင်တာက KIA ပစ်တယ်လို့ဘဲထင်တယ်။ ဘာကြောင့်လဲဆိုတော့ ရှဒူးဇွပ်ကျေးရွာက ပြည်သူ့စစ်နေအိမ်ကို သွားပစ်တော့ KIA ဘက်က ၄ ယောက်တောင်ပစ်သတ်ခံရလို့ ပြန်လာလုပ်တယ် လို့ဘဲမြင်တယ်”ဟု သူက သုံးသပ်ပြောဆိုသည်။ ကချင်ပြည်နယ်ရှိ ပြည်သူ့စစ်တပ်ဖွဲ့များသည် အာဏာသိမ်းစစ်တပ် အောက် သစ္စာခံများဖြစ်ကာ စစ်တပ်ဘက်၏ သတင်း ပေးအဖြစ်ရှိနေကြကြောင်း ဒေသခံများက ပြောဆိုနေကြပါသည်။

၁၈။ အာဏာသိမ်းမှု ၃ လအတွင်း စစ်ကောင်စီလက်ချက်ဖြင့် ကလေးသူငယ် ၇၃ ဦးမက သေဆုံးခဲ့
27 May, 2021

အာဏာသိမ်းပြီးနောက်ပိုင်း စစ်ကောင်စီက ပစ်ခတ်သတ်ဖြတ်မှုကြောင့် မေလ ၁၅ ရက်နေ့အထိ ကလေးသူငယ် ၇၃ ဦး သေဆုံးခဲ့ပြီး ဆက်လက်၍လည်း ပစ်ခတ်သတ်ဖြတ်ခံနေရဆဲ ဖြစ်ကြောင်း အမျိုးသားညီညွတ်ရေးအစိုးရ (NUG)၊ လူ့ အခွင့် အရေးဆိုင်ရာ ဝန်ကြီးဌာနက ထုတ်ပြန်သည်။ ဖေဖော်ဝါရီ ၁၅ ရက်မှ မေလ ၁၅ ရက်နေ့အထိ ၃ လတာကာလအတွင်းယောက်ျားလေး ၆၃ ဦး၊ မိန်းကလေး ၉ ဦး သေဆုံးခဲ့ပြီး မေလ ၁၅ ရက်နေ့ နောက်ပိုင်း တမြို့လုံး ချေမှုန်းတိုက်ခိုက်ခံရသည့် မင်းတပ်၊ ကနီ၊ ဒီးမော့ဆို ဒေသများမှ သေ ဆုံးစာရင်းများ မထည့်သွင်းရသေးကြောင်း ဖော်ပြထားသည်။

ယင်းကလေးသူငယ်များမှာ လမ်းပေါ်တွင် ဆန္ဒပြသည့် လူအုပ်ကြား၌ ပါဝင်သဖြင့် ပစ်ခတ်သတ်ဖြတ် ခံရခြင်းသာမက နေ အိမ်တွင်ပင် ကလေးမှန်းသိလျက်နှင့် ပစ်ခတ်သတ်ဖြတ်ခံရခြင်း၊ လမ်းမများပေါ်တွင် ဆော့ကစားနေစဉ် မဆင်မခြင် ပစ် ခတ်မှုများကြောင့် သေဆုံးခဲ့ရခြင်းများလည်း ဖြစ်သည်။ လူ့အခွင့်အရေးဆိုင်ရာ ပြည်ထောင်စုဝန်ကြီး ဦးအောင်မျိုးမင်း က “ကလေးသူငယ်တွေကို စစ်ပွဲတွေမှာတောင် မသတ်ဖြတ် ရဘူး။ ဆီးရီးယားတို့မှာလည်း သေပါတယ်။ ဒါပေမယ့် ဒီကာလ တခုက စစ်ပွဲမဟုတ်ဘူး။ ငြိမ်းချမ်းစွာ ဆန္ဒပြတဲ့သူကို လက် နက်အားကိုးနဲ့ ချေမှုန်းတဲ့ကိစ္စ။ ဒါက အချင်းချင်း အပြန်အလှန် ပစ်ခတ်လို့၊ လက်နက်ကြီးတွေ ပစ်လို့ဆိုတဲ့ အဆင့်တောင် မရောက်သေးဘူး။ သွေးအေးအေးနဲ့ မြို့ပြပေါ်မှာ နေ့ခင်းကြောင် တောင် သတ်ဖြတ်မှုတွေ။ သွေးအေးအေးနဲ့ သတ်ဖြတ် မှုတွေဆိုတာ ပိုပြီး ထင်ရှားပါတယ်” ဟု ပြောသည်။

စစ်ကောင်စီ အနေဖြင့် အလွန်ဆိုးရွားသည့် ရာဇဝတ်မှုနှင့် လူသတ်မှုများကို ကျူးလွန်နေခြင်းဖြစ်ရာ ကုလသမဂ္ဂ လူ့အခွင့် အရေးဆိုင်ရာ အဖွဲ့အစည်းများ၊ ကလေးသူငယ်ဆိုင်ရာ အထူးစုံစမ်းရေးအရာရှိ စသည်တို့ အပါအဝင် နိုင်ငံတကာ စာချုပ် များကို လေးစားလိုက်နာရန်အတွက် ဖွဲ့စည်းထားသည့် ကော်မတီများထံ တိုင်ကြားသွားမည်ဟုလည်း လူ့အခွင့်အရေးဆိုင် ရာ ဝန်ကြီးဌာနမှ သိရသည်။ ဦးအောင်မျိုးမင်းက “အခုကာလအတွင်းမှာ အမှန်တရားကို ဖော်ဆောင်ပြီး တရားဥပဒေ အတိုင်း လုပ်ဆောင်ဖို့ အခက်အခဲတွေ ရှိတယ်။ ဒါပေမယ့် အခုဖြစ်နေတာတွေ အားလုံးက သက်သေပါ” ဟု ပြောဆိုသည်။

၁၉။ NUG အစိုးရရော စစ်ကောင်စီပါ WHO ညီလာခံ တက်ခွင့်မရ
27 May, 2021

ကုလသမဂ္ဂလက်အောက်ခံ ကမ္ဘာ့ကျန်းမာရေးအဖွဲ့ (WHO) ၏ ၇၄ ကြိမ်မြောက် ညီလာခံသို့ ကြားကာလ အမျိုးသား ညီညွတ်ရေးအစိုးရ (NUG) သာမက အာဏာသိမ်း စစ်ကောင်စီပါ တက်ရောက်ခွင့်မရဘဲ ရွှေ့ဆိုင်းလိုက်ကြောင်း WHO က သတင်းမီဒီယာများသို့ ပြောထားသည်။ မြန်မာနိုင်ငံတွင် စစ်အာဏာသိမ်းမှု ဖြစ်ပွားပြီးနောက် ထွက်ပေါ်လာသည့် NUG အစိုးရနှင့် စစ်ကောင်စီတို့သည် မေလ ၂၄ ရက်မှ ဇွန် လ ၁ ရက်အထိ ပြုလုပ်နေသည့် WHO ၏ နှစ်ပတ်လည် ညီလာခံကို မြန်မာနိုင်ငံ ကိုယ်စားပြု တက်ရောက်ခွင့် အတွက် အဆိုပြုလွှာကို အပြိုင်တင်သွင်းခဲ့ခြင်း ဖြစ်သည်။ ယင်းအဆိုပြုလွှာနှင့် ပတ်သက်ပြီး မည်သူ့ကို နိုင်ငံကိုယ်စားပြုအဖြစ် ခွင့်ပြုပေးရမည်ကို ဝေခွဲမရဖြစ်ပြီးနောက် WHO က လာမည့် နိုဝင်ဘာလ တွင် ပြုလုပ်မည့် ကုလသမဂ္ဂအထွေထွေညီလာခံ၏ တရားဝင်မူဆိုင်ရာဆုံးဖြတ်ရေးအဖွဲ့ကို ရွှေ့ဆိုင်း ပေးလိုက်ခြင်း ဖြစ် ကြောင်း သိရသည်။

အာဏာသိမ်းစစ်ကောင်စီ၏ ကျန်းမာရေးဝန်ကြီးဌာနမှ ဗဟိုကူးစက်ရောဂါ တိုက်ဖျက်ရေးဌာနခွဲ ညွှန်ကြားရေးမှူး ဒေါက် တာခင်ခင်ကြီးက WHO ၏ မြန်မာနိုင်ငံကိုယ်စားလှယ်များကို ညီလာခံတက်ရောက်ခွင့်မပေးဘဲ ရွှေ့ဆိုင်းလိုက်သည်မှာ မှန်ကန်ကြောင်း ဧရာဝတီသို့ အတည်ပြု ပြောဆိုသည်။ ညီလာခံ တက်ရောက်ခွင့် မရသည့် ကိစ္စနှင့်ပတ်သက်၍ NUG ၏ ကျန်းမာရေးဝန်ကြီးဌာန ပြည်ထောင်စုဝန်ကြီး ဒေါက် တာဇော်ဝေစိုးနှင့် ဒုတိယဝန်ကြီး ဒေါက်တာရွှေပုံတို့ကို ဧရာဝတီက အွန်လိုင်းမှတဆင့် ဆက်သွယ်ခဲ့ရာ တုံ့ပြန် ဖြေကြားခြင်း မရှိပေ။ NUG ၏ လူ့အခွင့်အရေးဆိုင်ရာ ပြည်ထောင်စုဝန်ကြီး ဦးအောင်မျိုးမင်းကတော့ WHO က NUG ကို အစိုးရတရပ်အဖြစ် တရားဝင် အသိအမှတ် မပြုသေးသော်လည်း စစ်ကောင်စီ ကို အစိုးရအဖြစ် အသိအမှတ် မပြုသေးခြင်းမှာ အောင်မြင်မှုတခု ဟု ယူဆနိုင်စရာပင် ဖြစ်ကြောင်း VOA သတင်းဌာနသို့ ဖြေ ကြားထားသည်။

အဆိုပါ အစည်းအဝေးသို့ တက်ရောက်ခွင့်ရရေး စစ်ကောင်စီနှင့် NUG နှစ်ဖွဲ့လုံးက အပြည်ပြည်ဆိုင်ရာ အလုပ်သမားများ အဖွဲ့ချုပ် (ILO) ၏ ညီလာခံကျင်းပရေးကော်မတီထံ လျှောက်လွှာတင်ထားသော်လည်း ကော်မတီထံမှ ဆုံးဖြတ်ချက် မကျ သေးခြင်း ဖြစ်ကြောင်း မြန်မာနိုင်ငံလုံးဆိုင်ရာ အလုပ်သမားသမဂ္ဂများအဖွဲ့ချုပ် (CTUM) ဥက္ကဋ္ဌ ဦးမောင်မောင်က ဧရာဝတီ ကို ပြောဆိုထားသည်။

၂၀။ မော်လမြိုင် Quarantine စင်တာတွင် တာဝန်ကျဝန်ထမ်း ၄ ဦး ကိုဗစ်-၁၉ ပိုးတွေ့ရှိ
May 28, 2021

မော်လမြိုင်မြို့ရှိ တက္ကသိုလ် ၁၀ မြို့နယ်အဆောင် Quarantine စင်တာ တာဝန်ကျဝန်ထမ်း ၄ ဦးထံမှ မေလ ၂၅ ရက်နေ့က ကိုဗစ်-၁၉ ရောဂါပိုးတွေ့ရှိခဲ့ခြင်းကြောင့် ၎င်းတို့နှင့် ထိတွေ့ဆက်စပ်သူများ Quarantine ဝင်ရောက်ရန် စီစဉ်လျှက်ရှိ ကြောင်း လူမှုကယ်ဆယ်ရေးအသင်းများက သိရသည်။

ယင်းကဲ့သို့ ရောဂါပိုးတွေ့ရှိလာခြင်းကြောင့် ကိုဗစ်-၁၉ တတိယလှိုင်းဖြစ်လာနိုင်ခြေရှိပြီး ပထမလှိုင်းနှင့် ဒုတိယလှိုင်းမှ သင်ခန်းစာယူ၍ အတတ်နိုင်ဆုံး ပြည်သူများ ကြိုတင်ကာကွယ်နေထိုင်ကြရန် မော်လမြိုင် လူမှုကယ်ဆယ်ရေးအသင်းမှ ကိုဇင်မိုးက ပြောသည်။ ကိုဇင်မိုးက “ပိုးကတော့ နေ့တိုင်း ပုံမှန် ၃ ယောက် ၄ ယောက်လောက်တော့ အမြဲတွေ့တယ်၊ ဟိုတနေ့ကလည်း ပေါင်မြို့နယ်က ၁၉ ယောက်တွေ့တယ်၊ ဒီနောက်ပိုင်းမှာ ကိုဗစ်တတိယလှိုင်း စကြားတဲ့ချိန်ကနေစပြီး တော့ တင်းတင်းကြပ်ကြပ် ပိုစစ်လာတော့ ခုတလော ထိုင်းပြန်တွေမှာ တောက်လျှောက် ကိုဗစ်ပိုးတွေ့လာတယ်”ဟု ဆို သည်။ လက်ရှိအချိန်တွင် အနံ့မရသည့်လူနာများနှင့် နယ်စပ်ဒေသမှ ပြန်လာသူများကို အဆိုပါ မော်လမြိုင် Quarantine စင်တာ၌ စစ်ဆေးပေးလျှက်ရှိပြီး Positive လူနာများကို ဆေးကုသပေးလျှက်ရှိကြောင်း၊ စစ်အာဏာသိမ်းသည့် ကာလ အတွင်း ပြည်ပမှ ပြန်လည်ဝင်ရောက်လာသူ ၇၀၃၈ ဦးကို ကိုဗစ်-၁၉ ရောဂါ စစ်ဆေးပေးခဲ့ကြောင်း သိရသည်။

ထို့အပြင် ရခိုင်ပြည်နယ် မောင်တောမြို့နှင့် စစ်တွေမြို့တို့တွင် မြန်မာ-ဘင်္ဂလားဒေ့ရ်ှနယ်စပ်ကုန်သွယ်ရေးစခန်း ပြန်လည်ဖွင့် လှစ်လာသည့် ယခုလအတွင်း ဘင်္ဂလားဒေ့ရ်ှမှပြန်ဝင်လာသော စက်လှေသမားများမှ ကိုဗစ်-၁၉ ရောဂါပိုး စတင်တွေ့လာ ကြောင်း သတင်းများက ဖော်ပြသည်။

၂၁။ CDM မလုပ်သည့် ပညာရေးဝန်ထမ်းများကို ပူတာအိုလူငယ်အဖွဲ့ သတိပေး
27 May, 2021

ပူတာအိုခရိုင်တွင် CDM မလုပ်ဘဲ စာသင်ကျောင်းရောက်နေသည့် ဆရာ/မများအနေဖြင့် အလုပ်နားပြီး အမြန်ဆုံးထွက်ခွာ သွားရန် ပူတာအိုရှိ လူငယ်အဖွဲ့က သတိပေးထားကြောင်း သိရသည်။‘ပူတာအို မြို့နယ်၊ ခရိုင် ၊ ပညာရေးကျောင်း အသီးသီးမှ ကျောင်းအုပ်များနှင့် ကျောင်းဆရာ၊ ဆရာမ များ အမြန်ဆုံး ကိုယ့်ဒေသ ၊ ကိုယ့်အိမ်ပြန်ပီး အေးဆေး အနားယူ စေလိုပါသည်။ ယခုအခါ ၌ ဆရာ၊ မ တို့၏ ရှေ့ရေးသည် လက်ရှိ စစ်ကောင်စီ အာမ မခံ ပေးနိုင် သလို ကျနော်တို့ ပူတာအို ရှိ တက်ကြွလူယ်များ မှလည်း အာမခံပေးနိုင်မည် မဟုတ်ပါ။’ဟု ပူတာအို တက်ကြွလူငယ်လှုပ်ရှားသူများ၏ Putau Youth Power အမည်ရှိ လူမှုကွန်ယက်စာမျက်နှာတွင် မေလ ၂၇ ရက်နေ့က သတိပေးစာ ရေးထားသည်ကို တွေ့ရသည်။

လာမည့် ဇွန်လ ၁ရက်နေ့မှစတင်ပြီး စစ်ကောင်စီက ဖွင့်မည့် စာသင်ကျောင်းများတွင် ပူတာအိုမှ CDM မလုပ်သော ဆရာ/မ ၅၀ ရာခိုင်နှုန်းခန့်က လုပ်ငန်းခွင့်သို့ ဝင်ရောက်ရန်ရှိသောကြောင်း ယခုလိုရေးသားဖော်ပြလိုက်ခြင်းဖြစ်သည်ဟု လူငယ် တစ်ဦးက KNG သတင်းဌာနကို ပြောဆိုခဲ့သည်။“ပူတာအိုခရိုင်ထဲမှာ အာဏာရှင်ဆန့်ကျင်ကိုတော်လှန်တာ ဘာမှသိပ် မလုပ်ရသေးတော့ CDM မလုပ်တဲ့ဆရာ/မတွေက အေးဆေး လုပ်ငန်းခွင်ထဲဝင်နေကြတယ်လေ။ သူတို့က ဘာကိုမှ မကြောက်သလို လုပ်နေကြတာပေါ့။ ဒီဒေသမှာ တာဝန်ကျတဲ့သူတွေက အောက်ပြည်အောက်ရွာက သူတွေဖြစ်တယ်။ PDF ကဘယ်ချိန်စမယ်ဆိုတာကို မသိရဘူး။ တစ်ချို့ပြည်နယ်တွေမှာက စနေကြပြီ။ ဒါကြောင့် ကြိုတင်သတိပေးတဲ့အနေနဲ့ အသိပေးလိုက်တာဖြစ်တယ်”ဟု ပြောဆိုခဲ့သည်။

ကျောင်းတက်ရန် အမည်စာရင်း အပ်နှံထားသူများမှာ အကြမ်းဖက်စစ်တပ်နှင့်မဟာမိတ် ပြည်ထောင်စု ကြံ့ခိုင်ရေးနှင့် ဖွံ့ဖြိုးရေးပါတီ USDP နှင့် ဆက်နွယ်သော သား၊ သမီးများသာ အများစုဖြစ်ကြောင်း ဒေသခံများ၏ ပြောဆိုချက်မှ သိရသည်။ ပူတာအိုမြို့ အထက်တန်း ကျောင်းအပ်နှံရာတွင် မေလ ၂၄ ပထမရက်နေ့အဖြစ် ကျောင်းသား ၃၀၀ ဝန်းကျင်ခန့်ရှိခဲ့သလို မေလ ၂၇ ရက်နေ့ထိ လာရောက်အပ်နှံသူအများအပြားရှိသေးကြောင်း သိရသည်။

၂၂။ တီးတိန်မြို့နယ် ပညာရေးမှူးရုံး ဗုံးပေါက်၊ ပျက်ဆီးဆုံးရှုံးမှုများ
28, May 2021

မေလ၂၇ ရက် မနေ့ညပိုင်းက၊ ချင်းပြည်နယ် တီးတိန်မြို့ရှိ မြို့နယ်ပညာရေးမှူးရုံးမှာ ဗုံးပေါက်ကွဲပြီး ရုံးအဆောက်အအုံ ပျက်ဆီးထိခိုက်မှု များခဲ့တယ်လို့ ဒေသခံတွေက ပြောပါတယ်။ ဒေသခံတစ်ဦးက “မနေ့ည ၇နာရီခွဲလောက်မှာ ဗုံးပေါက်သံ ကြားရတယ်။ အဲတာ ညပိုင်းဆိုတော့ ဘယ်သူ့မှ အပြင်မထွက်ရဲကြဘူး။ မနက်ကျမှ တီးတိန်မြို့နယ် ပညာရေးမှူးရုံး ဖြစ်နေ တာ။ အပျက်အစီးတော့ တော်တော်များတယ်။ ” လို့ RFAကို ပြောပါတယ်။ ဗုံးကွဲမှု‌ကြောင့် ပညာရေးမှူးရုံး တံခါး‌ပေါက်၊ အမိုးနဲ့ ကြမ်းခင်းတွေ ပျက်စီးခဲ့တယ်လို့ သူက ဆိုပါတယ်။

မေလ ၂၆ရက်နေ့ကလည်း ချင်းပြည်နယ် ဖလမ်းမြို့ရှိ အမှတ် (၂) အ‌ခြေခံပညာ အထက်တန်းကျောင်းနဲ့ အမှတ် (၅) အ‌ခြေခံပညာ အလယ်တန်းကျောင်းတွေမှာ ဗုံးပေါက်ကွဲမှုတွေ ဖြစ်ခဲ့ပြီး၊ အပျက်အစီး တချို့ရှိခဲ့ပါတယ်။ ချင်းပြည်နယ် တီးတိန်မြို့နယ် အာဏာဖီဆန်ရေး CDM ပါဝင်တဲ့ ကျောင်းဆရာ/ဆရာမနဲ့ ပညာရေး ဝန်ထမ်း ၁၀၈၇ ဦးကို စစ်ကောင်စီက အလုပ်ကနေ ထုတ်ပယ်‌ကြောင်း၊ ချင်းပြည်နယ် ပညာရေးမှူးရုံးက မေလ၂၁ ရက်နေ့က အမိန့်စာ ထုတ်ပြန်ခဲ့ဖူးပါတယ်။ လက်ရှိ ချင်းပြည်နယ်မှာ ကျောင်းဆရာ/ဆရာမ ဦးရေ ၉၆၆၇ ဦးရှိပြီး၊ အာဏာဖီဆန်ရေးလှုပ်ရှားမှု CDM မှာ ပါဝင်တာ ကြောင့် အလုပ်ထုတ်ခံရသူ ၄၀၀၀ ကျော်ရှိတယ်လို့ သိရပါတယ်။

၂၃။ မိုင်းဆတ်မြို့ လုံခြုံရေး မစောင့်နိုင်သည့်အိမ် ကျပ် (၈)ထောင် ပေးရ
May 28, 2021

သျှမ်းပြည် အရှေ့ပိုင်း မိုင်းဆတ်မြို့တွင် ကျောင်းလုံခြုံးရေးအတွက် သွားရောက်မစောင့်ပါက တရက်လျှင် ကျပ်ငွေ (၈) ထောင်ပေးနေရကြောင်း စုံစမ်းသိရသည်။ စစ်ကောင်စီမှ ကျောင်းအပ်ခွင့်စလက်ခံသည့် (မေ ၂၄) ရက် မှ စပြီး ပြည်သူများ ကို ကျောင်းလုံးခြုံးရေးအရ သွားရောက်စောင့်ခိုင်းပြီး၊ သွားရောက်မစောင့်နိုင်ပါက တအိမ်လျှင်တရက် ကျပ်ငွေ (၈)ထောင် ပေးဆောင်ရမည် ဖြစ်ကြောင်း မိုင်းဆတ်ဒေသခံများက ပြောသည်။

“ သူတို့ ၂၄ ရက်ကတည်းက လာစောင့်ခိုင်းတာ။ ဘယ်နေ့ထိစောင့်သွားရမလဲဆိုတာ မသိသေးဘူး။ ရက်အကန့်သတ်မရှိ စောင့်သွားရမယ်လို့ပြောတယ်။ တစ်ရက်ကို တစ်အိမ် အလှည့်ကျ သွားစောင့်ပေးနေရတယ်။ ကျောင်းဖွင့်လည်း အလှည့်ကျ စောင့်ရမယ်လိုပြောတယ်။ သွားမစောင့်ရင် တအိမ်ကို ၈ ထောင်ကျပ်ပေးရမယ် ” ဟု မိုင်းဆတ်မြို့ဒေသခံ တစ်ဦး က ပြော သည်။ ကျောင်းလုံးခြုံရေးအပြင် မြို့အဝင်အထွက် တွင်လည်း ပြည်သူများ အလှည့်ကျ တစ်အိမ်တစ်ယောက် သွားစောင့်ပေး နေရကြောင်းသိရသည်။“တစ်အိမ်ကိုတစ်ယောက်သွားစောင့်ပေးရတာ။ ယောကျားလေးတွေဘဲ သွားစောင့်ပေးရတာ။ ယောကျား လေးမရှိတဲ့ အိမ်ဆို မိန်းခလေးက သွားစောင့်ပေးရတာ။ ကိုယ်စရိတ်နဲ့ကိုယ်ဘဲ။ နေ့လည်စာတောင်း အိမ်ကနေ ထမင်းချိုင်းထုတ် သွားခိုင်းတာ။ ထ ၂ ကျောင်းမှာက မစောင့်နိုင်င်တဲ့အိမ်ဆို ၈၀၀၀ ပေးရတယ်။ ငြင်းလို့မရဘူး” ဟု မိုင်းဆတ်မြို့ ဒေသခံတစ်ဦးက ပြောသည်။

အဆိုပါ မိုင်းဆတ်မြို့ပြည်သူများသည် မနက်ပိုင်း ၆ နာရီမှ ညနေပိုင်း ၄ နာရီအထိ ကျောင်းလုံခြုံးရေးအတွက် သွားရောက် စောင့်ကြည့်ပေးနေရကြောင်း၊ ထိုလုပ်ဆောင်မှုများကို မြို့နယ်ကညွှန်ကြားထားကြောင်း ဒေသခံများကပြောသည်။ စစ်အာဏာသိမ်းပြီးနောက်ပိုင်း စစ်ကောင်စီမှ ပြည်သူများကို နည်းလမ်းမျိုးစုံဖြင့် ခြိမ်းခြောက်ကာ ၎င်းတို့စေလိုရာအတိုင်း လုပ်ဆောင်နေလျက်ရှိကြောင်းသိရသည်။

၂၄။ “မြန်မာလူထုတောင်းဆိုချက်အတိုင်း လုပ်ဆောင်သွားမယ်” – ဂျပန်နိုင်ငံခြားရေးဝန်ကြီး
28 May, 2021

ဂျပန်နိုင်ငံအနေနဲ့ မြန်မာလူထု လိုလားချက်အတိုင်း တုံ့ပြန်လုပ်ဆောင်သွားပါမယ်လို့ ဂျပန်နိုင်ငံခြားရေးဝန်ကြီးက ပြောပါ တယ်။ “အခက်အခဲတွေနဲ့ ရင်ဆိုင်ကြုံတွေ့နေရတဲ့ မြန်မာလူထုရဲ့ တောင်းဆိုချက်အတိုင်း ဂျပန်နိုင်ငံက တုံ့ပြန်လုပ်ဆောင် သွားပါမယ်။ မြန်မာ့အရေး ဖြေရှင်းဖို့ဆိုရင် နိုင်ငံတကာအသိုင်းအဝိုင်းရဲ့ ပူးပေါင်းဆောင်ရွက်မှုက အထူးအရေးပါပြီး အထူး ကိုယ်စားလှယ် Burgener နဲ့ လည်းပူးပေါင်းဆောင်ရွက်သွားချင်ပါတယ်” လို့ ဂျပန်နိုင်ငံခြားရေးဝန်ကြီး Toshimitsu Motegi ကပြောပါတယ်။ ကုလသမဂ္ဂအတွင်းရေးမှူးချုပ်ရဲ့ မြန်မာနိုင်ငံဆိုင်ရာ အထူးကိုယ်စားလှယ် Christine Schraner Burgener နဲ့ ဒီကနေ့ တိုကျိုမြို့တော်မှာ တွေ့ဆုံဆွေးနွေးပြီးတဲ့နောက် ဝန်ကြီး Motegi က အဲဒီလိုပြောတာပါ။

အထူးကိုယ်စားလှယ် Burgener ဟာ ဂျပန်လွှတ်တော်အမတ်တွေ၊ ဂျပန်မှာရှိတဲ့ ကုလသမဂ္ဂ တာဝန်ရှိသူတွေနဲ့တွေ့ဆုံပြီး မြန်မာနိုင်ငံမှာ လက်ရှိဖြစ်နေဆဲ နိုင်ငံရေးအကျပ်အတည်းနဲ့ပတ်သက်လို့ ဆွေးနွေးပြီးတဲ့နောက် ဂျပန်နိုင်ငံခြားရေးဝန်ကြီးနဲ့ တွေ့ဆုံဆွေးနွေးတာပါ။ မြန်မာစစ်အာဏာသိမ်းမှုနဲ့ တိုင်းပြည်တွင်း အကြမ်းဖက်ဖြစ်ရပ်တွေကို ကိုင်တွယ်ဖြေရှင်းရေး ဂျပန် နိုင်ငံအနေနဲ့ ကုလသမဂ္ဂနဲ့ ပူးပေါင်းဆောင်ရွက်ချင်ပါတယ်လို့ ဝန်ကြီး Motegi ကပြောပါတယ်။ အထူးကိုယ်စားလှယ် Burgener ကလည်း ဂျပန်အစိုးရရဲ့ ပူးပေါင်းဆောင်ရွက်မှုအတွက် ကျေးဇူးတင်တဲ့အကြောင်းနဲ့ ဆွေးနွေးပြောဆိုသွားဖို့ မျှော်လင့်ထားကြောင်းပြောပါတယ်။

မြန်မာနိုင်ငံမှာ စစ်အာဏာသိမ်းမှုကို ဆန့်ကျင်ဆန္ဒပြနေသူတွေဟာ ကိုယ့်ကိုယ်ကို ခုခံကာကွယ်ရေးကနေ ပြန်လှန်တိုက် ခိုက်ရေးဘက်ကို စပြီးပြောင်းလဲလာကြပြီဖြစ်တဲ့အတွက် ပြည်တွင်းစစ် ဖြစ်လာနိုင်ခြေရှိနေပြီလို့ မစ္စ Burgener က ထပ်ပြီး သတိပေးပြောဆိုခဲ့ပါတယ်။

၂၅။ မြန်မာနိုင်ငံတွင်း စစ်ဘေးရှောင်တွေအတွက် စာနာမှုအကူအညီ မလုံလောက် (ကုလစာနာမှုအဖွဲ့ OCHA)
28 May, 2021

မြန်မာနိုင်ငံ အရှေ့တောင်ပိုင်း တိုင်းရင်းသား ဒေသ တွေမှာ ၂၀၂၁ အတွင်း တိုက်ပွဲတွေ ဖြစ်ပွားတာကြာင့် အခုချိန်အထိ အိုးအိမ်စွန့်ခွာထွက်ပြေးရသူ စုစုပေါင်း ၈၅,၀၀၀ ကျော် ရှိလာနေတယ်လို့ ကုလသမဂ္ဂ လူသားချင်းစာနာမှု အထောက်ကူ ပေးရေး ညှိနှိုင်းမှုအဖွဲ့ OCHA ကပြောပါတယ်။ အထူးသဖြင့် ကယားပြည်နယ်ထဲမှာ မေလကုန်ရက်ပိုင်းတွေအတွင်း စစ်ရှောင် ၃၇,၀၀၀ လောက်ရှိလာနေတာ ဖြစ်ပြီး မြန်မာနိုင်ငံတွင်းက တိုက်ပွဲဖြစ်ပွားရာဒေသနေ ပြည်သူ တသန်းလောက် အတွက် အကူအညီရန်ပုံငွေ အမေရိကန်ဒေါ်လာ သန်း ၂၇၀ လောက် လိုအပ်နေပေမယ့် ၁၅ % လောက်သာရရှိ သေးကြောင်းလည်း မေလ ၂၇ ကြာသပတေးနေ့မှာ ထုတ်ပြန်တဲ့ OCHA ရဲ့ မြန်မာနိုင်ငံလူသားချင်းစာနာမှုဆိုင်ရာ အခြေနေ အစီရင်ခံစာမှာ ဖေါ်ပြထားပါတယ်။

မြန်မာနိုင်ငံ အရှေ့တောင်ပိုင်း ဒေသတွေမှာ ဧပြီနဲ့ မေလတွေမှာ ဖြစ်ပွားတဲ့တိုက်ပွဲတွေကြောင့် စစ်ရှောင် ၄၆,၀၀၀ လောက် ရှိလာနေပြီး ကယားပြည်နယ်ထဲမှာတော့ မေလကုန်မှာ အိုးအိမ်စွန့်ခွာထွက်ပြေးရသူက ၃၇,၀၀၀ ဖြစ်လာနေတယ်လို့ ဖေါ်ပြထားပါတယ်။ ချင်းပြည်နယ် မင်းတပ်မှာတော့ စစ်တပ်က ရဟတ်ယာဉ်တွေ လက်နက်ကြီးတွေသုံး တိုက်ခိုက်ခဲ့တဲ့ မေလ ၁၂ ရက် ကစပြီး တိုက်ပွဲတွေ အရှိန်မြင့်လာခဲ့တဲ့ နောက်ပိုင်း အိုးအိမ်စွန့်ခွာထွက်ပြေးရသူ ထောင်ပေါင်းများစွားရှိနေ တာပါ။ ရှမ်းပြည်မြောက်ပိုင်းမှာတော့ မြန်မာစစ်တပ် နဲ့ တိုင်းရင်းသားလက်နက်ကိုင် တပ်ဖွဲ့တွေ အပြင် တိုင်းရင်းသား လက်နက်ကိုင်အချင်းချင်းပါ တိုက်ပွဲတွေဖြစ်ပွားနေတဲ့အတွက် မေလအတွင်း နေအိမ်တွေကနေ ထွက်ပြေးရသူ ၂၈၀၀ လောက်ရှိနေပြီး ဒီနှစ်ဆန်းကတည်းက ထွက်ပြေးနေရသူတွေနဲ့ဆို အခုချိန်မှာ စစ်ရှောင်စုစုပေါင်း ၈,၄၀၀ လောက်ရှိနေပြီလို့ လည်း ဖေါ်ပြထားပါတယ်။

ကချင်ပြည်နယ်ထဲမှာ ခုအစီရင်ခံစာတင်သွင်းတဲ့ ဧပြီလ ၂၄ ရက်ကနေ မေလ ၂၄ ရက် အတွင်း စစ်ရှောင်ဦးရေ တိုးမလာ ပေမယ့် စစ်တပ်နဲ့ KIA ကချင်လက်နက်ကိုင်တပ်ဖွဲ့တို့ကြား ဖြစ်ပွားတဲ့တိုက်ပွဲတွေကြောင့် မတ်လလကတည်းက နေရပ်စွန့်ခွါ ထွက်ပြေးရသူ ၈ ၅၀၀ လောက် ခုထိ အိမ်မပြန်နိုင်ကြသေးးပါဘူး။ ဒီဒုက္ခသည်တွေ အတွက် လူသားချင်းစာနာမှုဆိုင်ရာ အကူအညီ ဒေါ်လာ သန်း ၂၇၀ လောက်တောင်းခံထားပေမယ့် အခု ၁၅ % လောက်ပဲရသေးကြောင်းလည်း ပြောပါတယ်။

 

မှတ်ချက်။ သက်ဆိုင်ရာသတင်းမီဒီယာအသီးသီးမှ ကောက်နုတ်ဖော်ပြခြင်း ဖြစ်ပါသည်။

 

** ပြီး **